1 Yohani 4:9 - ULufingwi uLupwa

⁹ UMulungu wuuyo átulolesiizye ishikunzi shaakwe kwi idala ilya kumusonteelezya uMwana waakwe imozi, mu nsi umu, inga tuvhwaje uvhulanzi kutuushila ku kwakwe.

Tesitamenti Umupwa 1965

⁹ Muli zinizi ishikunzi sha Mulungu shihaloleha kulʼiswe, shʼuMulungu ahamutumʼuMwana wakwe woka mwene imozi munsi, ukuti tuponele muli wuyo.

1 Yohani 4:9 ပူးပေါင်းရင်းမြစ်များ

Maliko 12:6

“Pisinda, ahasyala we mwana waakwe unkundwa, umwanaavuli, ahamusonteelezya woope, ahati, ‘Uno kwe vhamushindishe, mwe pe mwana waane.’

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

Yohani 10:10

Umwivha akwinza ni nsiivho izya kwivha nu kugoga nu kunanganya. Ileelo ine ninzile, inga zivhe nu vhulanzi, havhili zivhe navhwo ku vhwinji.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

Yohani 3:18

“UMulungu atakumulonga umuntu we anitisile ne Mwana waakwe, ileelo umuntu we atanitisile alonziilwe, mwe pe atanitisile ne Mwana waakwe imozi.

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Yohani 6:29

Woope uYeesu ahavhaamula ahati, “Imbombo ye uMulungu akwanza muvhombaje, ya kuniitiha ine, ne ansonteleziizye kuli imwe.”

Yohani 6:51

Ine ne shaakulya she shifumile ku mwanya, she shikuuvhapa avhantu uvhulanzi. Umuntu wonti we akulya ishaakulya ishi akuvha nu vhulanzi uvhwa shiima. Ishaakulya ishi muvhili waane we kwe mbufumwe ku vhantu vhonti, inga vhavhe nu vhulanzi uvhwa shiima.”

Yohani 6:57

“Inza vwe uTaata we ansonteleziizye ine mulanzi, niine nkuvhwaga uvhulanzi kufuma ku kwakwe. Vhwevhulo, umuntu wonti we akundya ine, akuvhwaga uvhulanzi kufuma ku kwane.

Yohani 8:29

UMulungu we ansonteleziizye ali pooka niine. Atandesiile neeka, mwe pe ahavhaliilizyo honti nkuvhomba zye zikumuhondezya.”

Yohani 8:42

UYeesu ahavhavhuuzya ahati, “Inga uMulungu wu Taata wiinyu, nkandi munkunzite. Ine ntinzile ku maha gaane, uMulungu we ansonteleziizye.

Yohani 9:3

UYeesu ahavhaamula ahati, “Uvhwantonko vhwakwe vhutakufumiilana nu kuuti uweene ávhomvile uvhutalamalandu, poosye avhapaafi vhaakwe. Ápafwilwe wu ntonko, inga amaha aga Mulungu galoleshe ku vhantu kutuushila ku kwakwe.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

VaHebuli 1:5

Yeenya, ataliipo uhavhizya nuumo we uMulungu ámuvhuziizye inza vwe ámuvhuziizye uMwana átili, “Iwe we Mwana waane, ileelo ili navha ne Taata waaho.” Havhili ataliipo uhavhizya nuumo we uMulungu ámuvhuziizye inza vwe áyanzile átili, “Kwe mbe ne Taata waakwe, woope kwe avhe Mwana waane.”

1 Yohani 3:16

Iswe tushimanyile ishikunzi, mwe pe uChilisiti ávhufumwizye uvhulanzi vhwakwe ku zyitu. Niiswe vhweleele, inga haafiha ahavhaliilizyo aha kuvhaavwa avhamwitu, tukwanzilwa kuyikungula kuvhaavwa, poosye nu kuvhufumwa uvhulanzi vhwitu ku zyavho.

1 Yohani 4:10

Ishi she shikunzi, kuuti te sweswe twámukunzite uMulungu, nkandi uweene we átukunzite iswe. Ahamusonteelezya uMwana waakwe, avhe mpuutile iya kuvhoolwa, inga ayeefwe uvhutalamalandu vhwitu, nu kutukundanya nu Mulungu.

1 Yohani 4:16

Ishi, iswe tumanyile nu kwitiha kuuti uMulungu atukunzite. UMulungu shikunzi. Wonti we akulandila ku shikunzi, we akulandila ku vhuliilani nu Mulungu, woope uMulungu akulandila ku vhuliilani nu weene.

1 Yohani 5:11

Uvhwahoome uvhwo vhwe vhuno: UMulungu atupiiye uvhulanzi uvhwa shiima shiima, uvhulanzi uvhwo tukuvhwaga kwa Mwana waakwe.

1 Yohani 5:13

Nkuvhasimbila amazwi iga, imwe mwe mukulyitiha izina ilya Mwana wa Mulungu, inga mumanye kuuti muli nu vhulanzi uvhwa shiima shiima.