1 Yohani 4:7 - ULufingwi uLupwa

⁷ Mwe vhankundwa, tukundanaje, mwe pe ishikunzi shikufuma kwa Mulungu. Umuntu wonti we akuvhakunda avhamwavho, mwana wa Mulungu, havhili amumanyile uMulungu.

Tesitamenti Umupwa 1965

⁷ Mwe vankundwa, tukundanaje swe vuvo vatupu, shʼishikunzi shifumile kwa Mulungu, havili wope wengʼali nishikunzi wʼapafilwe mwa Mulungu, havili amumanyilʼuMulungu.

1 Yohani 4:7 ပူးပေါင်းရင်းမြစ်များ

Yohani 13:34

Ileelo ishi nkuuvhapa indajizyo impwa, nkuvhalajizya kuuti, ‘Mukundanaje. Inza vwe ine mbakunzite imwe, niimwe mukundanaje inza vhwevhulo.’

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

1 VaKolinti 8:3

Ileelo umuntu we akumukunda uMulungu, uyo we akumanyiha nu Mulungu wuuyo.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaGalati 4:9

Ileelo ishi, mumumanyile uMulungu, kwe kuuti woope avhamanyile imwe. Pe mungagaluha inza vhuli, mu maata ge gatali na maha, havhili gatangaavwa naashimo? Vhuli, mukwanza muvhe mwe vhazya avha maata iga havhili?

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

2 Timoti 1:7

Yeenya, uMulungu atatupiiye umwoyo uwa ilyoga, nkandi atupiiye uMupepo uwa kuutupa amaha ni shikunzi nu mwoyo uwa kuyikonzya.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Yohani 2:10

Umuntu we akumukunda uwamwavho, akulandila mu vhuzelu. Havhili muhati yaakwe shitaliipo naashimo isha kumwazya kuvhomba uvhutalamalandu.

1 Yohani 2:29

Mwe pe mumanyile kuuti uChilisiti mugolosu, pe mumanye kuuti wonti we akuvhomba ingolosu, we mwana wa Mulungu.

1 Yohani 2:3

Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.

1 Yohani 2:4

Umuntu we akuti amumanyile uMulungu, ileelo atakuzishindiha indajizyo zyakwe, ali ni ilenga, havhili atali nu vhwanalyoli mu mwoyo waakwe.

1 Yohani 2:7

Mwe vhankundwa, ululajizyo ulu lwe nkuvhasimbila te lujeni, lulajizyo lweluula ulwa hali lwe mwámile nalwo kufuma pe mwámwitisile uYeesu. Ululajizyo ulwa hali ulwo, lizwi liila ilya kukundana lye mwályivuuye.

1 Yohani 3:9

Umuntu wonti we mwana wa Mulungu, atakuvheelela kuvhomba uvhutalamalandu, mwe pe ishiholanyo isha Mulungu shili muhati yaakwe. Atangavheelela kuvhomba uvhutalamalandu, mwe pe uweene mwana wa Mulungu.

1 Yohani 4:11

Mwe vhankundwa, mwe pe uMulungu atukunzite iswe inza ishi, yikwanzilwa kuuti niiswe tukundanaje.

1 Yohani 4:12

Ataliipo umuntu wonti we amuvhwenyi uMulungu lumo. Ileelo inga tukukundana, uMulungu akulandila ku vhuliilani niiswe, havhili ishikunzi shaakwe shikulunjiha muli iswe.

1 Yohani 4:16

Ishi, iswe tumanyile nu kwitiha kuuti uMulungu atukunzite. UMulungu shikunzi. Wonti we akulandila ku shikunzi, we akulandila ku vhuliilani nu Mulungu, woope uMulungu akulandila ku vhuliilani nu weene.

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.

1 Yohani 4:8

Ileelo umuntu we atakuvhakunda avhamwavho, atamumanyile uMulungu, mwe pe uMulungu shikunzi.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.

2 Yohani 1:5

Ishi iwe maayi nkundwa, nkukulaavha mu vhusimbe uvhu, kuuti ushindishe ululajizyo luula lwe lukuti tukundanaje. Ululajizyo ulwo te lupwa, lwe lweluula lwe twámile nalwo kufuma pe twánzite kumwitiha uChilisiti.