1 Yohani 4:21 - ULufingwi uLupwa

²¹ UMulungu atupiiye ululajizyo kuuti, wonti we akumukunda uMulungu, akwanzilwa kuuti amukunde nu wamwavho.

Tesitamenti Umupwa 1965

²¹ She tuli nululajizyo lwe lufumile kukwakwe ulu lwe lukuti, uno wengʼamukunzitʼuMulungu we pakuti amukundaje wope nuwamwavo.

1 Yohani 4:21 ပူးပေါင်းရင်းမြစ်များ

Matayi 5:43

“Mwivuuye amazwi ge gakuti, ‘Umukundaje umupalamani waaho, nu kumupata umulugu waaho.’

uLuuka 10:37

Ahaamula ahati, “We wula we ámufwiliiye uvhwila.” UYeesu ahamuvhuuzya ahati, “Niiwe sogoola uvhombaje inza vhwevhulo!”

Yohani 15:12

Ululajizyo lwane kuli imwe lwa kuuti, mukundanaje inza vwe niine mbakunzite imwe.

VaGalati 5:14

Indajizyo zyonti izya Moose zili mu lulajizyo lwoka lwe lukuti, “Umukundaje umupalamani waaho inza vwe ukuyikunda weneewe.”

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

1 VaTesaloniki 4:9

Ishi, yitakwanzilwa kuuti tuvhasimbile imwe inongwa izya kukundana, mwe pe uMulungu wuuyo avhasambiliziizye vwe yikwanzilwa kukundana.

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

1 Peteli 4:8

Ipiti ku zyonti mukundanaje ku mwoyo wonti, mwe pe inga wamukunda umuntu kwe uvhanje ukumuswila, poosye inga akuvhombela uvhutalamalandu ulwinji.

1 Yohani 2:7

Mwe vhankundwa, ululajizyo ulu lwe nkuvhasimbila te lujeni, lulajizyo lweluula ulwa hali lwe mwámile nalwo kufuma pe mwámwitisile uYeesu. Ululajizyo ulwa hali ulwo, lizwi liila ilya kukundana lye mwályivuuye.

1 Yohani 3:11

Navhavhuuzya vhwevhulo, mwe pe inongwa zye mwázyivuuye kufuma ku vhwandilo uvhwa lwitiho lwinyu, zya kuuti tukwanzilwa kukundana.

1 Yohani 3:14

Iswe tumanyile kuuti tufumile mu maha aga vhufwe, nu kwinjila mu vhulanzi uvhwa shiima shiima. Tumanyile vhwevhulo, mwe pe tukuvhakunda avhamwitu. Umuntu we atakuvhakunda avhamwavho ali she asyaye mu vhufwe.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.

1 Yohani 3:23

Ululajizyo lwakwe lwe luno, kuuti tulyitishe izina ilya Mwana waakwe uYeesu Chilisiti, nu kukundana, inza vwe átulajiziizye.

1 Yohani 4:11

Mwe vhankundwa, mwe pe uMulungu atukunzite iswe inza ishi, yikwanzilwa kuuti niiswe tukundanaje.