1 Yohani 4:2 - ULufingwi uLupwa

² Idala ilya kumanya kuuti umuntu akulongolwa nu Mupepo uwa Mulungu lye lino: Wonti we akupemula kuuti uYeesu Chilisiti áyinzile mu nsi, ahavha nu muvhili inza avhantu avhanji, uyo we akulongolwa nu Mupepo uwa Mulungu.

Tesitamenti Umupwa 1965

² Muli zinizi mwe mukumumanyila uMupepo wa Mulungu: Impepo zyonti zye zikuyangʼapazelu ukuti uYesu Chilisiti ayinzile mumuvili zye zifumile kwa Mulungu.

1 Yohani 4:2 ပူးပေါင်းရင်းမြစ်များ

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

1 VaKolinti 12:3

Ishi nkuvhavhuuzya kuuti, umuntu wonti we akulongolwa nu Mupepo uwa Mulungu atangayanga kuuti, “UYeesu atifiilwe.” Havhili umuntu wonti we atakulongolwa nu Mupepo uMufinjile atangayanga kuuti, “UYeesu wu Mwene.”

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

1 Yohani 1:2

Uwa vhulanzi uyo álolesile, niiswe tuhamulola. Ishi tukuvhahomeshezya nu kuvhakumusizya inongwa izya uyo we akuutupa uvhulanzi uvhwa shiima shiima, we áamile kwa Taata uMulungu, havhili ahaloleha kuli iswe.

1 Yohani 2:23

Wonti we akumuhaana uMwana, akumuhaana nu Taata uMulungu. Ileelo wonti we akumwitiha uMwana pilongolela lya vhantu, ali nu vhuliilani nu Taata uMulungu vhweleele.

1 Yohani 4:15

Umuntu wonti we akupemula kuuti uYeesu Mwana wa Mulungu, uMulungu akulandila ku vhuliilani nawo, woope akulandila ku vhuliilani nu Mulungu.

1 Yohani 4:3

Ileelo umuntu wonti we atakupemula inza isho, atakulongolwa nu Mupepo uwa Mulungu. Umuntu uyo akulongolwa ni mpepo iya mulugu uwa Chilisiti. Niimwe, mwivuuye kuuti impepo iyo yikwinza, ishi yinzile mu nsi.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.