1 Yohani 4:19 - ULufingwi uLupwa

¹⁹ Iswe tuli ni shikunzi, mwe pe uweene we átalisile kutukunda.

Tesitamenti Umupwa 1965

¹⁹ Niswe tuvanje nishikunzi, shʼatalisile wuyo ukutukundʼiswe.

1 Yohani 4:19 ပူးပေါင်းရင်းမြစ်များ

uLuuka 7:47

Kuli izyo, nalyoli nkukuvhuuzya kuuti, aswililiilwe uvhutalamalandu vhwakwe uvhwinji, pe akulolesya ishikunzi shaakwe ishipiti. Ileelo wonti we akuswilwa hansi, akuvha ni shikunzi ishinsi.”

Yohani 15:16

Te mwemwe mwánsavhuuye ine, ine ne návhasavhuuye imwe kuvha mwe vhasundikwa vhaane. Návhasavhuuye, inga mupaapaje amantonongwa ge gatakusila naalumo. Pe zyonti zye mukumulaavha uTaata uMulungu kwi izina lyane, aliivhapa.

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

1 Yohani 4:10

Ishi she shikunzi, kuuti te sweswe twámukunzite uMulungu, nkandi uweene we átukunzite iswe. Ahamusonteelezya uMwana waakwe, avhe mpuutile iya kuvhoolwa, inga ayeefwe uvhutalamalandu vhwitu, nu kutukundanya nu Mulungu.

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.