1 Yohani 4:1 - ULufingwi uLupwa

¹ Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.

Tesitamenti Umupwa 1965

¹ Mwe vankundwa, mutazyitihaje impepo zyonti, nkandi muzilingaje impepo ukuti isuti muzimanye inga zifumile kwa Mulungu, she vinji avakuvwi avilenga ve valolesile munsʼumu.

1 Yohani 4:1 ပူးပေါင်းရင်းမြစ်များ

Maliko 13:21

“Ahavhaliilizyo iho, inga umuntu akuvhavhuuzya kuuti, ‘Yeenya, uChilisiti ali ipa,’ poosye kuuti, ‘Ali kuula!’ Mutahinze mwitishe.

uLuuka 12:57

“Shooni she mutakusaavhula kuvhomba ingolosu?

uLuuka 21:8

Ahavhavhuuzya ahati, “Muvhanje minso, inga vhatahinze vhavhahopenkanye! Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Havhili, vhaliiti, ‘Ahavhaliilizyo hapalamiiye!’ Avhantu ivho, mutahasheele muvhalandate!

iMbombo izya Vhatumwa 17:11

Avhantu avha ku Belooya vháamile vhatehamu kuluusya avha ku Tesaloniiki. Avheene vhahalyitiha izwi ilya Mwene uYeesu ku mwoyo wonti, vhahenyelezyaga uVhusimbe uVhufinjile amanda gonti, inga vhahomeshezye inga zye avha Paavhuli nu Siila vhakuyanga zya nalyoli.

iMbombo izya Vhatumwa 20:29

Imanyile kuuti lwe neepa, avhasambiilizi avha ilenga vhe vhahali inza impumpi vhaliyinza kuli imwe, te vhahayifwile uvhwila impuga.

1 VaKolinti 12:10

Uwamwavho akuumupa ishikunjilwa isha kuvhomba amafindango nu wamwavho ishikunjilwa isha vhukuvhwi. UMupepo wunuuyo akuumupa umuntu ishikunjilwa isha kumanya zye zikufuma kwa Mupepo uMufinjile na zye zikufuma ku mpepo inkandamanu. Havhili akuumupa uwamwavho ishikunjilwa isha kuyanga injango injeni nu wamwavho kutantula injango izyo.

1 VaKolinti 14:29

Vhoope avhakuvhwi vhakuvhwaje vhavhili, poosye vhatatu, ileelo avhanji vhagalingaje amazwi igo.

1 VaTesaloniki 5:20

Havhili mutavhusufwaje uvhukuvhwi,

1 VaTesaloniki 5:21

ileelo muvhulingaje vhwonti nu kuvhulandata vhwe vhwinza.

2 VaTesaloniki 2:2

mutasaagaje nu kuvha na maganigani kuzya nongwa izya vhukuvhwi, poosye izya kulumbiilila, poosye izya kalaata we akusivhiililwa kuuti afumile kuli iswe, kuuti isiku ilya kwinza uMwene lifisile.

1 Timoti 4:1

UMupepo uMufinjile akutuvhuuzya ishisita kuzyiha kuuti amanda iga aga kumpeleela, avhantu vhamo kwe vhagaleshe amazwi aga lwitiho. Vhalizitejelezyaga impepo imbiivhi zye zikuhopela, nu kuzilandata insambiilizyo zyavho.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

2 Peteli 2:1

Ahavhaliilizyo aha vhakuvhwi, vháfumiiye avhakuvhwi avha ilenga mu Vhaisilayeeli. Vhwevhulo, avhasambiilizi avha ilenga vhalifumila muhati yiinyu. Avhasambiilizi ivho vhalileeta ku vhuzigizigi insambiilizyo izya ilenga nu kumuhaana uYeesu uMulongozi uMupiti we ávhatavhuuye. Kwi idala ilya nsambiilizyo zyavho, vhaliyileteelela naluvhiilo kulovha kwavho.

1 Yohani 2:18

Mwe vhaana vhaane, ahavhaliilizyo aha kumpeleela hafisile! Mwivuuye kuuti umulugu uwa Chilisiti akwinza, niishi avhalugu avhinji avha Chilisiti vhinzile. Ilyo lye likutuvhiiha kumanya kuuti, tuli mu havhaliilizyo aha kumpeleela.

1 Yohani 2:7

Mwe vhankundwa, ululajizyo ulu lwe nkuvhasimbila te lujeni, lulajizyo lweluula ulwa hali lwe mwámile nalwo kufuma pe mwámwitisile uYeesu. Ululajizyo ulwa hali ulwo, lizwi liila ilya kukundana lye mwályivuuye.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.

Ishitushizya 2:2

Imanyile imbombo yaaho nu mute waaho nu vhujimbiilizu vhwaho. Havhili imanyile kuuti utangavhajimbiilila avhatalamalandu, havhili uvhalinzile vhe vhakuyitaha kuuti vhatumwa fwandi te muumwo. Uhamanyinsanya kuuti vha ilenga.