1 Yohani 3:6 - ULufingwi uLupwa

⁶ Pe ishi, wonti we akujendeelela kuvha nu vhuliilani nu Chilisiti, atakuvheelela kuvhomba uvhutalamalandu. We akuvheelela kuvhomba uvhutalamalandu, atamanyinsiinye kuuti uChilisiti wu naanu, havhili atamumanyile uweene.

Tesitamenti Umupwa 1965

⁶ Vonti venga vakuva mumwakwe wuyo shima ve vatakutalʼamalandu. Vonti venga vakutalʼamalandu ve vatamuwenyi, havili vatamumanyile.

1 Yohani 3:6 ပူးပေါင်းရင်းမြစ်များ

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

1 Yohani 2:28

Pe ishi, vhaana vhaane, mujendeelele kuvha nu vhuliilani nu Chilisiti, inga ahavhaliilizyo he aligaluha havhili, tuhaavhe nu vhudandamazu, tutahaalole insoni pi isiku ilya kwinza kwakwe.

1 Yohani 2:3

Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.

1 Yohani 2:4

Umuntu we akuti amumanyile uMulungu, ileelo atakuzishindiha indajizyo zyakwe, ali ni ilenga, havhili atali nu vhwanalyoli mu mwoyo waakwe.

1 Yohani 3:2

Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.

1 Yohani 3:9

Umuntu wonti we mwana wa Mulungu, atakuvheelela kuvhomba uvhutalamalandu, mwe pe ishiholanyo isha Mulungu shili muhati yaakwe. Atangavheelela kuvhomba uvhutalamalandu, mwe pe uweene mwana wa Mulungu.

1 Yohani 4:8

Ileelo umuntu we atakuvhakunda avhamwavho, atamumanyile uMulungu, mwe pe uMulungu shikunzi.

1 Yohani 5:18

Tumanyile kuuti umuntu wonti we mwana wa Mulungu, atakuvheelela kuvhomba uvhutalamalandu, mwe pe uMwana wa Mulungu akumuguulila. UMuvhiivhi ula uSeetano atangamuvhomba naashimo.

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.