1 Yohani 3:22 - ULufingwi uLupwa

²² Havhili tukuposheela kufuma ku kwakwe shonti she tukumulaavha, mwe pe tukuzishindiha indajizyo zyakwe nu kuvhomba zye zikumuhondezya.

Tesitamenti Umupwa 1965

²² Ilelo ṿwonti ṿwenga tukulava tukuposhela kukwakwe, she tukuzisajila indajizyo zyakwe nukuvomba tukuvomba zizyo zye zikuhondela kuminso gakwe.

1 Yohani 3:22 ပူးပေါင်းရင်းမြစ်များ

Matayi 17:5

Lwe uPeeteli akuyanga izyo, yeenya ivhingo lye likulama lihavhagwinshila. Izwi lihivwiha kufuma mwi ivhingo ilyo lihati, “Uno Mwana waane unkundwa we nkuhondezelwa nawo. Mumutejelezyaje uweene!”

Matayi 21:22

Inga muli nu lwitiho, vwonti vwe mukulaavha lwe mukupuuta, muliposheela.”

Maliko 11:24

Kuli izyo, nkuvhavhuuzya kuuti, vwonti vwe mukulaavha lwe mukupuuta, nalyoli mwitihaje kuuti mwaposheela, uMulungu kwe avhapanje.

Yohani 14:13

Inga mukulaavha ishintu shonti kwi izina lyane, niine kwe mbombaje inza vwe mukulaavha. Kwi idala ilyo, nkulolesya uvhushindamu uvhwa Taata vwe vhuli.

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Yohani 15:7

Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Yohani 6:29

Woope uYeesu ahavhaamula ahati, “Imbombo ye uMulungu akwanza muvhombaje, ya kuniitiha ine, ne ansonteleziizye kuli imwe.”

Yohani 8:29

UMulungu we ansonteleziizye ali pooka niine. Atandesiile neeka, mwe pe ahavhaliilizyo honti nkuvhomba zye zikumuhondezya.”

Yohani 9:31

Tumanyile kuuti uMulungu atakutejeelezya impuuto izya vhatalamalandu, ileelo akumutejeelezya umuntu wonti we akumushindiha nu kuvhomba kulandatana nu lukasamo lwakwe.

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

iMbombo izya Vhatumwa 20:21

Nkavhasohaga aVhayuuda na vhe te Vhayuuda kuuti vhatonte uvhutalamalandu vhwavho, vhamulandate uMulungu, nu kumwitiha uMwene wiitu uYeesu Chilisiti.

Filipi 4:18

Vhamwitu, mposheleeye ivintu vwonti viila vwe mwámusonteleziizye uEpafulodiito, kuuti andeetele. Havhili andeteeye ivwinji kuluusya vwe naasovheliilwe, pe ishi indi navwo ivwinji. Ivintu ivwo, vili ngati mpuutile iya mununsi umwinza, havhili mpuutile ye yikwitishilwa nu kumuhondezya uMulungu.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Yakobu 4:3

Havhili lwe mukulaavha, mutakuposheela, mwe pe mukulaavha ku nsiivho imbiivhi. Mukulaavha, inga viila vwe mwaposheela muvivhombele kuzikwilizya impapilo zyinyu.

Yakobu 5:16

Kuli izyo, mupemulilanaje uvhutalamalandu vhwinyu nu kulavhilana, inga uMwene avhaponiaje. Kulaavha ukwa muntu umugolosu kuli na maha, havhili kukuvhomba imbombo.

1 Yohani 2:3

Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.

1 Yohani 5:14

Uvhwahoome uvhwa vhudandamazu vhwitu pilongolela ilya Mulungu vhwe vhuno: Tumanyile kuuti akutwivwa, inga twamulaavha ishintu shonti ku lukasamo lwakwe.