1 Yohani 3:20 - ULufingwi uLupwa

²⁰ Poosye inga tukulongwa mu mooyo giitu, tukuvha nu vhutehamu, mwe pe tumanyile kuuti uMulungu amanyile nkaani kuluusya vwe iswe tumanyile mu mooyo giitu, havhili uweene azimanyile zyonti.

Tesitamenti Umupwa 1965

²⁰ Lwengʼamoyo gitu gakutulonjelela zimo, pʼuMulungu umupiti nakumoyo gitu, havili azimanyile zyonti.

1 Yohani 3:20 ပူးပေါင်းရင်းမြစ်များ

Yohani 21:17

Ahamuvhuziilizya ulwa vhutatu ahati, “We Siimoni mwana wa Yoohani, vhuli, unkunzite?” Pe uPeeteli ahaswimiililwa, mwe pe amuvhuziilizya ulwa vhutatu kuuti, “Vhuli, unkunzite?” Ahamwamula ahati, “We Mwene, iwe umanyile zyonti. Umanyile kuuti, nkukunzite.” UYeesu ahamuvhuuzya ahati, “Udiimaje ingʼonzi zyane.

Yohani 8:9

Lwe vhiivwa izyo, vhahanda kwepa wooka wooka, kufuma avhasongo kufishila avhajaaha. Pisinda, uYeesu ahasyala weeka nu mwantanda ula we áyimiliiye pilongolela lyakwe.

iMbombo izya Vhatumwa 5:33

Avhapiti vhaala lwe vhiivwa izyo, zihaavhasya amooyo gaavho, vhahanzaga kuvhagoga.

VaLoma 8:34

Havhili, nalyoli naawumo we angaatupa isunde. Yeenya, uChilisiti uYeesu we áfuuye nu kuzyuha, ishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani, ukwo akutulaavhila iswe.

1 VaKolinti 4:4

mwe pe ntakulongwa naashimo mu mwoyo waane. Ileelo ilyo litakumbiiha kuuti ntahaavhe nu vhunanzi, uMwene uYeesu we akundonga.

uTiiti 3:11

Umanyile ahinza kuuti umuntu inza uyo ananjisile, akuvha mutalamalandu, ayilonzile wuuyo weeka.

VaHebuli 4:13

Shitaliipo ishipelwa she shizyihiime pilongolela ilya Mulungu. Ivintu vwonti vili apazelu pilongolela lyakwe, uweene we niiswe tulilondovhola imbombo zyitu zyonti zye tukuzivhomba.

VaHebuli 6:13

Yeenya, hali lwe uMulungu akufinga kwa Aabulahamu, álafile kwi izina lyakwe wuuyo, mwe pe atáliipo naawumo we áamile mupiti kumuluusya uweene we angaalapa ku kwakwe.

1 Yohani 3:19

Inga tukuvhakunda avhamwitu vhwevhulo, pe nalyoli tukumanya kuuti, tukuvhulandata uvhwanalyoli, havhili amooyo giitu gakutehama pilongolela ilya Mulungu.

1 Yohani 3:21

Mwe vhankundwa, inga tutakulongwa mu mooyo giitu, pe tukuvha nu vhudandamazu uvhwa kusejeelela pilongolela ilya Mulungu.

1 Yohani 4:4

Ileelo imwe vhaana vhaane, mwe vhantu vha Mulungu, muvhapoosite avhakuvhwi ivho avha ilenga, mwe pe uMupepo uwa Mulungu ali muhati yiinyu. Uweene ali na maha kuluusya impepo ye yikuvhalongola avhantu avha mu nsi umu.

Ishitushizya 2:23

Havhili ndivhagoga avhalandati vhaakwe. Pe ivivhanza vwonti viliimanya kuuti ine ne nkwenyeelezya insiivho na mooyo. Niine ndiimupa umuntu wonti muli imwe kulandatana na zye akuzivhomba.