1 Yohani 3:2 - ULufingwi uLupwa

² Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.

Tesitamenti Umupwa 1965

² Mwe vankundwa, shinishi pe swe vana va Mulungu. Ilelo zishili ukuloleha ṿwe tuliva, nkandi tumanyile ukuti inga lumo lwʼalolehʼuwene, pe tuliva fwe wuyo, she tulimulola ṿwʼali.

1 Yohani 3:2 ပူးပေါင်းရင်းမြစ်များ

Matayi 5:8

Vhalosiitwe vhe vhali nu mwoyo umwinza, mwe pe vhalimulola uMulungu.

uLuuka 17:30

Vwe ziliivha isiku liila, lye ne Mwana wa Aadamu ndiloleha apazelu.

uLuuka 20:36

Pooka niizyo te vhahaafwe havhili, mwe pe vhaliivha inza avhahavhizya. Vhakuvha vhaana vha Mulungu, mwe pe vhazyusile.

Yohani 1:12

Ileelo vhaala vhe vhámuposheleeye nu kumwitiha, ávhavhiisile kuvha vhaana vha Mulungu.

Yohani 11:52

Havhili uYeesu te kuuti afwe kuzya Vhayuuda vheeka vhweleele, nkandi na kuzya kuuti avhavhungaanishe avhaana vha Mulungu vhe vhasaasite, inga vhavhe pooka.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

VaLoma 8:16

UMupepo uyo we akuhomeshezya mu mooyo giitu kuuti iswe swe vhaana vha Mulungu.

VaLoma 8:18

Amayimba giitu aga havhaliilizyo iha, ntakulola kuuti shintu, inga naholanya nu vhushindamu vhwe uMulungu aliitupa ahavhaliilizyo he hakwinza.

VaLoma 8:19

Yeenya, ivipelwa vwonti vikuguliilila ku mwoyo wonti ahavhaliilizyo he uMulungu alivhalolesya apazelu avhaana vhaakwe.

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

1 VaKolinti 13:12

Ishi ahavhaliilizyo iha, tukulola ivintu ngati pa minso pali ahamvuuvhi, ileelo pisinda tulivilola vwonti apazelu. Ahavhaliilizyo iha nkumanya hansi, ileelo ahavhaliilizyo he hakwinza ndiimanya nkaani inza vwe uMulungu amanyile ine.

1 VaKolinti 15:49

Inza vwe tuholiine nu Aadamu we ápeziilwe kufuma mu ntope, vwe tuliholana nu Chilisiti we ali nu muvhili uwa ku mwanya.

1 VaKolinti 2:9

Izyo zili inza vwe yisimviilwe mu Vhusimbe uVhufinjile kuuti, “Zye uMulungu avhasenganiziinye vhe vhakumukunda, ataliipo umuntu we azivhwenyi lumo, poosye kuzyivwa, havhili ataliipo umuntu we azivhiisile lumo mu mwoyo waakwe.”

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:17

Nkuyanga vhwevhulo, mwe pe amayimba giitu mapupuusu, havhili ga havhaliilizyo hansi vhweleele. Amayimba igo, gakutusenganizanya uvhushindamu uvhwa shiima. Uvhushindamu uvhwo, vhupiti nkaani, vhukutuvhiiha kulola kuuti amayimba igo te shintu.

VaGalati 3:26

Kwi idala ilya lwitiho, imwe mwenti mwe vhaana vha Mulungu, mwe pe musopenkiine nu Chilisiti uYeesu.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

Filipi 3:21

Uweene aligalulanya amavhili giitu ge gayeyevhaaye, inga gaholane nu muvhili waakwe uwa vhushindamu. Alivhomba isho ku maha gaakwe aga kukonzya ivintu vwonti.

Kolosi 3:4

Uvhulanzi vhwinyu vhukufumiilana nu Chilisiti. Ahavhaliilizyo he uweene aliloleha, he niimwe muliloleha pooka nawo na mavhili aga vhushindamu.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

2 Peteli 1:4

Kwi idala ilyo, uMulungu afinzile kuutupa ivintu ivipiti havhili ivwa nsavho, inga tuvhe nu vhuliilani nu Mulungu mu lujendo lwakwe. Kwe kuuti tukupokwa mu vhunanjisu vhwe vhukufumiilana ni mpapilo izya mu nsi.

1 Yohani 2:28

Pe ishi, vhaana vhaane, mujendeelele kuvha nu vhuliilani nu Chilisiti, inga ahavhaliilizyo he aligaluha havhili, tuhaavhe nu vhudandamazu, tutahaalole insoni pi isiku ilya kwinza kwakwe.

1 Yohani 2:7

Mwe vhankundwa, ululajizyo ulu lwe nkuvhasimbila te lujeni, lulajizyo lweluula ulwa hali lwe mwámile nalwo kufuma pe mwámwitisile uYeesu. Ululajizyo ulwa hali ulwo, lizwi liila ilya kukundana lye mwályivuuye.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

1 Yohani 3:10

Pe ishi, umuntu we atakuvhomba ingolosu, poosye we atakumukunda uwamwavho, uyo te mwana wa Mulungu. Isho vwe tukumanya uvhusugaano uvhwa vhaana vha Mulungu, na vhaana vha Mukwalanzi.

1 Yohani 3:21

Mwe vhankundwa, inga tutakulongwa mu mooyo giitu, pe tukuvha nu vhudandamazu uvhwa kusejeelela pilongolela ilya Mulungu.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.

Ishitushizya 2:28

Ndiimupa uluzota luula lwe lukulama nkaani inzanshi.

Ishitushizya 22:4

Vhalipalola pa minso gaakwe ni izina lyakwe lilisimbwa pa vweni vwavho.