1 Yohani 3:19 - ULufingwi uLupwa

¹⁹ Inga tukuvhakunda avhamwitu vhwevhulo, pe nalyoli tukumanya kuuti, tukuvhulandata uvhwanalyoli, havhili amooyo giitu gakutehama pilongolela ilya Mulungu.

Tesitamenti Umupwa 1965

¹⁹ Muli zinizi tuliyimanya ukuti swe va muvwanalyoli, ilelo pe tuligapumilizya amoyo gitu kuminso gakwe.

1 Yohani 3:19 ပူးပေါင်းရင်းမြစ်များ

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

1 Yohani 3:21

Mwe vhankundwa, inga tutakulongwa mu mooyo giitu, pe tukuvha nu vhudandamazu uvhwa kusejeelela pilongolela ilya Mulungu.

Yohani 18:37

Pe uPilaato ahamuvhuziilizya ahati, “Vhuli, ishi zya nalyoli kuuti iwe we mwene?” UYeesu ahamwamula ahati, “Iwe we wayanga kuuti ine ne mwene. Ine nápafwilwe mu nsi umu, havhili nínzile, inga mbasambiilizye avhantu uvhwanalyoli. Umuntu wonti we akuvhulandata uvhwanalyoli, akugatejeelezya amazwi gaane.”

1 Yohani 1:8

Inga tukuti tutali nu vhutalamalandu, tukuyihopenkanya sweneeswe, havhili tutali nu vhwanalyoli mu mooyo giitu.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

VaLoma 4:21

mwe pe nalyoli ámanyile kuuti uMulungu kwe avhombe ziila zye áfinzile ku kwakwe.

Yohani 13:35

Inga mukukundana, pe avhantu vhonti kwe vhamanye kuuti mwe vhasundikwa vhaane.”

1 Yohani 3:14

Iswe tumanyile kuuti tufumile mu maha aga vhufwe, nu kwinjila mu vhulanzi uvhwa shiima shiima. Tumanyile vhwevhulo, mwe pe tukuvhakunda avhamwitu. Umuntu we atakuvhakunda avhamwavho ali she asyaye mu vhufwe.

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

VaLoma 8:38

Nalyoli imanyile kuuti naashimo ishintu she shingatulehaanya ni shikunzi isha Mulungu. Vhuvhe vhufwe, poosye vhulanzi, vhavhe vhe vhahavhizya, poosye avha maha ku mwanya, zivhe zye ziliipo, poosye zye zikwinza, poosye vivhe vipelwa vwe vili na maha,

1 Yohani 2:21

Nkuvhasimbila ukalaata uno, te kuuti, mwe pe mutavhumanyile uvhwanalyoli, nkandi, mwe pe muvhumanyile, havhili, mwe pe mumanyile kuuti ilenga lyonti litakufuma mu vhwanalyoli.

1 Yohani 3:20

Poosye inga tukulongwa mu mooyo giitu, tukuvha nu vhutehamu, mwe pe tumanyile kuuti uMulungu amanyile nkaani kuluusya vwe iswe tumanyile mu mooyo giitu, havhili uweene azimanyile zyonti.