1 Yohani 3:12 - ULufingwi uLupwa

¹² Tutahaavhe inza umuntu ula we vhahatinji uKaayini, we áamile wa Muvhiivhi ula uSeetano, ahamugoga umunine waakwe. Shooni she ámugozile? Ámugozile, mwe pe imbombo zyakwe zyáli mbiivhi, ileelo izya muzuuna waakwe zyáli ngolosu.

Tesitamenti Umupwa 1965

¹² Tutavanje fwe wʼuKayini wʼafumile muwalombwa havili inza shʼamugozile uwamwavo. Amwe pʼamugojeye zyonu? Shʼimbombo zyakwe zyali mbivi, nkandʼizya wamwavo zye zyali ngolosu.

1 Yohani 3:12 ပူးပေါင်းရင်းမြစ်များ

Matayi 13:19

Umuntu wonti we akulitejeelezya izwi ilya vhumwene uvhwa Mulungu ileelo atakulimanyinsanya, pe uMuvhiivhi ula akwinza nu kulisompola lye uMulungu alivhwaye mu mwoyo waakwe. Umuntu uyo akuholana ni mbeyu ye yágwiliiye pa luvhazu pi idala.

Matayi 13:38

Umugunda ula, insi, imbeyu inyinza, vhaana vha vhumwene uvhwa Mulungu, ni ndezye, vhaana vha Muvhiivhi ula.

Matayi 23:35

Ye nongwa uMulungu alivhasunda imwe kuzya kuvhagoga avhantu vhonti avhagolosu, kufuma pe uKaayini ámugozile uAabeli we áamile mugolosu, kufishila pa Zakaliya umwana wa Belekiya we vhámugozile pahati pa Nyumba iMfinjile ni shifinjilo.

Matayi 27:23

UPilaato ahavhuziilizya havhili ahati, “Ananzile ishooni she tumuhomeele?” Ileelo avheene vhahajendeelela kuzuma ahalanga kuuti, “Ahomeelwe!”

Matayi 5:37

Inga mukwitiha ishintu, mutinji, ‘Eena’ vhweleele, poosye inga mukuhaana, mutinji, ‘Ndaali’ vhweleele. Zyonti zye zikwonjela muli izyo, zikufuma kwa Muvhiivhi ula.”

uLuuka 11:51

kufuma pe uKaayini ámugozile uAabeli, kufishila pa Zakaliya, we vhámugozile pahati pa shifinjilo ni Nyumba iMfinjile. Nalyoli nkuvhavhuuzya kuuti, avhantu avha havhaliilizyo iha vhalisundwa kuli izyo zyonti.

Yohani 10:32

Ileelo uYeesu ahavhavhuuzya ahati, “Navhalolesya imbombo inyinji inyinza ku maha aga Taata waane. Vhuli, mbombo vhuli zye zikuvhavhiiha imwe kuuti munkome na mavhwe?”

Yohani 8:40

Ileelo ishi mukulondola idala ilya kungoga, pooka nu kuuti navhavhuuzya uvhwanalyoli vhwe návhwivuuye kufuma kwa Mulungu. UAabulahamu atávhomvile inza vwe imwe mukwanza kumbombela.

Yohani 8:41

Imbombo zye mukuvhomba zikufuma kwa taata wiinyu uwunji.” AVhayuuda ivho vhahamwamula uYeesu vhahati, “Iswe tutapafwilwe kufumiilana nu vhulugusu, uMulungu weeka we wu Taata wiitu.”

iMbombo izya Vhatumwa 7:52

Kuli umukuvhwi we avhataata vhiinyu vhatámuyimvwizye? Yeenyi, vhahavhagoga avhakuvhwi, poosye vhe vhahakuvhwaga uvhukuvhwi kuzya kwinza ukwa Chilisiti, we mugolosu! Uyo, imwe muhamutwala ku vhalugu, muhamugoga!

1 VaTesaloniki 2:14

Vhamwitu, ziila zye zyávhaazile avhantu mu vivhanza ivwa Mulungu mu shigavho isha nsi isha Yudeeya, vhe vhamwitisile uChilisiti uYeesu, zye niimwe zivhaazile. Avhantu vhiinyu vhavhayimvwizye, inza avheene, vwe aVhayuuda avhamwavho vhávhayimvwizye.

VaHebuli 11:4

Mwe pe uAabeli ámwitisile uMulungu, ámufumwiziizye uMulungu impuutile inyinza kuluusya umukulu waakwe uKaayini. Kuzya kwitiha kwakwe, uMulungu ámuvhaziizye uAabeli kuuti muntu umugolosu. UMulungu áposheleeye impuutile yaakwe, pooka nu kuuti uAabeli ahafwa, ulwitiho lwakwe lukujendeelela kuvha shiholanyo ishinza isha iswe kushilandata poosye ileelo.

VaHebuli 12:24

Mufisile kwa Yeesu we akuvhakundanya avhantu nu Mulungu mu lufingwi ulupwa. Amavhanda gaakwe ge gítisile pa shihovhenkanyo kuzya vhutalamalandu vhwitu te gakulanduzya inza aga Aabeli.

1 Peteli 4:4

Avhantu ivho vhe vhatamwitisile uMulungu, vhakusukumila, mwe pe mutakuvha pooka navho kuvhomba uvhutalamalandu, pe vhakwanda kuvhasaamula.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

uYuuda 1:11

Vhasheela! Mwe pe vhakulandata idala ilya Kaayini ilya vhutalamalandu, havhili kuzya vhulonsi vhakutala umulandu uwa Baalamu ishisita kuyidinda. Vhoope vhakusambuha inza uKoola, nu kulovha inza uweene.

Ishitushizya 17:6

Nkalola umwantanda uyo ahoziilwe amavhanda aga vhafinjile avha Mulungu na mavhanda aga vhantu vhe vhahamuhomeshezyaga uYeesu. Lwe namulola, násukumiiye nkaani.