1 Yohani 3:10 - ULufingwi uLupwa

¹⁰ Pe ishi, umuntu we atakuvhomba ingolosu, poosye we atakumukunda uwamwavho, uyo te mwana wa Mulungu. Isho vwe tukumanya uvhusugaano uvhwa vhaana vha Mulungu, na vhaana vha Mukwalanzi.

Tesitamenti Umupwa 1965

¹⁰ Muli zinizi mwe vakuloleshela avana va Mulungu navana va Mukwakwa. She ve vatakuvombʼuvugolosu vatafumile mwa Mulungu, nave vatakuvakundʼavamwavo vovulo.

1 Yohani 3:10 ပူးပေါင်းရင်းမြစ်များ

Matayi 13:38

Umugunda ula, insi, imbeyu inyinza, vhaana vha vhumwene uvhwa Mulungu, ni ndezye, vhaana vha Muvhiivhi ula.

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

Yohani 1:12

Ileelo vhaala vhe vhámuposheleeye nu kumwitiha, ávhavhiisile kuvha vhaana vha Mulungu.

Yohani 11:52

Havhili uYeesu te kuuti afwe kuzya Vhayuuda vheeka vhweleele, nkandi na kuzya kuuti avhavhungaanishe avhaana vha Mulungu vhe vhasaasite, inga vhavhe pooka.

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

Yohani 8:47

Umuntu uwa Mulungu, akulandata amazwi aga Mulungu. Imwe mutakulandata zye uMulungu akuyanga, mwe pe te mwe vhantu vhaakwe.”

iMbombo izya Vhatumwa 13:10

ahamuvhuuzya ahati, “Iwe we mwana wa Mukwalanzi, we mulugu uwa zyonti izya nalyoli pilongolela ilya Mulungu! Uyizuuye uvhushevu uvhwa kuhopenkanya avhanji nu vhuvhiivhi vhwonti. Shooni she utakuleha kupuvwa amadala amagolosu aga MWENE uMulungu?

VaLoma 13:8

Mutavhanje nu mulandu naawumo kwa muntu wonti, nkandi kuvhanje kwe kukundana, mwe pe we akumukunda uwamwavho akupela alunjisya vwe indajizyo zikuyanga.

VaEfeso 5:1

Ishi mulandataje ishiholanyo isha Mulungu, mwe pe mwe vhaana vhaakwe mwe avhakunzite nkaani.

Kolosi 3:14

Ipiti kuluusya izyo zyonti mukundanaje, mwe pe ishikunzi she shikutuvhiiha swenti mu vhuliilani vhwe vhulunjisile.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

1 Yohani 2:29

Mwe pe mumanyile kuuti uChilisiti mugolosu, pe mumanye kuuti wonti we akuvhomba ingolosu, we mwana wa Mulungu.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

1 Yohani 3:2

Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.

1 Yohani 4:21

UMulungu atupiiye ululajizyo kuuti, wonti we akumukunda uMulungu, akwanzilwa kuuti amukunde nu wamwavho.

1 Yohani 4:6

Ileelo iswe swe vhantu vha Mulungu. Umuntu we amumanyile uMulungu, akututejeelezya, ileelo umuntu we te wa Mulungu, atakututejeelezya. Vhwevhulo, vwe tukumanya uvhusugaano uvhwa vhantu vhe vhakulongolwa nu Mupepo uwa nalyoli, na vhaala vhe vhakulongolwa ni mpepo iya ilenga.

1 Yohani 4:8

Ileelo umuntu we atakuvhakunda avhamwavho, atamumanyile uMulungu, mwe pe uMulungu shikunzi.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

1 Yohani 5:2

Vwe zili niiswe, tumanyile kuuti tuvhakunzite avhaana avha Mulungu, kwi idala ilya kumukunda uMulungu, nu kuzishindiha indajizyo zyakwe.

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.