1 Yohani 3:1 - ULufingwi uLupwa

¹ Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

Tesitamenti Umupwa 1965

¹ Yenyi uvupiti vwa shikunzi sha Tata ṿwʼatukunzite ukuti tutashilwaje ukuva swe vana va Mulungu, ena nalyoli swe vana va Mulungu. Mwe mumwo insi yitatumanyilʼiswe, she yitamumanyile nawuyo.

1 Yohani 3:1 ပူးပေါင်းရင်းမြစ်များ

uLuuka 20:36

Pooka niizyo te vhahaafwe havhili, mwe pe vhaliivha inza avhahavhizya. Vhakuvha vhaana vha Mulungu, mwe pe vhazyusile.

Yohani 1:12

Ileelo vhaala vhe vhámuposheleeye nu kumwitiha, ávhavhiisile kuvha vhaana vha Mulungu.

Yohani 11:52

Havhili uYeesu te kuuti afwe kuzya Vhayuuda vheeka vhweleele, nkandi na kuzya kuuti avhavhungaanishe avhaana vha Mulungu vhe vhasaasite, inga vhavhe pooka.

Yohani 15:21

Ileelo vhalivhavhombela zyonti izyo, mwe pe mukulilandata izina lyane, havhili, mwe pe vhatamumanyile we ansonteleziizye.

Yohani 16:3

Vhalivhavhombelaga vhwevhulo, mwe pe vhatamumanyile uTaata, havhili niine vhweleele vhatamanyile.

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

Yohani 3:16

UMulungu ávhakunzite nkaani avhantu avha mu nsi umu, ye nongwa ánsonteleziizye ne Mwana waakwe imozi, kwinza mu nsi umu inga umuntu wonti we akuniitiha atahateeje, nkandi avhwaje uvhulanzi uvhwa shiima.

VaLoma 5:8

Ileelo uMulungu átulolesiizye kuuti atukunzite nkaani, kwi idala ilya kumufumwa uChilisiti atufwile iswe she twápezile twe vhatalamalandu.

VaLoma 8:19

Yeenya, ivipelwa vwonti vikuguliilila ku mwoyo wonti ahavhaliilizyo he uMulungu alivhalolesya apazelu avhaana vhaakwe.

VaLoma 8:21

inga vwinze visatulwe kufuma mu vhuzya vhwavho uvhwa kusheepelwa uvhumwamu, nu kuposheela uvhushindamu vhwe uMulungu aliivhapa avhaana vhaakwe.

VaLoma 8:32

UMulungu atámufwiliiye uvhwila uMwana waakwe wuuyo, ámufumwizye kuuti afwe ku zyitu swenti. Pe ishi, inga átupiiye uMwana waakwe wuuyo, nalyoli aliitupa pooka nawo ivintu vwonti pa vhweleele.

2 VaKolinti 6:18

Havhili uMWENE uMulungu uwa Maha Gonti akuyanga akuti, “Kwe mbe ne Taata wiinyu, niimwe kwe muvhe mwe vhaana vhaane avhanaavuli na vhalindu.”

VaGalati 3:26

Kwi idala ilya lwitiho, imwe mwenti mwe vhaana vha Mulungu, mwe pe musopenkiine nu Chilisiti uYeesu.

VaGalati 3:29

Ishi, mwe pe mwe vhantu vha Chilisiti, pe mwe vha mu mpaapo izya Aabulahamu, mulipwana vwe uMulungu áfinzile.

Kolosi 3:3

mwe pe mufuuye. Ishi mukulandila pooka nu Chilisiti pilongolela ilya Mulungu, ileelo uvhulanzi uvhupwa uvhwo vhutakuloleha.

1 Yohani 3:10

Pe ishi, umuntu we atakuvhomba ingolosu, poosye we atakumukunda uwamwavho, uyo te mwana wa Mulungu. Isho vwe tukumanya uvhusugaano uvhwa vhaana vha Mulungu, na vhaana vha Mukwalanzi.

1 Yohani 3:2

Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.

1 Yohani 4:17

Kwi idala ilyo, uMulungu alunjisiizye ishikunzi shaakwe muhati yiitu, inga tuvhe nu vhudandamazu pi isiku ilya kulongwa. Tuliivha nu vhudandamazu, mwe pe uvhulanzi vhwitu mu nsi umu, vhuholiine na vwe uYeesu ahalandilaga.

Ishitushizya 21:7

Ula we alipoota indingo, aliposheela isho, niine ndiivha ne Mulungu waakwe, woope aliivha mwana waane.