1 Yohani 2:8 - ULufingwi uLupwa

⁸ Ku luvhazu ulwamwavho, ululajizyo ulu lwe nkuvhasimbila, lujeni. Uvhwanalyoli vhwakwe vhukuloleha mu vhulanzi uvhwa Yeesu, na mu vhulanzi vhwinyu vhweleele, mwe pe ukulola ishiisi shikuteezya amaha, nu vhuzelu uvhwa nalyoli vhukutaliha kulama.

Tesitamenti Umupwa 1965

⁸ Havili nkuvasimbilʼululajizyo ulupwa lwe lwa nalyoli mumwakwe wuyo namumwinyʼimwe, shʼishisi shikwepa nuluhozyo lwa nalyoli lwanzitʼukuhozya.

1 Yohani 2:8 ပူးပေါင်းရင်းမြစ်များ

Matayi 4:16

Avhantu vhaala vhe vhakutendama mu shiisi, vhavhulola uvhuzelu uvhupiti. Vhoope vhe vhakutendama mu shiisi isha vhufwe, uvhuzelu vhwavhahozezya.”

uLuuka 1:79

swenti swe tuli mu shiisi nu kupalamila kufwa, nu kutulongola mwi idala ilya vhutehamu.”

Yohani 1:9

Uvhuzelu uvhwo vhwáli vhwa nalyoli, vhuhinza mu nsi umu nu kuvhahozezya avhantu vhonti.

Yohani 12:35

UYeesu ahavhavhuuzya ahati, “Uvhuzelu vhukuvha pooka niimwe ahavhaliilizyo hansi vhweleele. Mujendeelele kujenda mu vhuzelu uvhwo lwe vhuliipo, inga ishiisi shitahinze shivhapoote, mwe pe umuntu we akujenda mu shiisi, atakumanya kwe akusogola.

Yohani 12:46

Ine ninzile mu nsi umu, inga mbe ne vhuzelu ku vhantu, inga umuntu wonti we akuniitiha ine atatendamaje mu shiisi.

Yohani 13:34

Ileelo ishi nkuuvhapa indajizyo impwa, nkuvhalajizya kuuti, ‘Mukundanaje. Inza vwe ine mbakunzite imwe, niimwe mukundanaje inza vhwevhulo.’

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

VaLoma 13:12

Uvhusiku vhwaakusila, kwapalamila kusha. Ishi tuzileshe imbombo izya mu shiisi, tuzwale ivilwilo ivwa mu vhuzelu.

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

VaEfeso 5:8

Hali imwe mwámile mu shiisi, ileelo kufuma pe mwásopenkiine nu Mwene uYeesu, muhavha mu vhuzelu. Pe ishi, mulandilaje inza avhantu vhe vhali mu vhuzelu.

2 Timoti 1:10

Ishi atulolesiizye apazelu uvhwila vhwakwe uvhwa kwinza ukwa Chilisiti uYeesu uMuposhi wiitu. Uweene ávhupoosite uvhufwe kwi idala ilya Izwi iLyinza, álolesiizye vwe avhantu vhalilandila shiima.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Yohani 3:23

Ululajizyo lwakwe lwe luno, kuuti tulyitishe izina ilya Mwana waakwe uYeesu Chilisiti, nu kukundana, inza vwe átulajiziizye.

1 Yohani 4:11

Mwe vhankundwa, mwe pe uMulungu atukunzite iswe inza ishi, yikwanzilwa kuuti niiswe tukundanaje.

1 Yohani 4:21

UMulungu atupiiye ululajizyo kuuti, wonti we akumukunda uMulungu, akwanzilwa kuuti amukunde nu wamwavho.