1 Yohani 2:5 - ULufingwi uLupwa

⁵ Ileelo umuntu wonti we akulishindiha izwi ilya Mulungu, uyo nalyoli akumukunda uMulungu. Idala ilya kumanya kuuti tuli nu vhuliilani nu Mulungu, lye lino:

Tesitamenti Umupwa 1965

⁵ Nkandʼuno wengʼasajiyʼizwi lyakwe, pe nalyoli ishikunzi sha Mulungu shilunjisile mumwakwe. Muli zinizi naswe tukuyimanya ukuti tuli mumwakwe.

1 Yohani 2:5 ပူးပေါင်းရင်းမြစ်များ

uLuuka 11:28

Ileelo uweene uYeesu ahati, “Vhalosiitwe nkaani vhe vhakwivwa nu kulishindiha izwi ilya Mulungu!”

Yohani 14:21

Umuntu wonti we azimanyile nu kuzivhombela imbombo zye nkulajizya, uyo we ankunzite. Woope umuntu wonti we ankunzite ine, uTaata akumukunda. Niine nkumukunda havhili ndiyilolesya apazelu ku kwakwe.”

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 15:5

“Ine indi inza ikwi ilya impensya, imwe mwe nsamba. Umuntu wonti we akuvha muhati yaane, niine nkuvha muhati yaakwe, uyo we akuhoma amantonongwa aminji, mwe pe ishisita ine mutangavhomba naashimo.

Yohani 6:56

Umuntu wonti we akulya umuvhili waane, nu kumwela amavhanda gaane, akujendeelela kuvha muhati yaane, niine nkujendeelela kuvha muhati yaakwe.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

2 VaKolinti 5:17

Kuli izyo, umuntu wonti we akumwitiha uChilisiti, akuvha shipelwa ishipwa, izya hali zikutuuha, uvhuntu vhwakwe vhukuvha vhupwa!

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

Yakobu 2:22

Waalola vwe ulwitiho lwakwe lwálandatiine pooka ni mbombo yaakwe, kufishila pe luhalunjiha kwi idala ilya mbombo yaakwe?

1 Yohani 3:24

Umuntu we akuzishindiha indajizyo izya Mulungu, akulandila ku vhuliilani nu weene, woope uMulungu akulandila ku vhuliilani nawo. Tumanyile kuuti uMulungu akulandila ku vhuliilani niiswe kwi idala ilya Mupepo uMufinjile we atupiiye.

1 Yohani 4:17

Kwi idala ilyo, uMulungu alunjisiizye ishikunzi shaakwe muhati yiitu, inga tuvhe nu vhudandamazu pi isiku ilya kulongwa. Tuliivha nu vhudandamazu, mwe pe uvhulanzi vhwitu mu nsi umu, vhuholiine na vwe uYeesu ahalandilaga.

1 Yohani 4:18

Pe pali ishikunzi patali ilyoga, mwe pe ishikunzi isha nalyoli shikwefwa ilyoga lyonti. Uvhulonzi vhwe vhukuvhavhiiha avhantu kuuti vhavhanje ni lyoga. Umuntu wonti we ali ni lyoga, ishikunzi isha Mulungu shitalunjisile muhati yaakwe.

1 Yohani 5:2

Vwe zili niiswe, tumanyile kuuti tuvhakunzite avhaana avha Mulungu, kwi idala ilya kumukunda uMulungu, nu kuzishindiha indajizyo zyakwe.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

2 Yohani 1:6

Kukundana, kwe kushindiha indajizyo izya Mulungu. Ululajizyo lwe mwálwivuuye kufuma ku vhwandilo lukuti mukundanaje.

Ishitushizya 12:17

Pe iyoha lihamuviitilwa nkaani umwantanda ula, liheepa nu kusogola kulwa uvhulugu na vhaana vhe vhásyaye avha mwantanda ula. Avhaana ivho vhe vhala vhe vhakuzilema indajizyo izya Mulungu nu kufumwa uvhwahoome uvhwa Yeesu Chilisiti.

Ishitushizya 14:12

Kuli izyo, pe yikwanzilwa avhafinjile, avhantu vhaala vhe vhakuzilandata indajizyo izya Mulungu nu kumwitiha uYeesu, vhavhe nu vhujimbiilizu.