1 Yohani 2:3 - ULufingwi uLupwa

³ Inga tukuzishindiha indajizyo izya Mulungu, pe tukuvha nu vhwanalyoli kuuti tumumanyile.

Tesitamenti Umupwa 1965

³ Muli zinizi tukuyimanya ukuti tumumanyilʼuwene inga tukuzisajilʼindajizyo zyakwe.

1 Yohani 2:3 ပူးပေါင်းရင်းမြစ်များ

uLuuka 6:46

“Shooni she mukuniita kuuti, ‘We Mwene,’ ileelo mutakuzivhomba zye nkuvhavhuuzya?

Yohani 14:15

UYeesu ahati, “Inga munkunzite, kwe muzilandataje indajizyo zyane.

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Yohani 15:14

Inga mukuvhomba zye mbalajiziizye, kwe muvhe mwe vhamanyani vhaane.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

1 Yohani 2:13

Nkuvhasimbila imwe vhataata, mwe pe mumumanyile uYeesu Chilisiti, we áliipo kufuma ku vhwandilo uvhwa vintu vwonti. Nkuvhasimbila imwe vhajaaha, mwe pe mumupoosite uMuvhiivhi ula, uSeetano. Nkuvhasimbila imwe mwe vhaana, mwe pe mumumanyile uTaata uMulungu.

1 Yohani 3:14

Iswe tumanyile kuuti tufumile mu maha aga vhufwe, nu kwinjila mu vhulanzi uvhwa shiima shiima. Tumanyile vhwevhulo, mwe pe tukuvhakunda avhamwitu. Umuntu we atakuvhakunda avhamwavho ali she asyaye mu vhufwe.

1 Yohani 3:19

Inga tukuvhakunda avhamwitu vhwevhulo, pe nalyoli tukumanya kuuti, tukuvhulandata uvhwanalyoli, havhili amooyo giitu gakutehama pilongolela ilya Mulungu.

1 Yohani 3:6

Pe ishi, wonti we akujendeelela kuvha nu vhuliilani nu Chilisiti, atakuvheelela kuvhomba uvhutalamalandu. We akuvheelela kuvhomba uvhutalamalandu, atamanyinsiinye kuuti uChilisiti wu naanu, havhili atamumanyile uweene.

1 Yohani 4:13

Tumanyile kuuti tukulandila ku vhuliilani nu Mulungu, woope uMulungu akulandila ku vhuliilani niiswe. Tumanyile vhwevhulo, mwe pe atupiiye uMupepo waakwe.

1 Yohani 4:7

Mwe vhankundwa, tukundanaje, mwe pe ishikunzi shikufuma kwa Mulungu. Umuntu wonti we akuvhakunda avhamwavho, mwana wa Mulungu, havhili amumanyile uMulungu.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

1 Yohani 5:2

Vwe zili niiswe, tumanyile kuuti tuvhakunzite avhaana avha Mulungu, kwi idala ilya kumukunda uMulungu, nu kuzishindiha indajizyo zyakwe.

1 Yohani 5:3

Kumukunda uMulungu, kwe kushindiha indajizyo zyakwe, zyope te ngomu kuzishindiha.

Ishitushizya 12:17

Pe iyoha lihamuviitilwa nkaani umwantanda ula, liheepa nu kusogola kulwa uvhulugu na vhaana vhe vhásyaye avha mwantanda ula. Avhaana ivho vhe vhala vhe vhakuzilema indajizyo izya Mulungu nu kufumwa uvhwahoome uvhwa Yeesu Chilisiti.

Ishitushizya 14:12

Kuli izyo, pe yikwanzilwa avhafinjile, avhantu vhaala vhe vhakuzilandata indajizyo izya Mulungu nu kumwitiha uYeesu, vhavhe nu vhujimbiilizu.

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.