1 Yohani 2:27 - ULufingwi uLupwa

²⁷ Yeenya, imwe, uChilisiti avhapiiye uMupepo uMufinjile, we akutendama muhati yiinyu. Uyo we akuvhasambiilizya zyonti, havhili insambiilizyo zyakwe zya nalyoli, te zya ilenga. Pe ishi, yitakwanzilwa kuuti umuntu uwunji avhasambiilizye. Inza vwe uMupepo avhasambiliziizye, ishi mujendeelele kuvha nu vhuliilani nu Chilisiti.

Tesitamenti Umupwa 1965

²⁷ Namwe lelo vwope nuvupashilwa vwʼavapasile Wuyo muli navwo. Pe kwe kuva mute mwe va kumwanza wumo uwa kuvasambilizya zimo, nkandi shʼukupaha kwakwe kukuvasambilizya zyonti, te zyʼilenga, zye zya nalyoli, inza she kuvasambilizizyʼimwe vovulo muvanje mwe mumwakwe.

1 Yohani 2:27 ပူးပေါင်းရင်းမြစ်များ

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

Yohani 14:16

Pe niine kwe imulaavhe uTaata kuuti aavhape uMutuuli uwamwavho, havhili uyo, kuuti avhe pooka niimwe shiima.

Yohani 14:17

UMutuuli uyo we Mupepo we alivhalolesya avhantu uvhwanalyoli. Avhantu vhe vhakumuhaana uMulungu vhatangamuposheela uMupepo uyo, mwe pe vhatakumulola, havhili vhatamumanyile. Ileelo imwe mumumanyile, mwe pe akuvha pooka niimwe, woope alitendama muhati zyinyu.

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 16:13

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

Yohani 6:45

Yeenya, uVhusimbe uVhufinjile uvhwa vhakuvhwi vhukuti, ‘UMulungu alivhasambiilizya avhantu vhonti.’ Pe umuntu wonti we akutejeelezya nu kusambiilila kufuma kwa Taata waane, we akwinza ku kwane.

1 VaKolinti 2:12

Niiswe, tutaposheleeye impepo izya mu nsi umu, nkandi uMupepo we akufuma kwa Mulungu, inga tuzimanyaje zye tupeliilwe nu Mulungu.

1 VaKolinti 2:13

Inongwa zye tukuyanga, te vhantu vhe vhali nu vhushindamu uvhwa njeele vhe vhatusambiliziizye, nkandi wu Mupepo uwa Mulungu we atusambiliziizye. Tukulondovhola inongwa izya Mupepo uwa Mulungu ku vhantu vhe vhali nu Mupepo uyo.

2 VaKolinti 1:21

UMulungu we akutugomwa iswe niimwe, havhili atusavhuuye kuuti tuvhe twe vhiitisi avha Chilisiti,

VaEfeso 4:21

we vhwandilo uvhwa vhwanalyoli vhwonti. Nalyoli nkwitiha kuuti, mwívuuye ahinza inongwa ni nsambiilizyo zyakwe.

Kolosi 2:6

Ishi, inza vwe mumwitisile uChilisiti uYeesu kuuti wu Mwene, mujendeelele kumulandata.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

1 VaTesaloniki 4:9

Ishi, yitakwanzilwa kuuti tuvhasimbile imwe inongwa izya kukundana, mwe pe uMulungu wuuyo avhasambiliziizye vwe yikwanzilwa kukundana.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

1 Peteli 1:23

Mukwanzilwa muvhe ni shikunzi isho, mwe pe mupafwilwe ulwa vhuvhili, te ku vhapaafi vhe vhakufwa, nkandi kwa mupaafi we atakufwa kwi idala ilya izwi ilya Mulungu lye liliipo shiima.

1 Yohani 2:28

Pe ishi, vhaana vhaane, mujendeelele kuvha nu vhuliilani nu Chilisiti, inga ahavhaliilizyo he aligaluha havhili, tuhaavhe nu vhudandamazu, tutahaalole insoni pi isiku ilya kwinza kwakwe.

1 Yohani 3:24

Umuntu we akuzishindiha indajizyo izya Mulungu, akulandila ku vhuliilani nu weene, woope uMulungu akulandila ku vhuliilani nawo. Tumanyile kuuti uMulungu akulandila ku vhuliilani niiswe kwi idala ilya Mupepo uMufinjile we atupiiye.

2 Yohani 1:2

Tuvhakunzite, mwe pe iswe niimwe tuvhumanyile uvhwanalyoli uvhwo, havhili kwe tujendeelele kuvhumanya shiima shiima.