1 Yohani 2:26 - ULufingwi uLupwa

²⁶ Nkuvhasimbila izi, kuvhasoha kuzya vhantu vhaala vhe vhakwanza kuvhapuvwa.

Tesitamenti Umupwa 1965

²⁶ Imbasimbiye zinizi she valipo ve vakuvatezya.

1 Yohani 2:26 ပူးပေါင်းရင်းမြစ်များ

Maliko 13:22

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Kolosi 2:18

Mutahiitishe umuntu wonti we akuhomeelezya izya vhwahayiisye uvhwa ilenga nu kuvhapuuta avhahavhizya. Umuntu inza uyo atahavhafwule ishipambwi isha shiima. Akuti ali na maha aga kusambiilizya, mwe pe avhwenyi injozi iya pa minso amazelu. Akuyitumvwa ku njeele izya vhuntu vhwakwe uvhwa vhutalamalandu.

Kolosi 2:8

Muvhe minso, umuntu wonti atahavhavhiishe kuvha mwe vhagomwa ku nsambiilizyo izya ilenga zye zitangavhaavwa. Insambiilizyo izyo, maata aga vhantu, havhili nsiivho zyavho izya mu nsi. Zitakufuma kwa Chilisiti.

1 Timoti 4:1

UMupepo uMufinjile akutuvhuuzya ishisita kuzyiha kuuti amanda iga aga kumpeleela, avhantu vhamo kwe vhagaleshe amazwi aga lwitiho. Vhalizitejelezyaga impepo imbiivhi zye zikuhopela, nu kuzilandata insambiilizyo zyavho.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

1 Yohani 3:7

Ishi vhaana vhaane, mutahiitishe kuuti umuntu wonti avhateezye. Umuntu we akuvhomba ingolosu, we mugolosu, inza uChilisiti vwe mugolosu.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.