1 Yohani 2:24 - ULufingwi uLupwa

²⁴ Ishi, amazwi gaala ge mwágivuuye kufuma ku vhwandilo uvhwa lwitiho lwinyu, mujendeelele kugalema mu mooyo giinyu. Inga mukujendeelela kuvhomba isho, pe niimwe kwe mujendeelele kuvha nu vhuliilani nu Mwana nu Taata uMulungu.

Tesitamenti Umupwa 1965

²⁴ Namwe lelo zye mwiṿuye kuvwando zye muve nazyo muhati shima. Lwe mukuva nazyo shima zye mwiṿuye kuvwando, pe namwe mukuva mwa Mwana namwa Yise.

1 Yohani 2:24 ပူးပေါင်းရင်းမြစ်များ

uLuuka 1:2

Vhasimvile inongwa izi inza vwe vhátuvhuziizye avhavhomvi vhaala vhe vházivhwenyi na minso gaavho kufuma pe zyátalisile nu kuzilumbiilila.

uLuuka 9:44

“Tejeelezyi ahinza zye nkwanza kuvhavhuuzya: Ne Mwana wa Aadamu kwe vhambiishe mu nyoovhe izya vhalugu.”

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 15:7

Inga mwavha muhati yaane na mazwi gaane gavha muhati zyinyu, pe mulaavhaje kwa Taata shonti she mukwanza, woope aliivhapa.

Yohani 6:56

Umuntu wonti we akulya umuvhili waane, nu kumwela amavhanda gaane, akujendeelela kuvha muhati yaane, niine nkujendeelela kuvha muhati yaakwe.

Yohani 8:25

Pe vhahamuvhuziilizya uYeesu vhahati, “Tuvhuuzye, iwe we naanu?” UYeesu ahavhaamula ahati, “Kufuma ku vhwandilo naavhavhuziizye kuuti ine ne naanu.

Filipi 4:15

Mwe Vhafiilipi, niimwe vhuulo, mumanyile kuuti shitaliipo ishivhanza ishinji she shihanavwaga. Kufuma ku vhwandilo uvhwa kulumbiilila Izwi iLyinza kuli imwe, lwe neepa ku shigavho shiinyu isha nsi isha Makedooniya, mweneemwe mweka mwe tuhatulanaga kuzya kufumwa nu kuposheela.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

VaHebuli 2:1

Pe ishi, ziila zye tuzyivuuye, tukwanzilwa kuzilema, inga tutahinze tuzileshe nu kuzilandata izinji zye zitakwanzilwa.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

1 Yohani 2:7

Mwe vhankundwa, ululajizyo ulu lwe nkuvhasimbila te lujeni, lulajizyo lweluula ulwa hali lwe mwámile nalwo kufuma pe mwámwitisile uYeesu. Ululajizyo ulwa hali ulwo, lizwi liila ilya kukundana lye mwályivuuye.

1 Yohani 3:24

Umuntu we akuzishindiha indajizyo izya Mulungu, akulandila ku vhuliilani nu weene, woope uMulungu akulandila ku vhuliilani nawo. Tumanyile kuuti uMulungu akulandila ku vhuliilani niiswe kwi idala ilya Mupepo uMufinjile we atupiiye.

1 Yohani 4:13

Tumanyile kuuti tukulandila ku vhuliilani nu Mulungu, woope uMulungu akulandila ku vhuliilani niiswe. Tumanyile vhwevhulo, mwe pe atupiiye uMupepo waakwe.

1 Yohani 4:15

Umuntu wonti we akupemula kuuti uYeesu Mwana wa Mulungu, uMulungu akulandila ku vhuliilani nawo, woope akulandila ku vhuliilani nu Mulungu.

1 Yohani 4:16

Ishi, iswe tumanyile nu kwitiha kuuti uMulungu atukunzite. UMulungu shikunzi. Wonti we akulandila ku shikunzi, we akulandila ku vhuliilani nu Mulungu, woope uMulungu akulandila ku vhuliilani nu weene.

2 Yohani 1:2

Tuvhakunzite, mwe pe iswe niimwe tuvhumanyile uvhwanalyoli uvhwo, havhili kwe tujendeelele kuvhumanya shiima shiima.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.

3 Yohani 1:3

Naasesheeye nkaani, lwe avhamwitu vhamo vhinza, nu kuyanga kuuti ukujendeelela kulema izya nalyoli, nu kulandila mu vhwanalyoli.

Ishitushizya 3:11

Nkwinza naluvhiilo. Uleme nkaani she uli nasho, atahinze umuntu akufwule ishipambwi shaaho.

Ishitushizya 3:3

Pe ishi, ukumbushe vwe wáposheleeye na vwe wívuuye, uzileme izyo nu kupinduha. Ileelo inga utavhuuha, ndiyinza kwi idala ilya kwitushizya inza umwivha, pe te uhaamanye ahavhaliilizyo he indiyinza kuli iwe.