1 Yohani 2:20 - ULufingwi uLupwa

²⁰ Ileelo imwe uMulungu avhapiiye uMupepo uMufinjile, ye nongwa mwenti muvhumanyile uvhwanalyoli.

Tesitamenti Umupwa 1965

²⁰ Nkandʼimwe avapasilʼuvupashilwa Wuyo we Mufinjile. Ilelo mwenti muli nuvumanyinsanyi.

1 Yohani 2:20 ပူးပေါင်းရင်းမြစ်များ

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

Maliko 1:24

Ahahoola inkoolo ahati, “Shooni she ukutwinjiilila, iwe Yeesu wa ku Naazaleeti? Uyinzile kutulovwa? Imanyile kuuti iwe we Mufinjile uwa Mulungu.”

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

uLuuka 4:34

“Shooni she ukutwinjiilila, iwe Yeesu wa ku Naazaleeti? Uyinzile kutulovwa? Imanyile kuuti iwe we Mufinjile uwa Mulungu!”

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 16:13

UMupepo uyo we alivhalolesya uvhwanalyoli, lwe ayinza kuli imwe, alivhalongola kuvhulandata uvhwanalyoli vhwonti. Te ahayangaje ku maha gaakwe wuuyo, aliyangaga zye azyivwa nu kuvhavhuuzya zye zilifumila.

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 3:14

Imwe muhamuhaana uYeesu, we Mufinjile wa Mulungu havhili Mugolosu. Ileelo muhalaavha kuuti, umuntu we mugozi we asatulwe!

1 VaKolinti 2:15

Umuntu we akulongolwa nu Mupepo uwa Mulungu, akuzimanya zyonti, ileelo avhantu avhanji vhatangamumanya.

VaHebuli 1:9

Iwe ukusungwa uvhugolosu, nu kuvhuviitilwa uvhuvhiivhi. Kuli izyo, uMulungu, uMulungu waaho, akupasile amafuta aga kuvha nu luseshelo kukuvhiiha kuvha we mupiti kuluusya avhamwinyu.”

VaHebuli 8:11

Te ahaavhe umuntu wonti we alimusambilizyaga uwamwavho, poosye we alimusambilizyaga umujenzi waakwe kuuti, ‘Mumanye uMWENE uMulungu.’ Avhantu vhonti kufuma umunsi kufishila usongo, vhaliimanya ine.

1 Yohani 2:27

Yeenya, imwe, uChilisiti avhapiiye uMupepo uMufinjile, we akutendama muhati yiinyu. Uyo we akuvhasambiilizya zyonti, havhili insambiilizyo zyakwe zya nalyoli, te zya ilenga. Pe ishi, yitakwanzilwa kuuti umuntu uwunji avhasambiilizye. Inza vwe uMupepo avhasambiliziizye, ishi mujendeelele kuvha nu vhuliilani nu Chilisiti.

1 Yohani 4:13

Tumanyile kuuti tukulandila ku vhuliilani nu Mulungu, woope uMulungu akulandila ku vhuliilani niiswe. Tumanyile vhwevhulo, mwe pe atupiiye uMupepo waakwe.

uYuuda 1:5

Ishi, pooka nu kuuti mumanyile, nkwanza imbakumbusye kuuti uMWENE uMulungu lwe avhapoha aVhaisilayeeli kufuma mu nsi iya Miisili, pisinda ahavhalovwa vhaala vhe vhatáali nu lwitiho.

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula:

Ishitushizya 4:8

Vwope ivipelwa vine ivwo vwáli ni vwapa umutanda mutanda, havhili ivwapa ivwo vwámile na minso mu mbazu zyonti na muhati zyavho. Ivipelwa ivwo uvhusiku nu musanya vitakutuzyaga kuyanga kuuti, “Mufinjile, Mufinjile, Mufinjile, wu MWENE uMulungu uwa Maha Gonti, uweene we áliipo, we aliipo, havhili we aliyinza.”