1 Yohani 2:18 - ULufingwi uLupwa

¹⁸ Mwe vhaana vhaane, ahavhaliilizyo aha kumpeleela hafisile! Mwivuuye kuuti umulugu uwa Chilisiti akwinza, niishi avhalugu avhinji avha Chilisiti vhinzile. Ilyo lye likutuvhiiha kumanya kuuti, tuli mu havhaliilizyo aha kumpeleela.

Tesitamenti Umupwa 1965

¹⁸ Mwe twana mwe, iha he havalilizyo ha vusilo. Inza she mwiṿuye ukuti umupinkaChilisiti akwinza, ishi vatumpusile avapinkaChilisiti avinji, mwe mumwo tukumanya ukuti iha havalilizyo ha vusilo.

1 Yohani 2:18 ပူးပေါင်းရင်းမြစ်များ

Matayi 24:11

Havhili avhakuvhwi avhinji avha ilenga vhalifumila, vhoope vhalivhahopenkanya avhantu avhinji.

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 24:5

Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Vhalivhahopenkanya avhantu avhinji.

Maliko 13:6

Nkuvhavhuuzya vhwevhulo, mwe pe avhantu avhinji vhaliyinza kwi izina lyane, vhaliiti, ‘Ine ne ne Chilisiti!’ Vhalivhahopenkanya avhantu avhinji.

Yohani 21:5

Pe uYeesu ahavhavhuziilizya ahati, “Mwe vhaana vhaane, muli ni nswi inga yooka?” Avheene vhahamwamula vhahati, “Naayimo.”

VaLoma 13:11

Mukwanzilwa kuvhomba izyo, mwe pe mumanyile kuuti ahavhaliilizyo aha kudaamula hafisile. Nkuyanga vhwevhulo, mwe pe ahavhaliilizyo aha vhuposhi vhwitu hapalamiiye kuluusya ahavhaliilizyo he twátalisile kumwitiha uMwene uYeesu.

VaLoma 13:12

Uvhusiku vhwaakusila, kwapalamila kusha. Ishi tuzileshe imbombo izya mu shiisi, tuzwale ivilwilo ivwa mu vhuzelu.

VaHebuli 1:2

Ileelo insiku izi izya vhusililishilo, uMulungu ayanzile niiswe kutuushila kwa Mwana waakwe. Ámusavhuuye uMwana uyo kuuti we apwane ivintu vwonti, nu kutuushila ku kwakwe uMulungu ápezile imwanya ni nsi na vwonti vwe vili muumwo.

1 Peteli 1:20

UMulungu ámusavhuuye uChilisiti uyo kufuma ku vhwandilo lwe insi yishiili kupelwa, ileelo ahaguliilila kufishila insiku izi izya kumpeleela. Pe ahamulolesya apazelu ku vhantu vhonti ku zyinyu.

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

2 Peteli 2:1

Ahavhaliilizyo aha vhakuvhwi, vháfumiiye avhakuvhwi avha ilenga mu Vhaisilayeeli. Vhwevhulo, avhasambiilizi avha ilenga vhalifumila muhati yiinyu. Avhasambiilizi ivho vhalileeta ku vhuzigizigi insambiilizyo izya ilenga nu kumuhaana uYeesu uMulongozi uMupiti we ávhatavhuuye. Kwi idala ilya nsambiilizyo zyavho, vhaliyileteelela naluvhiilo kulovha kwavho.

2 Peteli 3:3

Yikwanzilwa mumanye suuti kuuti insiku izya vhusililishilo vhaliyinza avhantu avha isuufwo, vhe vhalivhasufwaga imwe nu kuzilandata impapilo zyavho.

1 Yohani 2:22

Umuntu uwa ilenga wu naanu? Umuntu uwa ilenga we wula we akuti uYeesu te wu Chilisiti. Umuntu inza uyo, we mulugu wa Chilisiti, akumuhaana uTaata uMulungu nu Mwana.

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.

1 Yohani 4:3

Ileelo umuntu wonti we atakupemula inza isho, atakulongolwa nu Mupepo uwa Mulungu. Umuntu uyo akulongolwa ni mpepo iya mulugu uwa Chilisiti. Niimwe, mwivuuye kuuti impepo iyo yikwinza, ishi yinzile mu nsi.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.

uYuuda 1:18

Vhátili, “Amanda aga kumpeleela, kuliivha avhantu vhe vhakujevhula nu kuzilandata impapilo zyavho izya vhupuvi.”