1 Yohani 2:1 - ULufingwi uLupwa

¹ Mwe vhaana vhaane, nkuvhasimbila inongwa izi, inga mutavhombaje uvhutalamalandu. Ileelo poosye inga umuntu wonti muli imwe avhomba uvhutalamalandu, tuli nawo we akutulaavhila kwa Taata uMulungu, uyo wu Yeesu Chilisiti. Uweene mugolosu.

Tesitamenti Umupwa 1965

¹ Mwe twana twanʼimwe, zye nkuvasimbila zinizi, ukuti mutatalajʼamalandu. Pope nashenga woka atazilʼamalandu tuli nawo uwa kutunonelezezya kwa Tata, nkumutaha uYesu Chilisiti umugolosu.

1 Yohani 2:1 ပူးပေါင်းရင်းမြစ်များ

uLuuka 10:22

Havhili ahati, “UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.”

Yohani 10:15

Inza vwe uTaata amanyile ine, niine imumanyile uweene. Ine nkuyifumwa kufwa kuzipoha ingʼonzi zyane.

Yohani 13:33

Mwe vhaana vhaane, kwe mbe niimwe ahavhaliilizyo hansi vhweleele. Inza vwe naavhavhuziizye avhalongozi avha Vhayuuda, niishi vhweleele nkuvhavhuuzya niimwe kuuti kwe mundondole, ileelo imwe mutanginza kwe nkusogola.

Yohani 14:16

Pe niine kwe imulaavhe uTaata kuuti aavhape uMutuuli uwamwavho, havhili uyo, kuuti avhe pooka niimwe shiima.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 21:5

Pe uYeesu ahavhavhuziilizya ahati, “Mwe vhaana vhaane, muli ni nswi inga yooka?” Avheene vhahamwamula vhahati, “Naayimo.”

Yohani 5:14

Isiku lyeliila lwe ahavhaliilizyo hatuuha hansi, uYeesu ahamwaga umuntu uyo pa Nyumba iMfinjile, ahamusoha ahati, “Tejeelezya, ishi waapona. Utahajendeelele kuvhomba uvhutalamalandu havhili, mwe pe inga ukujendeelela kuvhomba uvhutalamalandu, uliyimba nkaani kuluusya vwe wayimbaga ku vhwandilo.”

Yohani 5:36

“Ileelo imbombo zye nkuvhomba zikuhomeshezya ahinza vwe ne wa nalyoli, havhili zilusiizye nkaani zye uYoohani aayanzile. Nkuyanga vhwevhulo, mwe pe imbombo zye uTaata waane ampiiye kuuti mbombaje zye zikulolesya kuuti uTaata uMulungu we ansonteleziizye.

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

Yohani 8:11

Umwantanda uyo ahamwamula ahati, “We mwene, ataliipo naawumo.” Pe uYeesu ahamuvhuuzya ahati, “Niine ntakukulonga. Sogolaaga, kufuma ileelo, utahasheele havhili kuvhomba uvhutalamalandu.”

iMbombo izya Vhatumwa 7:52

Kuli umukuvhwi we avhataata vhiinyu vhatámuyimvwizye? Yeenyi, vhahavhagoga avhakuvhwi, poosye vhe vhahakuvhwaga uvhukuvhwi kuzya kwinza ukwa Chilisiti, we mugolosu! Uyo, imwe muhamutwala ku vhalugu, muhamugoga!

VaLoma 5:10

Mwe pe inga uMulungu átukundiinye iswe nu weene kwi idala ilya vhufwe uvhwa Mwana waakwe, she twápezile twe vhalugu vhaakwe, pe nalyoli alitupoha ku vhuhalazu vhwakwe, kwi idala ilya vhulanzi uvhwa Mwana waakwe.

VaLoma 6:15

Ishi pe tuti vhuli? Vhuli, tuvhombaje uvhutalamalandu, mwe pe indajizyo zitakutukonzya, nkandi uvhwila uvhwa Mulungu? Ndaali, te muumwo inga hansi!

VaLoma 8:34

Havhili, nalyoli naawumo we angaatupa isunde. Yeenya, uChilisiti uYeesu we áfuuye nu kuzyuha, ishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani, ukwo akutulaavhila iswe.

1 VaKolinti 15:34

Muvhanje ni njeele inza vwe yikwanzilwa, havhili musiivhaje ahinza, muleshe kuvhomba uvhutalamalandu, mwe pe vhamo muli imwe, vhatamumanyile uMulungu. Nkuyanga vhwevhulo, inga mbasuupizye.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaGalati 4:19

Vhaana vhaane, inza vwe umwantanda we ali pa vhumwamu akuyiivwa uvhuvhaavi lwe ahavhaliilizyo aha kupaapa haafiha, vwe zyáli niine. Niishi indi she nkuyiivwa uvhuvhaavi nkaani ku zyinyu. Kwe njendeelele kuyiivwa uvhuvhaavi kufishila lwe ulujendo ulwa Chilisiti lwaloleha mu lujendo lwinyu.

VaEfeso 2:18

Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

VaEfeso 4:26

Inga mwaviitwa, mutavhombaje uvhutalamalandu. Havhili izuvha litaswanje she muli nu mulaha.

1 Timoti 2:5

Tumanyile kuuti izyo zye zya nalyoli, mwe pe aliipo uMulungu wooka vhweleele, havhili kuli wooka we akuvhakundanya avhantu nu Mulungu, we muntu uChilisiti uYeesu.

1 Timoti 3:14

Nkukusimbila ukalaata uno, she ndi nu lusuuvhilo ulwa kwinza ku kwaho shiniishi.

VaHebuli 9:24

UChilisiti atínjiiye aPafinjile pa Pafinjile pe pazengwilwe na vhantu, pe shiholanyo isha apa ku mwanya. Áyinjiiye aPafinjile pa Pafinjile apa ku mwanya kwe ahavhaliilizyo iha akutulaavhila pilongolela ilya Mulungu.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

Yakobu 3:9

Ku lumili tukumutiima uTaata, uMWENE wiitu. Havhili ku lumili tukuvhatipa avhantu, vhe uMulungu ahavhapela ku shiholanyo shaakwe.

1 Peteli 2:22

Uweene atávhomvile uvhutalamalandu naavhumo, poosye kuluma ilenga.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.

1 Yohani 3:7

Ishi vhaana vhaane, mutahiitishe kuuti umuntu wonti avhateezye. Umuntu we akuvhomba ingolosu, we mugolosu, inza uChilisiti vwe mugolosu.

1 Yohani 4:4

Ileelo imwe vhaana vhaane, mwe vhantu vha Mulungu, muvhapoosite avhakuvhwi ivho avha ilenga, mwe pe uMupepo uwa Mulungu ali muhati yiinyu. Uweene ali na maha kuluusya impepo ye yikuvhalongola avhantu avha mu nsi umu.

1 Yohani 5:17

Kuvhomba lyonti lye te ligolosu pilongolela ilya Mulungu, kwe kuvhomba uvhutalamalandu. Ileelo pooka niizyo, vhuliipo uvhutalamalandu vhwe vhutakumuvhiiha umuntu ukutali nu Mulungu shiima shiima.

1 Yohani 5:21

Mwe vhaana vhaane, muvhe minso, mutapuutaje avhalungu.

3 Yohani 1:4

Shitaliipo ishintu she shikumpa uluseshelo ulupiti nkaani kuluusya isha kwivwa kuuti avhaana vhaane vhakujendeelela kulandila mu vhwanalyoli.