1 Yohani 1:9 - ULufingwi uLupwa

⁹ Ileelo inga tukupemula kuuti tuvhomvile uvhutalamalandu, uMulungu akutuswila nu kutuzelufwa uvhuvhiivhi vhwonti, mwe pe uweene mutungamu havhili mugolosu.

Tesitamenti Umupwa 1965

⁹ Inga tukupempulʼamalandu gitu, uwene mutungamu havili mugolosu, ukuti atuswilajʼamalandu gitu nukutuzelufwa uvusitavugolosu ṿwonti.

1 Yohani 1:9 ပူးပေါင်းရင်းမြစ်များ

Matayi 3:6

Vhahapemulaga uvhutalamalandu vhwavho, woope ahavhozyaga mwi ijenje uYoolodaani.

Maliko 1:5

Avhantu kufuma mu nkaaya iya Yelusaleemu na mu shigavho isha nsi shonti isha Yudeeya vhahasogolaga kwa Yoohani kumutejeelezya. Vhahapemulaga uvhutalamalandu vhwavho, woope ahavhozyaga mwi ijenje uYoolodaani.

uLuuka 22:57

Ileelo uPeeteli ahahaana ahati, “We mwantanda weewe we! Ine ntamumanyile haa!”

Yohani 17:25

We Taata uMugolosu, avhantu avha mu nsi vhatakumanyile. Ileelo ine nkumanyile, havhili vhoope avhasundikwa vhaane vhamanyile kuuti iwe we unsonteleziizye.

iMbombo izya Vhatumwa 19:18

Avhantu avhinji vhe vhámwitisile uYeesu vhahatonta apazelu imbiivhi zyavho zye vhahavhombaga.

VaLoma 3:26

Havhili, ávhomvile vhwevhulo, inga ahavhaliilizyo iha alolesye uvhugolosu vhwakwe. Uweene mugolosu, havhili we akuvhavhaazya avhantu vhe vhakumwitiha uYeesu kuuti vhagolosu.

1 VaKolinti 1:9

UMulungu alivhomba izi, mwe pe uweene mutungamu. Uweene we ahavhiita imwe, kuuti muvhe nu vhuliilani nu Mwana waakwe uYeesu Chilisiti uMwene wiitu.

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

VaEfeso 5:26

Áyifumwizye kufwa, inga ashizelufwe ishivhanza, áshoziizye na minzi nu kushizelufwa kwi izwi lyakwe.

1 Timoti 1:15

Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 10:23

Ishi pe tulemeelele nziila ulwitiho ulwo lwe tukulwitiha, mwe pe uweene we áfinzile mutungamu.

VaHebuli 11:11

Mwe pe uSaala umushi wa Aabulahamu ámwitisile uMulungu, uMulungu ámupiiye uSaala amaha aga kuvha nu vhumwamu nu kupaapa umwana, pooka nu kuuti uSaala áamile mugumba havhili áamile mugoosi. USaala ahitihaga kuuti uMulungu mutungamu havhili akuvhomba ziila zye afinzile.

VaHebuli 6:10

Mwe pe uMulungu mugolosu, atangaziluvwa imbombo inyinza zye mukuzivhomba. Havhili atangashiluvwa ishikunzi she mwáshilolesiizye ku kwakwe kuvhaavwa avhafinjile avhamwinyu kufuma ku vhwandilo kufishila ishi.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

Ishitushizya 15:3

Vhahimbaga ulwimbo ulwa Moose, umuvhomvi uwa Mulungu nu lwimbo ulwa Hagonzi aha MWENE uMulungu, vhahatinji, “MWENE Mulungu uwa Maha Gonti, imbombo zyaho mpiti, havhili zya kusukumizya nkaani! Iwe Mwene wa nsi zyonti, amadala gaaho ga muumwo, havhili ga nalyoli!