1 Yohani 1:8 - ULufingwi uLupwa

⁸ Inga tukuti tutali nu vhutalamalandu, tukuyihopenkanya sweneeswe, havhili tutali nu vhwanalyoli mu mooyo giitu.

Tesitamenti Umupwa 1965

⁸ Inga tukuti tute nuvutalamalandu pe nkandi tukuyihopa, pe nkandi vwope nuvwanalyoli vutalipo muhati zyitu.

1 Yohani 1:8 ပူးပေါင်းရင်းမြစ်များ

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

VaLoma 3:10

Izyo zikuvhalilana nu Vhusimbe uVhufinjile vhwe vhukuti, “Ataliipo umuntu we mugolosu inga wooka.

VaLoma 3:23

Yeenya, avhantu vhonti vhavhomvile uvhutalamalandu, nu kusheepelwa uvhushindamu uvhwa Mulungu.

1 VaKolinti 3:18

Umuntu wonti muli imwe atahayihopenkanye kuuti ali nu vhushindamu uvhwa njeele. Umuntu inga akuyilola kuuti ali nu vhushindamu uvhwa njeele mu nsi umu, ayivhiishe mwalangani, inga avhwaje uvhushindamu uvhwa njeele uvhwa nalyoli.

VaGalati 6:3

Ishi inga umuntu akuyilola kuuti mumwamu kuluusya avhanji, ileelo atali inza vhwevhulo, uyo akuyihopenkanya wuuyo weeka.

1 Timoti 6:5

nu kudalinkana na vhamwavho shiima. Avhantu ivho zye vhakusiivha, mbiivhi, vhatali nu vhwanalyoli. Vhakusiivha kuuti kuvha nu lujendo ulwinza pilongolela ilya Mulungu lye lidala ilya kulyaga ilonka.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

Yakobu 1:22

Mukuyihopela kuuti mukulilandata izwi ilya Mulungu, ileelo mukulitejeelezya vhweleele. Muvhombaje inza vwe likuyanga,

Yakobu 1:26

Inga umuntu akuyilola kuuti akuvhomba zye zikumuhondezya uMulungu, ileelo atakuyenyeelezya vwe akuyanga, akuyihopela wuuyo weeka. Imbombo zye akusiivha kuuti zikumuhondezya uMulungu zya vhweleele.

Yakobu 3:2

Iswe swenti tukupuvha ku madala aminji. Inga kuli umuntu we atakupuvha kuyanga kwakwe, uyo mulunjisu, uyo we ali na maha aga kuyidinda uvhupuvi uvhwa muvhili waakwe wonti.

2 Peteli 2:13

Avhantu ivho vhaliyimvilwa kuzya mayimba ge vhahavhavhombelaga avhanji. Avheene vhakuseshela kuvhomba izya vhupafu apazelu. Havhili lwe muli pooka navho pa mulyo uwa shikunzi, vhakuvhapezya insoni imwe, kuzya mbombo zyavho imbiivhi zye zili inza amabada mu mwenda umuzelu.

1 Yohani 1:10

Inga tukuti tutavhomvile uvhutalamalandu, tukumuvhiiha uMulungu kuuti ali ni ilenga, havhili tukuvha tulihaanile izwi lyakwe.

1 Yohani 1:6

Ishi, inga tukuyanga kuuti tuli nu vhuliilani nu Mulungu, ileelo uku tukujendeelela kulandila mu shiisi, tukuluma ilenga, havhili tutakuvhomba izya nalyoli.

1 Yohani 2:4

Umuntu we akuti amumanyile uMulungu, ileelo atakuzishindiha indajizyo zyakwe, ali ni ilenga, havhili atali nu vhwanalyoli mu mwoyo waakwe.

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.

2 Yohani 1:2

Tuvhakunzite, mwe pe iswe niimwe tuvhumanyile uvhwanalyoli uvhwo, havhili kwe tujendeelele kuvhumanya shiima shiima.

3 Yohani 1:3

Naasesheeye nkaani, lwe avhamwitu vhamo vhinza, nu kuyanga kuuti ukujendeelela kulema izya nalyoli, nu kulandila mu vhwanalyoli.