1 Yohani 1:6 - ULufingwi uLupwa

⁶ Ishi, inga tukuyanga kuuti tuli nu vhuliilani nu Mulungu, ileelo uku tukujendeelela kulandila mu shiisi, tukuluma ilenga, havhili tutakuvhomba izya nalyoli.

Tesitamenti Umupwa 1965

⁶ Inga twatinji tuli nuvulilani nawo lwe tukujenda mushisi, pe nkandi swe valumilenga, pe nkandi tutakuvombʼizya nalyoli.

1 Yohani 1:6 ပူးပေါင်းရင်းမြစ်များ

Matayi 7:22

Isiku ilya vhulonzi inga lyafiha, avhantu avhinji vhaliyanga vhaliiti, ‘We Mwene! Vhuli, tutahakuvhwaga nu kufumwa impepo inkandamanu nu kuvhomba amafindango aminji kwi izina lyaho?’

Yohani 11:10

Ileelo umuntu we akujenda uvhusiku akupunula, mwe pe uvhuzelu uvhwa kumwavwa vhutakuvha.”

Yohani 12:35

UYeesu ahavhavhuuzya ahati, “Uvhuzelu vhukuvha pooka niimwe ahavhaliilizyo hansi vhweleele. Mujendeelele kujenda mu vhuzelu uvhwo lwe vhuliipo, inga ishiisi shitahinze shivhapoote, mwe pe umuntu we akujenda mu shiisi, atakumanya kwe akusogola.

Yohani 12:46

Ine ninzile mu nsi umu, inga mbe ne vhuzelu ku vhantu, inga umuntu wonti we akuniitiha ine atatendamaje mu shiisi.

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

Yohani 8:55

Niishi vhweleele, mushiili mutamumanyile uMulungu, ileelo ine imumanyile. Inga nkuti ntamumanyile uMulungu, pe nkuvha ni ilenga inza imwe. Ileelo ine imumanyile uMulungu havhili nkuzilandata zye akuyanga.

1 Timoti 4:2

Insambiilizyo izyo zikwinza na vhe vhakuyanga izya ilenga ku shifumbo. Amooyo gaavho amavhiivhi gatangalonga imbiivhi zyavho.

Yakobu 2:14

Mwe vhamwitu, umuntu angalyaga lilonka vhuli, inga akuti ali nu lwitiho, ileelo atakuvhomba imbombo inyinza? Nalyoli ulwitiho lwakwe lutangamupoha!

Yakobu 2:16

Havhili wumo muli imwe akumuvhuuzya akuti, “Sogolaaga ku vhutehamu, uyootaje umwoto nu kwikuta.” Nalyoli inga atakuumupa vwe asovheliilwe ivwo, zitahondeeye inga hansi!

Yakobu 2:18

Ileelo umuntu wumo angati, “Avhantu vhamo vhali nu lwitiho, avhamwavho vhali ni mbombo inyinza.” Uyo ingamwamula kuuti, “Undolesye vwe ungavha nu lwitiho ishisita kuvha ni mbombo inyinza. Ine ku mbombo inyinza, nkukulolesya vwe ulwitiho lwane luli.”

1 Yohani 1:10

Inga tukuti tutavhomvile uvhutalamalandu, tukumuvhiiha uMulungu kuuti ali ni ilenga, havhili tukuvha tulihaanile izwi lyakwe.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

1 Yohani 1:8

Inga tukuti tutali nu vhutalamalandu, tukuyihopenkanya sweneeswe, havhili tutali nu vhwanalyoli mu mooyo giitu.

1 Yohani 2:4

Umuntu we akuti amumanyile uMulungu, ileelo atakuzishindiha indajizyo zyakwe, ali ni ilenga, havhili atali nu vhwanalyoli mu mwoyo waakwe.

1 Yohani 4:20

Inga umuntu akuyanga kuuti amukunzite uMulungu, uku akumuviitilwa uwamwavho, ali ni ilenga. Tukumanya kuuti ali ni ilenga, mwe pe umuntu we atakumukunda uwamwavho we akumulola, atangamukunda uMulungu we atakumulola.