1 Yohani 1:4 - ULufingwi uLupwa

⁴ Tukuvhasimbila izi, inga uluseshelo lwitu luvhe lupiti.

Tesitamenti Umupwa 1965

⁴ Tukuvasimbila zinizi ukuti uluseshelo lwitu lulunjishe.

1 Yohani 1:4 ပူးပေါင်းရင်းမြစ်များ

Yohani 15:11

“Navhavhuuzya zyonti izyo, inga muvhe nu luseshelo inza ine, havhili museshelaje nkaani.

Yohani 16:24

Kufishila ishi mutalaavile naashimo kwi izina lyane. Mumulaavhaje uMulungu, pe woope kwe avhapanje. Kwi idala ilyo, kwe mujendeelele kuvha nu luseshelo nkaani mu mooyo giinyu.”

Yohani 3:29

Umulindu we akwimalwa akwanzilwa kusogola kwa mulume waakwe. Ine indi inza umumanyani uwa mulume we akumwimala umulindu uyo, nkwimiilila pa luvhazu pa we akwimala, nkuseshela lwe nkwivwa izwi lyakwe.

2 VaKolinti 1:24

Te kuuti iswe tukwanza kuvhavijiilizya zye mukwanzilwa kuvhomba mu lwitiho lwinyu, mwe pe imwe mugomile mu lwitiho. She shikwanzilwa kuli iswe, kwe kuvhomba imbombo pooka niimwe, inga museshele.

VaEfeso 3:19

Nkulaavha kuuti, mumanye vwe ishikunzi isha Chilisiti shili uvhupiti, isheene shikuluusya uvhumanyinsanyi vhwinyu. Pe kwe muvhe mwe vhalunjisu inza uMulungu.

1 Yohani 2:1

Mwe vhaana vhaane, nkuvhasimbila inongwa izi, inga mutavhombaje uvhutalamalandu. Ileelo poosye inga umuntu wonti muli imwe avhomba uvhutalamalandu, tuli nawo we akutulaavhila kwa Taata uMulungu, uyo wu Yeesu Chilisiti. Uweene mugolosu.

2 Yohani 1:12

Indi na mazwi aminji ge nanzaga kukusimbila. Ileelo ntakwanza kusimba genego ni italataasi nu wiino, nkandi nkusuuvhila kwinza kuli imwe kuvhavuula, inga tuhayanje lwe twalolana, pe tuliseshela nkaani.