1 Yohani 1:2 - ULufingwi uLupwa

² Uwa vhulanzi uyo álolesile, niiswe tuhamulola. Ishi tukuvhahomeshezya nu kuvhakumusizya inongwa izya uyo we akuutupa uvhulanzi uvhwa shiima shiima, we áamile kwa Taata uMulungu, havhili ahaloleha kuli iswe.

Tesitamenti Umupwa 1965

² shʼuvulanzi vuhaloleha apazelu, tuhavwenya, tukuvahomeshezyʼimwe nukuvakumusizya uvulanzi vunuvu uvwa shimashima, vwe vwali kwa Yise, vwe vuhaloleha apazelu kulʼiswe—

1 Yohani 1:2 ပူးပေါင်းရင်းမြစ်များ

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 1:4

UIzwi uyo áali vhwandilo uvhwa vhulanzi. Vhwope uvhulanzi uvhwo vhwáli vhuzelu vhwa vhantu.

Yohani 10:28

Ine nkuuzipa uvhulanzi uvhwa shiima, te zihateeje naalumo. Havhili ataliipo umuntu we angazifwula ku maha kufuma mu nyoovhe zyane.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 15:27

Havhili, niimwe mulivhahomeshezyaga avhantu avhanji, mwe pe muli pooka niine kufuma ku vhwandilo.”

Yohani 16:28

Nínzile mu nsi kufuma kwa Taata, havhili ishi nkwepa mu nsi, nkusogola kwa Taata.”

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 17:5

Ishi we Taata, ulolesye uvhushindamu vhwane, inga avhantu vhavhulole uvhushindamu vhwe náali navhwo lwe náali pooka niiwe lwe insi yishiili kupelwa.”

Yohani 19:35

Inongwa izi zisimviilwe nu muntu we ázivhwenyi, lwe zikuvhombeha. Zye akuyanga zya nalyoli, havhili woope amanyile kuuti zye akuyanga zya nalyoli. Pe akuhomeshezya, inga niimwe mwitishe.

Yohani 21:14

Ulwo lwáli lwa vhutatu uYeesu kuvhaloleshela avhasundikwa vhaakwe, lwe uMulungu amuzyusya.

Yohani 3:13

Ataliipo umuntu wonti we ahasogola ku mwanya, ileelo ine ne Mwana wa Aadamu ne nkinza kufuma ku mwanya.

Yohani 7:29

Ileelo ine imumanyile, mwe pe mfumile ku kwakwe, havhili uweene we ansonteleziizye kuli imwe.”

Yohani 8:38

Ine nkuvhavhuuzya zye nkuzilola kufuma kwa Taata waane, niimwe mukuzivhomba zye utaata wiinyu akuvhasambiilizya.”

iMbombo izya Vhatumwa 1:22

Avhe áliipo kufuma lwe uYoohani ahozyaga avhantu, kufishila amanda gaala ge uYeesu ányatuliilwe kuli iswe kusogola ku mwanya.”

iMbombo izya Vhatumwa 10:41

Atálolesile ku vhantu vhonti, nkandi kuli iswe swe twásavhuliilwe nu Mulungu kuvha swe vhahoome. Iswe swe twáliiye nu kumwela nawo lwe azyuha.

iMbombo izya Vhatumwa 2:32

“UMulungu ahamuzyusya uYeesu uyo, swenti tuhomesheziizye inongwa izi.

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

iMbombo izya Vhatumwa 5:32

Niiswe swe vhahoome avha zyonti izyo, pooka nu Mupepo uMufinjile, we uMulungu avhapiiye vhonti vhe vhakumushindiha.”

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

VaGalati 4:4

Ileelo ahavhaliilizyo he hávhisiilwe lwe haafiha, uMulungu ahamusonteelezya uMwana waakwe mu nsi, ahavha muntu inza iswe, ahanda kulongolwa ni ndajizyo.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

2 Timoti 1:10

Ishi atulolesiizye apazelu uvhwila vhwakwe uvhwa kwinza ukwa Chilisiti uYeesu uMuposhi wiitu. Uweene ávhupoosite uvhufwe kwi idala ilya Izwi iLyinza, álolesiizye vwe avhantu vhalilandila shiima.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

1 Peteli 5:1

Ishi nkuvhasimbila imwe mwe vhasongo avha vivhanza. Ine ne songo uwamwinyu, havhili ne hoome uwa mayimba aga Chilisiti. Ine ndiposheela uvhushindamu pooka nawo, ahavhaliilizyo he hakwinza. Nkuvhalambiilizya kuuti

1 Yohani 1:1

Tukuvhakumusizya inongwa izya ula we wu Izwi ilya Vhulanzi, we áliipo kufuma ku vhwandilo. Iswe twámwivuuye nu kumulola na minso giitu sweneeswe, tuhamwenyaaga nu kumupalamansya ni nyoovhe zyitu.

1 Yohani 2:25

Mwe pe tuli nu vhuliilani uvhwo, tuli nu lufingwi ulwa vhulanzi uvhwa shiima shiima, vhwe uChilisiti áfinzile kuuti, aliitupa.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.

1 Yohani 4:2

Idala ilya kumanya kuuti umuntu akulongolwa nu Mupepo uwa Mulungu lye lino: Wonti we akupemula kuuti uYeesu Chilisiti áyinzile mu nsi, ahavha nu muvhili inza avhantu avhanji, uyo we akulongolwa nu Mupepo uwa Mulungu.

1 Yohani 5:11

Uvhwahoome uvhwo vhwe vhuno: UMulungu atupiiye uvhulanzi uvhwa shiima shiima, uvhulanzi uvhwo tukuvhwaga kwa Mwana waakwe.

1 Yohani 5:13

Nkuvhasimbila amazwi iga, imwe mwe mukulyitiha izina ilya Mwana wa Mulungu, inga mumanye kuuti muli nu vhulanzi uvhwa shiima shiima.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.