1 VaTesaloniki 2:2 - ULufingwi uLupwa

² Havhili mumanyile kuuti lwe twáshiili kufiha kuli imwe, twáyimvile nu kuligwa mu nkaaya yiila iya Fiilipi. Pooka nu kuuti kuli imwe kwáliipo kudindanjizya nkaani, ileelo uMulungu átupiiye uvhudandamazu uvhwa kulumbiilila Izwi lyakwe iLyinza.

Tesitamenti Umupwa 1965

² nkandi nashenga twatalisile ukuyimṿilwa, nashenga vahatwizizya mu-Filipi inza she muzimanyile namwenemwe, pope shisitakutetema mwa Mulungu witu tuhavavuzyʼimwe Ivangeli lya Mulungu muvulugʼuvwinji.

1 VaTesaloniki 2:2 ပူးပေါင်းရင်းမြစ်များ

iMbombo izya Vhatumwa 14:3

Pe avha Paavhuli nu Balinaaba vhahatendama ku manda aminji pa Ikooniya, vhahavhavhuzyaga avhantu izya vhwila uvhwa Mwene uYeesu ku vhudandamazu, uku vhakumusuuvhila uweene. UMwene ahahomeshezyaga kuuti amazwi gaavho ga nalyoli, kwi idala ilya kuuvhapa amaha aga kuvhomba ivilolesyo ni zya kusukumizya ku vhwinji.

iMbombo izya Vhatumwa 14:5

Pe aVhayuuda na vhapiti vhaavho, pooka na vhantu vhe te Vhayuuda, vhahitinkana kuvhavhomba ahavhiivhi nu kuvhahoma na mavhwe avha Paavhuli nu Balinaaba.

iMbombo izya Vhatumwa 16:12

Ipo tuhayileha imeeli, tuheepa ulwa pansi, tuhafiha mu Fiilipi, inkaaya ye yákumusile nkaani mu wilaaya ye yili mu shigavho isha nsi isha Makedooniya. Mu nkaaya iyo aVhaluumi vhahatendamaga nu kukonzya. Tuhatendama umwo ku havhaliilizyo aha nsiku nyinsi.

iMbombo izya Vhatumwa 16:19

Avhapiti avha mulindu uyo, lwe vhaalola kuuti idala lye vhahasuvhilaga kulyajila ilonka lyananjiha, vhahavhalema avha Paavhuli nu Siila, vhahavhadendemulila pa nsokooni, pilongolela ilya vhapiti.

iMbombo izya Vhatumwa 16:37

Ileelo uPaavhuli ahavhavhuuzya avhapiti avha vhasikaali ahati, “Vhaatuhomile nkaani pilongolela pa vhantu nu kutukunga mu jeela ishisita kutuvhuziilizya, niiswe swe Vhaluumi. Ishi shooni she vhakwanza kutusatula kukwilu? Zitangavha vhwevhulo haa! Vhinze vhuuvho vhatufumwe.”

iMbombo izya Vhatumwa 17:1

Avha Paavhuli nu Siila lwe vheepa ku Fiilipi, vhahatuuha mu nkaaya iya Amufipooli ni ya Apoloniya, vhahafiha mu nkaaya iya Tesaloniiki. Pa Tesaloniiki ipo páamile isinagoogi.

iMbombo izya Vhatumwa 17:17

Kuli izyo, ahayangaga mwi isinagoogi na Vhayuuda na vhantu avhanji vhe vhahamunyilaga uMulungu. Havhili amanda gonti, ahayangaga na vhantu vhe ahahomaanaga navho ku nsokooni.

iMbombo izya Vhatumwa 19:8

Ku havhaliilizyo aha meezi gatatu, uPaavhuli ahinjilaga mwi isinagoogi, ahapanzanyaaga na vhantu ku vhudandamazu nu kuvhasinjiilizya kuuti vhiitishe izya vhumwene uvhwa Mulungu.

iMbombo izya Vhatumwa 4:13

Avhapiti vhaala lwe vhaalola uvhudandamazu uvhwa vha Peeteli nu Yoohani nu kumanya kuuti vhantu vhe vhatasambiliiye, vhahasukumila nkaani. Pe vhahamanyinsanya kuuti, ivha vháamile pooka nu Yeesu.

iMbombo izya Vhatumwa 4:20

Mwe pe iswe tutangaaleha kuziyanga ziila zye tuzivhwenyi nu kuzyivwa.”

iMbombo izya Vhatumwa 4:31

Avhantu ivho lwe vhaamala kumulaavha uMulungu, pe vhávhungiine paala pahayingaana. Vhonti vhahiizula uMupepo uMufinjile, vhahataliha kulumbiilila izwi ilya Mulungu ku vhudandamazu.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

VaLoma 1:1

Ukalaata uno nsimvile neene ne Paavhuli, ne muvhomvi uwa Chilisiti uYeesu. Ániisite kuuti mbe ne mutumwa, nu kunsaavhula kuuti nkumusyaje Izwi iLyinza ilya Mulungu.

2 VaKolinti 3:12

Ishi, mwe pe tuli nu lusuuvhilo ulwa lufingwi ulupwa, lwe lwa shiima, tuli nu vhudandamazu kuvhomba imbombo.

Kolosi 2:1

Nkwanza mumanye kuuti, nkuyikungula ku maha gonti kuvhaavwa imwe na vhiitisi avha ku Lawodikiya na vhanji vhonti vhe tutahalolana naalumo.

1 VaTesaloniki 1:5

Tumanyile vhwevhulo, mwe pe lwe tukulumbiilila kuli imwe Izwi iLyinza, tutálumbiliiye ku mazwi geeka vhweleele, nkandi twálumbiliiye ku maha na kwa Mupepo uMufinjile na ku vhwahoome uvhwinji. Havhili twámanyile kuuti Izwi iLyinza ilyo lya nalyoli. Imwe mumanyile ahinza vwe tuhatendamaga pooka niimwe, inga tuvhaavwe.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.