1 VaTesaloniki 1:3 - ULufingwi uLupwa

³ Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

Tesitamenti Umupwa 1965

³ lwe tukukumbuha imbombo yinyu ya lwitiho, nuvwahayikungule vwa shikunzi, nuvuzyihamulaha vwa lusuvilo vwe vuli mwa Mwene witu uYesu Chilisiti kuminso ga Mulungu uTata witu,

1 VaTesaloniki 1:3 ပူးပေါင်းရင်းမြစ်များ

Yohani 14:15

UYeesu ahati, “Inga munkunzite, kwe muzilandataje indajizyo zyane.

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

iMbombo izya Vhatumwa 10:31

Ahambuuzya ahati, ‘We Kolineeliyo! UMulungu ayiivwa kulaavha kwaho nu kuzyitishila impuutile zyaho zye ukuvhaavwa avhapiina.

iMbombo izya Vhatumwa 3:19

Ishi pinduushi nu kuzileha imbiivhi zyinyu, mumulandate uMulungu inga avhaswile uvhutalamalandu vhwinyu. Pe haliyinza ahavhaliilizyo he mulisankaana, mwe pe muliivha nu MWENE uMulungu.

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 15:4

Zyonti zye zyásimviilwe hali, zyásimviilwe kuvha nsambiilizyo zyitu. UVhusimbe uvhwo vhukutwavwa kujimbiilila nu kutusuvhaalizya, lwe tukuguliilila kuuti zilunjishe zye uMulungu áfinzile.

VaLoma 16:26

Ileelo uMulungu uwa shiima álajiziizye kuuti Izwi ilyo liloleshe apazelu kutuushila mu Vhusimbe uVhufinjile uvhwa vhakuvhwi. Havhili kuuti avhantu avha mu nsi zyonti vhalimanye Izwi ilyo, inga vhamwitishe nu kumushindiha.

VaLoma 16:6

Mundamushile uMaliiya, we ávhomvile imbombo ku mute ku zyinyu.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

1 VaKolinti 13:13

Ivintu ivi vitatu, ulwitiho nu lusuuvhilo ni shikunzi te vihaasile naalumo. Ileelo she shipiti muli ivwo, shikunzi.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

VaGalati 1:4

UChilisiti áyifumwizye kufwa kuzya kwefwa uvhutalamalandu vhwitu, inga atuposhe kufuma mu mbiivhi zyonti izya mu nsi iya havhaliilizyo iha, inza vwe ákasiime uTaata wiitu uMulungu.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

VaGalati 6:9

Ishi tutalitaje kuvhomba inyinza, mwe pe inga tukujimbiilila, tuliivuna inyinza, lwe ahavhaliilizyo haafiha.

1 VaTesaloniki 3:6

Ishi uTiimoti ayinzile kufuma kuli imwe, atuvhuziizye inongwa inyinza izya lwitiho ni shikunzi shiinyu. Atuvhuziizye kuuti mukutusamba shiima ku luseshelo, havhili musamvile kulolana niiswe, inza vwe niiswe tusamvile kulolana niimwe.

2 VaTesaloniki 1:11

Kuli izyo, tukuvhalaavhila shiima. Tukumulaavha uMulungu wiitu kuuti avhahondezye kutendama inza vwe ahavhiita. Havhili tukumulaavha kuuti ku maha gaakwe amasisya, alunjisye vwe mukwanza kuzivhomba inongwa inyinza nu kulunjisya imbombo yiinyu yonti iya mu lwitiho.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

1 Timoti 2:3

Izyo zye nyinza, havhili zye zikumuhondezya uMulungu uMuposhi wiitu.

VaHebuli 10:36

Yeenya, mukwanzilwa kujimbiilila kuvhomba ulukasamo ulwa Mulungu, inga muhaposheele ziila zye uMulungu áfinzile kuuvhapa.

VaHebuli 11:17

Mwe pe uAabulahamu ámwitisile uMulungu, ámufumwizye umwana waakwe uYisaaka kuvha mpuutile lwe uMulungu amulinga. UAabulahamu we áposheleeye ulufingwi kufuma kwa Mulungu, ileelo áyitisile kumufumwa umwana waakwe imozi

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

VaHebuli 6:15

Pe uAabulahamu ahaguliilila nu kujimbiilila kufishila pe aposheela viila vwonti vwe uMulungu áfinzile.

1 Peteli 3:4

nkandi kuvhanje mu mooyo giinyu mwe mutakuloleha. Havhili kuvhanje ku vintu ivwa kuyiyemvwa vwe vitakunanjiha, inza uvhutonsu nu vhutehamu. Ivwo vwe vili ni nsavho impiti pilongolela ilya Mulungu.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.

1 Yohani 3:21

Mwe vhankundwa, inga tutakulongwa mu mooyo giitu, pe tukuvha nu vhudandamazu uvhwa kusejeelela pilongolela ilya Mulungu.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.

1 Yohani 5:3

Kumukunda uMulungu, kwe kushindiha indajizyo zyakwe, zyope te ngomu kuzishindiha.

Ishitushizya 2:19

Ndumanyile ulujendo lwaho ni shikunzi shaaho nu lwitiho lwaho nu vhuvhomvi vhwaho pooka nu vhujimbiilizu vhwaho. Havhili ulujendo lwaho ulwa ishi lwinza kuluusya ulwa hali.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.