1 VaKolinti 7:2 - ULufingwi uLupwa

² Ileelo, mwe pe kuli indingo izya kumupelela umuntu kuvhomba uvhulugusu, umwanaavuli avhanje nu mushi waakwe wuuyo, woope umwantanda avhanje nu mulume waakwe wuuyo.

Tesitamenti Umupwa 1965

² Nkandi shʼavantu vali nulutazyo lwa luvembu mwe mumwo umwanaṿuli wonti avanje numushi, unʼuwakwe unʼuwakwe, havili umwantanda wonti avanje numulume, unʼuwakwe unʼuwakwe.

1 VaKolinti 7:2 ပူးပေါင်းရင်းမြစ်များ

Matayi 5:32

Ileelo ine nkuvhavhuuzya kuuti, umuntu wonti we akumutavhula umushi she atamulemile mu vhulugusu, inga umushi ayiimalwa, umuntu uyo akumuvhiiha kuvha muvhembu. Havhili we amwimala umwantanda we umulume amutavhuuye, woope akuvhomba uvhuvhembu.”

1 VaKolinti 6:18

Kuli izyo, mutantamaje ku vhulugusu. Imwe mukuti, “Uvhutalamalandu vhwonti vhwe umuntu akuvhomba, vhuli kunzi mu muvhili waakwe,” ileelo we akuvhomba uvhulugusu, akuvhuvhombela uvhutalamalandu umuvhili waakwe wuuyo.

1 VaKolinti 7:1

Ishi, naakuyanjila inongwa ziila zye mwaansimbiiye ine kuuti, “Hinza umwanaavuli atajendaje nu mwantanda.”

1 VaKolinti 7:3

Umulume amuvhombelaje umushi waakwe inza vwe yikwanzilwa ku vhe vhimaliine, woope umushi amuvhombelaje umulume waakwe inza vwe yikwanzilwa ku vhe vhimaliine.

1 VaKolinti 7:9

Ileelo inga vhakupootwa kujimbiilila, hinza kwimala poosye kwimalwa, mwe pe kwashi kuvhomba vhwevhulo, kuluusya kuyimvilwa ni mpapilo.

VaEfeso 5:28

Inza vwe uYeesu ashikunzite ishivhanza shaakwe, vhoope avhanaavuli vhakwanzilwa vhavhakundaje avhashi vhaavho inza vwe vhakugakunda amavhili gaavho. We akumukunda umushi waakwe, akuyikunda wuuyo.

VaEfeso 5:33

Ileelo niimwe vhweleele nkuvhavhuuzya mwenti kuuti, umwanaavuli akwanzilwa kumukunda umushi waakwe inza vwe akuyikunda wuuyo, woope umwantanda akwanzilwa kumushindiha umulume waakwe.

1 VaTesaloniki 4:4

Imwe mwenti mugakonzyaje amavhili giinyu, mu vhufinjile nu kuyishindiha.

1 Timoti 4:3

Vhakuvhahaana avhanaavuli kuuti vhatimalaje, na vhantanda kuuti vhatimalwaje. Vhakuvhalajizya avhantu kuuti vhatalyanje ivwakulya vimo. Ileelo uMulungu ávipezile, inga avhantu vhe vhakumwitiha vhaviposheelaje nu kusalifwa, mwe pe avheene vhavhumanyile uvhwanalyoli.