1 VaKolinti 3:9 - ULufingwi uLupwa

⁹ Yeenya, imbombo ye tukuvhomba ine nu Apoolo, ya Mulungu. Imwe muli ngati mwe mugunda uwa Mulungu, havhili muli ngati mwe nyumba yaakwe.

Tesitamenti Umupwa 1965

⁹ Shʼiswe swe va kumutulʼimbombo uMulungu; imwe mwe mugunda wa Mulungu, mwe vuzenje vwa Mulungu.

1 VaKolinti 3:9 ပူးပေါင်းရင်းမြစ်များ

Matayi 15:13

UYeesu ahaamula ahati, “UTaata waane uwa ku mwanya alivhalovwa avhasambiilizi vhonti vhe vhakusambiilizya zye uweene atálajiziizye, inza vwe umuntu akunyunkulanya imbeyu zye uweene atávhwaye.

Matayi 16:18

Ine nkukuvhuuzya kuuti, iwe we we Peeteli. Pi iyalaawe ili, kwe nzenje ishivhanza shaane, na maha aga ku vhuzimu te gahashipoote naalumo.

Matayi 9:37

Pe ahavhavhuuzya avhasundikwa vhaakwe ahati, “Nalyoli iviyavho ivwinji vweleeye, ileelo avhahavuna vhali vhansi.

Maliko 16:20

Avhasundikwa vhaheepa, vhahasogola kukumusya kwonti. UMwene ahavhombaga imbombo pooka navho, ahahomeshezyaga izwi lyakwe ku vilolesyo vwe vhahavhombaga.

iMbombo izya Vhatumwa 4:11

Uweene we livhwe ilya pa shipembe isha nyumba, ásimviliilwe kuuti, ‘Ivhwe lye mwálihaanile imwe vhazenzi, lye lyavha livhwe ipiti ilya pa shipembe isha nyumba.’

1 VaKolinti 3:16

Vhuli, mutamanyile kuuti imwe mwe Nyumba iMfinjile iya Mulungu? Mutamanyile kuuti uMupepo uwa Mulungu akutendama pahati yiinyu?

1 VaKolinti 3:6

Ine návhwaye imbeyu, uApoolo áyitiliziizye aminzi, ileelo uMulungu we ámeziizye nu kukuzya.

1 VaKolinti 6:19

Mutamanyile kuuti, amavhili giinyu Nyumba iMfinjile iya Mupepo uMufinjile we uMulungu ávhapiiye? Ishi amavhili igo te vwuma vwinyu,

2 VaKolinti 6:1

Ishi, mwe pe tukuvhomba imbombo pooka nu Mulungu, tukuvhalambiilizya kuuti uvhwila uvhwa Mulungu vhwe muposheleeye, mutahaaleshe vhuteeje vhweleele.

2 VaKolinti 6:16

INyumba iMfinjile iya Mulungu yingavha nu vhuliilani ni viholanyo ivwa vhalungu? Iswe twe Nyumba iMfinjile iya Mulungu uMulanzi! Izi zili inza uMulungu wuuyo vwe áyanzile átili, “Nditendama pahati yaavho nu kujenda pooka navho. Ndiivha ne Mulungu waavho, vhoope vhaliivha vhantu vhaane.”

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

1 Timoti 3:15

Inga nahaavha, nkwanza kuuti umanye ahinza zyonti zye zikwanzilwa ku vhantu avha Mulungu. Ivho vhe shivhanza isha Mulungu uMulanzi, uweene we lupanda nu lwalo ulwa nalyoli.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

3 Yohani 1:8

Pe ishi, iswe tukwanzilwa kuuti tuvhaavwe avhantu inza ivho, inga tuvhombe pooka navho imbombo iya kusambiilizya uvhwanalyoli.