1 VaKolinti 3:3 - ULufingwi uLupwa

³ Nkuyanga vhwevhulo, mwe pe poosye ishi mukulongolwa nu vhuntu uvhwa vhutalamalandu. Pahati yiinyu muli nu mwone ni ivho. Vhuli, izyo zitakulolesya kuuti muli she mukulongolwa nu vhuntu uvhwa vhutalamalandu nu kulandila inza avhantu avha mu nsi umu?

Tesitamenti Umupwa 1965

³ shʼukufiha nakushinishʼuku pe mwe vamuvili wa munsʼumu suti. She penga mukuvishilanʼahafwishi nukulwa pe mute mwe vamuvili wa munsʼumu, amwe nulujendo lwinyu lute lwa vuntu?

1 VaKolinti 3:3 ပူးပေါင်းရင်းမြစ်များ

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 1:11

Vhamwitu, avhantu vhamo avha mu nyumba iya Kuloowe vhambuziizye kuuti kuli imwe kuli ivho.

1 VaKolinti 11:18

Nivuuye kuuti lwe mukuhomaana mu shivhanza mutakwivwana. Muli izyo zye nivuuye, zimo zya nalyoli.

1 VaKolinti 3:4

Ishi inga umuntu wumo akuyanga akuti, “Ine ne wa Paavhuli,” uwamwavho akuti, “Ine ne wa Apoolo,” vhuli, izyo zitakulolesya kuuti muli she mukuvhomba izya vhantu avha pa nsi ipa?

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

VaGalati 5:15

Ileelo inga mukulumana nu kuliizana inza ivihanu, muvhe minso, mutahinze mumalane.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

Yakobu 3:16

Nkuyanga vhwevhulo, mwe pe ponti pe avhantu vhali nu mwone nu lupapilo pakuvha ivho ni mbiivhi izinji zyonti.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.