1 VaKolinti 2:8 - ULufingwi uLupwa

⁸ Havhili ataliipo inga wooka mu vhapiti avha mu nsi umu we avhumanyile uvhushindamu uvhwa njeele uvhwo, mwe pe inga vhavhumanyaje, nkandi vhatámuhomeleeye pa shihovhenkanyo uMwene uwa Vhushindamu.

Tesitamenti Umupwa 1965

⁸ Izyenʼinjele zinizi zye vontʼavapiti va munsʼumu numʼatazimanyile. Shʼinga vapele vazimanyile, pe nkandi vatamuhomeleye pashihovenkanyo uMwene umuhatavupiti.

1 VaKolinti 2:8 ပူးပေါင်းရင်းမြစ်များ

Yakobu 2:1

Mwe vhamwitu, mutavhanje mwe vhakusavhulanya, mwe pe mumwitisile uMwene wiitu uYeesu Chilisiti uwa Vhushindamu.

iMbombo izya Vhatumwa 13:27

Avhantu vhe vhahaaya mu Yelusaleemu pooka na vhapiti vhaavho vhatámumanyile uYeesu kuuti we Muposhi. Havhili vhatágamanyile na mazwi aga vhakuvhwi kuzya Yeesu, ge vhakuvhaazya insiku zyonti izya Sabaato. Vhahagalunjisya kwi idala ilya kumulonga uYeesu.

iMbombo izya Vhatumwa 7:2

USiteefani ahaamula ahati, “Mwe vhamwitu na mwe vhataata vhaane, tejeelezyi! UMulungu uwa Vhushindamu ámulolesheeye utaata wiitu uAabulahamu, lwe áali mu nsi iya Vhamesopotaamiya, lwe ashiili kusaamila mu nkaaya iya Haalani.

1 VaKolinti 2:6

Ileelo zye tukuyanga zye zya vhushindamu uvhwa njeele ku vhantu vhe vhagomile mu lwitiho. Uvhushindamu uvhwa njeele uvhwo te vhwa pa nsi ipa, havhili te vhwa vhapiti avha pa nsi ipa, vhe kukonzya kwavho kukusila.

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.

2 VaKolinti 3:14

Ileelo aVhaisilayeeli injeele zyavho zyávhisiilwe kuvha ngomu. Kufishila ishi lwe vhakuvhaazya amakalaata aga ndajizyo izya Moose, vhakupootwa kumanya uvhwanalyoli, mwe pe vhakuvha vhadindiliilwe nu mwenda uwo. Uvhwanalyoli uvhwo vhukumanyiha kwi idala ilya kumwitiha uChilisiti, mwe pe uweene we akwefwa umwenda uwo.

Yohani 16:3

Vhalivhavhombelaga vhwevhulo, mwe pe vhatamumanyile uTaata, havhili niine vhweleele vhatamanyile.

Yohani 8:19

Pe aVhafalisaayi vhahamuvhuziilizya uYeesu vhahati, “Vhuli, uTaata waaho ali kwoshi?” Uweene ahati, “Mutamanyile ine, poosye uTaata waane mutamumanyile. Inga mwaamanyile ine, nu Taata waane, nkandi mumumanyile.”

Yohani 7:48

Vhuli, aliipo umupiti wumo, poosye uMufalisaayi we amwitisile uYeesu?

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

uLuuka 23:34

UYeesu ahati, “We Taata! Uvhaswile, mwe pe vhatazimanyile zye vhakuvhomba.” Avhasikaali vhaala vhahagavhana amenda aga Yeesu, kwi idala ilya kugahomela ulutambu.

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

1 VaKolinti 1:20

Ishi vhali kwoshi avhashindamu avha njeele? Vhali kwoshi avhasambiilizi avha ndajizyo izya Moose? Vhali kwoshi vhe vhali nu vhumanyi uvhwa kuyanga ahinza ahavhaliilizyo iha? UMulungu alolesiizye apazelu kuuti uvhushindamu uvhwa njeele uvhwa mu nsi umu, vhwalangani.

VaEfeso 1:17

Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

VaEfeso 4:18

Havhili vha mu shiisi, vhatamanyile uvhwanalyoli uvhwa Mulungu. Avhantu ivho vhali ukutali nu vhulanzi vhwe uMulungu akuuvhapa avhantu vhaakwe, mwe pe vhatamanyile amadala gaakwe, kufumiilana nu vhugomu uvhwa mooyo gaavho.