1 VaKolinti 2:4 - ULufingwi uLupwa

⁴ Lwe nkasambilizyaga na lwe nkakumusyaga izwi kuli imwe, ntahavhombaga vhwevhulo kwi idala ilya vhushindamu vhwane uvhwa njeele, inga mwitishe, nkandi mwítisile, mwe pe mwágavhwenyi amaha aga Mupepo uMufinjile.

Tesitamenti Umupwa 1965

⁴ Zyopʼinongwa zye nkavavuzyaga zitali mumazwi ga lumenelezyo aga njele zya munsʼumu ndali, nkandi zihalolehaga mumupepo namumaha,

1 VaKolinti 2:4 ပူးပေါင်းရင်းမြစ်များ

iMbombo izya Vhatumwa 20:27

Ntázyisile inga hansi kuvhalumbiilila zyonti zye uMulungu akasiime.

iMbombo izya Vhatumwa 26:28

Pe uAgiliipa ahamuvhuuzya uPaavhuli ahati, “Vhuli, ukusiivha kuuti ungampindula imbe ne Muchilisiti ku mazwi amansi iga?”

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

1 VaKolinti 1:17

UChilisiti atánsonteleziizye kwozya avhantu. Ánsoteleziizye kulumbiilila Izwi iLyinza, ishisita kusuuvhila uvhushindamu vhwane uvhwa njeele uvhwa kuyanga ahinza. Inga navhomba ilyo, yiliivha ngati uvhufwe uvhwa Chilisiti pa shihovhenkanyo vhutali na maha.

1 VaKolinti 2:1

Vhamwitu, lwe nínzile kuli imwe ntahakumusyaga intumi iya Mulungu ye yáali ya vhuzigizigi, inga ndoleshe kuuti ine indi na hayanjile ahinza, poosye kuyilolesya kuuti indi nu vhushindamu uvhwa njeele.

1 VaKolinti 2:13

Inongwa zye tukuyanga, te vhantu vhe vhali nu vhushindamu uvhwa njeele vhe vhatusambiliziizye, nkandi wu Mupepo uwa Mulungu we atusambiliziizye. Tukulondovhola inongwa izya Mupepo uwa Mulungu ku vhantu vhe vhali nu Mupepo uyo.

1 VaKolinti 4:20

Nkuyanga vhwevhulo, mwe pe uvhumwene uvhwa Mulungu, vhutakuloleha mu mazwi, nkandi mu maha.

2 VaKolinti 6:6

Havhili tukulolesya kuuti twe vhavhomvi avha Mulungu ku mooyo giitu amazelu na ku vhumanyi na ku vhujimbiilizu na ku vhutesi na kwi idala ilya kulongolwa nu Mupepo uMufinjile na ku shikunzi she shitali ni shifumbo.

VaGalati 1:10

Ishi vhuli, mukusiivha kuuti nkwanza kukundwa na vhantu? Ndaali, nkwanza kukundwa nu Mulungu weeka vhweleele! Inga nanzaga kukundwa na vhantu, ine nkandi te ne muzya wa Chilisiti.

Kolosi 2:4

Nkuvhasimbila izyo, inga mutahiitishe kuuti umuntu wonti avhahopenkanye ku mazwi aga kuvhakundiilizya.

1 VaTesaloniki 1:5

Tumanyile vhwevhulo, mwe pe lwe tukulumbiilila kuli imwe Izwi iLyinza, tutálumbiliiye ku mazwi geeka vhweleele, nkandi twálumbiliiye ku maha na kwa Mupepo uMufinjile na ku vhwahoome uvhwinji. Havhili twámanyile kuuti Izwi iLyinza ilyo lya nalyoli. Imwe mumanyile ahinza vwe tuhatendamaga pooka niimwe, inga tuvhaavwe.

1 Peteli 1:12

UMulungu ávhalolesiizye kuuti imbombo yaavho iya kukuvhwa yitahavhavwaga avheene, nkandi imwe. Inongwa izyo zye mwázyivuuye ku vhantu vhe vhálumbiliiye Izwi iLyinza ku maha aga Mupepo uMufinjile we uMulungu ámutumile kufuma ku mwanya. Avhahavhizya vhoope vhakusungwa nkaani kumanya inongwa izyo.

2 Peteli 1:16

Ahavhaliilizyo he tuhavhasambilizyaga izya maha aga Mwene wiitu uYeesu Chilisiti ni zya kwinza kwakwe, tutahasuvhilaga ivwili ivwa ilenga vwe avhantu vhásimvile ku njeele zyavho, nkandi iswe sweneeswe twávhwenyi uvhushindamu vhwakwe.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.