1 VaKolinti 2:3 - ULufingwi uLupwa

³ Ahavhaliilizyo iho, náali ne muyeyevhazu, náali ni lyoga, havhili nkatetemaga nkaani.

Tesitamenti Umupwa 1965

³ Lwe ninzile kumwinyu pe nali nuvutonsu, havili nkatetemaga ishitetemwi ishipiti.

1 VaKolinti 2:3 ပူးပေါင်းရင်းမြစ်များ

iMbombo izya Vhatumwa 17:1

Avha Paavhuli nu Siila lwe vheepa ku Fiilipi, vhahatuuha mu nkaaya iya Amufipooli ni ya Apoloniya, vhahafiha mu nkaaya iya Tesaloniiki. Pa Tesaloniiki ipo páamile isinagoogi.

iMbombo izya Vhatumwa 18:1

Lwe zyatuuha izyo, uPaavhuli aheepa mu Aseene, ahasogola mu nkaaya iya Kolinto.

iMbombo izya Vhatumwa 18:12

Ileelo ahavhaliilizyo he uGaaliyo áamile mupiti uwa shigavho isha nsi isha Akaaya, aVhayuuda vhahamuvhuushila uPaavhuli ku mwoyo wooka nu kumutwala kwa Gaaliyo kwi ilonjelwi.

iMbombo izya Vhatumwa 18:6

Ileelo aVhayuuda lwe vhanda kumudinda nu kusaamula, pe uPaavhuli ahakunyunta amenda gaakwe, ahavhavhuuzya ahati, “Inga uMulungu avhasunda, pa zyinyu mweneemwe! Kwi izwi ilyo, ine ntali nu vhunanzi naavhumo. Kufuma ileelo ili nasogola ku vhantu vhe te Vhayuuda.”

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 10:10

Nkuyanga vhwevhulo, mwe pe vhamo vhakuti, “Avhakalaata avha Paavhuli vhali na mazwi amahali, havhili vhali na mazwi amamwamu. Ileelo lwe ali pooka niiswe atakuvha na maha, havhili amazwi gaakwe gakulolesya gatali nu vhumwamu.”

2 VaKolinti 13:4

Poosye she uChilisiti áali muyeyevhazu lwe akuhomeelwa pa shihovhenkanyo nu kufwa, ishi mulanzi ku maha aga Mulungu. Vhwevhulo, niiswe ishi twe vhayeyevhazu inza vwe uChilisiti áali, poosye vhwevhulo tuliivha twe vhalanzi ku maha aga Mulungu, inza vwe uChilisiti ali.

2 VaKolinti 13:9

Tukuseshela, mwe pe iswe twe vhayeyevhazu, ileelo imwe muli na maha. Tukumulaavha uMulungu avhaavwe kuuti muvhe mwe vhagolosu.

2 VaKolinti 4:1

Ishi, mwe pe uMulungu ku vhwila vhwakwe atupiiye imbombo ino, tutakuvunziha umwoyo.

2 VaKolinti 4:16

Pe ishi, tutakuvunziha umwoyo, poosye inga amavhili giitu gakunanjiha, muhati zyitu uMulungu akutupela kuvha twe vhapwa insiku zyonti.

2 VaKolinti 6:4

Ileelo mu zyonti tukulolesya kuuti twe vhavhomvi avha Mulungu. Tukulolesya ilyo kwi idala ilya kujimbiilila nkaani mu mayimba na mu ntamwo na mu ngomu.

2 VaKolinti 7:15

Ishikunzi isha Tiiti kuli imwe shikwonjela, lwe akukumbuha umushinzi wiinyu mwenti na vwe mwaamuposheleeye ahinza, havhili kwi idala ilya kunyila.

2 VaKolinti 7:5

Lwe twafiha ku Makedooniya twaaposiitwe kutuuzya, mwe pe twaamile na mayimba imbazu zyonti, kunzi kwaamile uvhulugu, muhati mu mooyo giitu mwaamile ilyoga.

VaEfeso 6:5

Niimwe mwe vhazya, mukwanzilwa muvhashindihaje nu kuvhanyila avhamwene vhiinyu. Muvhombaje vhwevhulo ku mwoyo wonti, inza vwe mukumuvhombela uChilisiti.