1 VaKolinti 2:1 - ULufingwi uLupwa

¹ Vhamwitu, lwe nínzile kuli imwe ntahakumusyaga intumi iya Mulungu ye yáali ya vhuzigizigi, inga ndoleshe kuuti ine indi na hayanjile ahinza, poosye kuyilolesya kuuti indi nu vhushindamu uvhwa njeele.

Tesitamenti Umupwa 1965

¹ Lwe nkafihaga kumwinyu, mwe vamwitu, pe ntinzile ukuvakumusizyʼinongwʼimpiti zya Mulungu mumazwi aga kuvamenelezya namuzya njele.

1 VaKolinti 2:1 ပူးပေါင်းရင်းမြစ်များ

iMbombo izya Vhatumwa 20:21

Nkavhasohaga aVhayuuda na vhe te Vhayuuda kuuti vhatonte uvhutalamalandu vhwavho, vhamulandate uMulungu, nu kumwitiha uMwene wiitu uYeesu Chilisiti.

iMbombo izya Vhatumwa 22:18

Mu njozi iyo, nkalola uMwene uYeesu akumbuuzya akuti, ‘Luvhiilo yeepa mu Yelusaleemu! Avhantu ivha te vhavhwitishe uvhwahoome vhwaho, vhwe ukuvhavhuuzya izyane.’

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

1 VaKolinti 1:17

UChilisiti atánsonteleziizye kwozya avhantu. Ánsoteleziizye kulumbiilila Izwi iLyinza, ishisita kusuuvhila uvhushindamu vhwane uvhwa njeele uvhwa kuyanga ahinza. Inga navhomba ilyo, yiliivha ngati uvhufwe uvhwa Chilisiti pa shihovhenkanyo vhutali na maha.

1 VaKolinti 1:6

Uvhudumbwe vhwinyu uvhwo, vhukuhomeshezya kuuti, Izwi iLyinza ilya Chilisiti lye twálumbiliiye kuli imwe lya nalyoli.

1 VaKolinti 2:13

Inongwa zye tukuyanga, te vhantu vhe vhali nu vhushindamu uvhwa njeele vhe vhatusambiliziizye, nkandi wu Mupepo uwa Mulungu we atusambiliziizye. Tukulondovhola inongwa izya Mupepo uwa Mulungu ku vhantu vhe vhali nu Mupepo uyo.

1 VaKolinti 2:4

Lwe nkasambilizyaga na lwe nkakumusyaga izwi kuli imwe, ntahavhombaga vhwevhulo kwi idala ilya vhushindamu vhwane uvhwa njeele, inga mwitishe, nkandi mwítisile, mwe pe mwágavhwenyi amaha aga Mupepo uMufinjile.

1 VaKolinti 2:7

Nkandi uvhushindamu uvhwa njeele uvhu, vhukufuma kwa Mulungu, havhili vhwáli vhwa vhuzigizigi, kwe kuuti vhutávhisiilwe apazelu ku vhantu. UMulungu ávhuvhatisile uvhushindamu uvhwo lwe insi yishiili kupelwa, inga niiswe tuvhe nu vhuliilani nawo mu vhushindamu vhwakwe.

2 VaKolinti 10:10

Nkuyanga vhwevhulo, mwe pe vhamo vhakuti, “Avhakalaata avha Paavhuli vhali na mazwi amahali, havhili vhali na mazwi amamwamu. Ileelo lwe ali pooka niiswe atakuvha na maha, havhili amazwi gaakwe gakulolesya gatali nu vhumwamu.”

2 VaKolinti 11:6

Poosye inga nkuloleha ntakuyanga ahinza, uvhumanyi vhwane vhupiti. Tulolesiizye ilyo kuli imwe ahavhaliilizyo honti ni mbazu zyonti.

2 VaTesaloniki 1:10

Isunde ilyo liliivha isiku liila lye uMwene uYeesu aliyinza, kuposheela uvhushindamu kufuma ku vhafinjile vhaakwe, kwe kuuti aliposheela umushinzi kufuma ku vhonti vhe vhamwitisile. Niimwe vhuulo muliivha pooka navho, mwe pe muvhwitisile uvhwahoome vhuula vhwe twávhaleteeye.

1 Timoti 1:11

Insambiilizyo izyo zikufuma mwi Izwi iLyinza lye likulolesya uvhupiti uvhwa Mulungu uwa Vhushindamu. Uweene we ampiiye Izwi ilyo kuuti ndilumbililaje.

2 Timoti 1:8

Ishi utalolaje insoni kuhomeshezya izya Mwene wiitu uYeesu Chilisiti, poosye kuzya ine kukungwa kuzya mbombo iya kukumusya uvhwanalyoli vhwakwe. Ileelo ujimbililaje amayimba pooka niine kuzya Izwi iLyinza, ku maha ge uMulungu ákupiiye.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.

Ishitushizya 1:2

Pe woope uYoohani ahahomeshezya zyonti zye ázivhwenyi, zye lizwi lya Mulungu nu vhwahoome uvhwa Yeesu Chilisiti.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”