1 VaKolinti 11:2 - ULufingwi uLupwa

² Nkuvhatiima, mwe pe mukunkumbuha ku zyonti, nu kulema insambiilizyo zye náposheleeye nu kuvhasambiilizya.

Tesitamenti Umupwa 1965

² Zye nkuvatimʼimwe she nkuvakumbuha mutuntu twontiNindajizyo zye navalajizizye Zyope muzyumishizizyʼahinza.

1 VaKolinti 11:2 ပူးပေါင်းရင်းမြစ်များ

uLuuka 1:6

UZakaliya nu mushi vháamile vhagolosu pilongolela ilya Mulungu, vhahazilemaga ahinza indajizyo zyonti izya Mulungu ishisita ulukwinkwino.

1 VaKolinti 11:17

Ishi ku nongwa izyamwavho zye nkwanza kuvhalajizya, ntakuvhatiima, mwe pe lwe mukuvhungaana mutakuvhomba zye zili ni ilonka, ileelo mukuvhomba zye zitali ni ilonka.

1 VaKolinti 11:22

Vhuli, mutali ni nyumba zyinyu zye mungatendama kulya nu kumwela? Shooni she mukushisuufwa ishivhanza isha Mulungu nu kuvhasuupizya vhe vhatali ni shintu naashimo? Vhuli, imbavhuuzye ishooni? Vhuli, imbatiime? Ndaali! Kuli izyo, ntakuvhatiima.

1 VaKolinti 15:2

Inga mukulilema izwi lye nálumbiliiye kuli imwe, mukuvhwaga uvhuposhi. Ileelo inga mutakulilema, ulwitiho lwinyu lutaliivha ni ilonka naalimo.

1 VaKolinti 4:17

Ilyo lye limbiisile kumusonteelezya uTiimoti, umwana waane unkundwa, havhili umutungamu mu mbombo iya Mwene uYeesu. Uweene kwe avhakumbusye ulujendo lwane mwa Chilisiti, inza vwe nkusambiilizya mu vivhanza mwonti.

1 VaKolinti 7:17

Avhantu vhonti vhakwanzilwa kulandila inza vwe uMwene uYeesu avhavhiisile, havhili vhasyale inza vwe vháamile lwe uMulungu akuvhiita. Ulu lwe lulajizyo lwane ku vivhanza vwonti.

1 VaTesaloniki 1:6

Pooka nu kuuti mwámile mu mayimba kuzya lwitiho lwinyu, ileelo mwáposheleeye Izwi ilyo ku luseshelo lwe lukufuma kwa Mupepo uMufinjile. Vwe mwávhomvile vhwevhulo, mwálandasite ishiholanyo shiitu ni shiholanyo isha Mwene uYeesu.

1 VaTesaloniki 3:6

Ishi uTiimoti ayinzile kufuma kuli imwe, atuvhuziizye inongwa inyinza izya lwitiho ni shikunzi shiinyu. Atuvhuziizye kuuti mukutusamba shiima ku luseshelo, havhili musamvile kulolana niiswe, inza vwe niiswe tusamvile kulolana niimwe.

2 VaTesaloniki 2:15

Ishi vhamwitu, musimpe nu kulema insambiilizyo zye mwáposheleeye kutuushila mu mazwi giitu ge twálumbiliiye, poosye ge twávhasimbiiye mwi ikalaata lyitu.

2 VaTesaloniki 3:6

Vhamwitu, tukuvhalajizya kwi izina ilya Mwene uYeesu Chilisiti kuuti, muyefwaje mu vhamwinyu vhonti vhe vhahata, vhe vhatakulandata insambiilizyo zye twávhapiiye.