1 VaKolinti 1:9 - ULufingwi uLupwa

⁹ UMulungu alivhomba izi, mwe pe uweene mutungamu. Uweene we ahavhiita imwe, kuuti muvhe nu vhuliilani nu Mwana waakwe uYeesu Chilisiti uMwene wiitu.

Tesitamenti Umupwa 1965

⁹ UwenʼuMulungu we mutungamu wʼavisitʼimwe muvulilani vwa Mwana wakwe uYesu Chilisiti uMwene witu.

1 VaKolinti 1:9 ပူးပေါင်းရင်းမြစ်များ

Matayi 24:35

Imwanya ni nsi viliyeepa, ileelo poosye zivhe vhuli amazwi gaane galilunjiha.”

Yohani 17:21

Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

VaLoma 11:17

Ishi insamba zimo zyádiviilwe, niimwe mwe muli ngati nsamba izya ikwi ilya izayituuni ilya mwi ilaala, musopeliilwe kuliilana pooka ni nsamba zye zisyaye izya izayituuni ilya kuvhwalwa. Mukuposheela pooka uvhuloote vhwe vhukufuma mu mazi aga izayituuni ilyo lye livhwaliilwe.

VaLoma 8:28

Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

VaLoma 8:30

Havhili ivho vhe ávhasavhuuye ahavhiita. Ivho vhe ávhiisite ahavhavhaazya kuuti vhagolosu, havhili ahaavhapa uvhushindamu.

VaLoma 9:24

átusavhuuye swenti, swe Vhayuuda na vhe te Vhayuuda, inga atufwile uvhwila, mwe pe átusengiinye kuuti tuvhe nu vhushindamu pooka nawo.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

1 VaKolinti 10:13

Indingo zye zikuvhaaga imwe, zili inza zye zikuvhaaga avhantu avhanji. Ileelo uMulungu mutungamu, uweene te avhaleshe mulingwe kuluusya amaha giinyu. Lwe imwe mukulingwa, uweene akuuvhapa amaha aga kujimbiilila ni idala ilya kufumila.

1 VaKolinti 10:16

Ishi, lwe tukumusalifwa uMulungu ku zya lupindi luula lwe tukumwelela ahavhaliilizyo aha shaakulya isha Mwene, vhuli, tutakuvha nu vhuliilani nu Chilisiti mu mavhanda gaakwe? Havhili lwe tukumensula ikaati nu kulya, tutakuvha nu vhuliilani nu muvhili uwa Chilisiti?

2 VaKolinti 1:18

Ileelo ishi inza vwe uMulungu mutungamu, amazwi giitu kuli imwe gataamile ga kuuti, “Eena” havhili kuuti, “Ndaali.”

VaGalati 1:15

Ileelo uMulungu ku vhwila vhwakwe, ánsavhuuye lwe nshiili nu kupaapwa, ahaniita kumuvhombela.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaEfeso 3:6

Uvhuzigizigi uvhwo vhwe vhuno: Kwi idala ilya kulyitiha Izwi iLyinza, vhonti vhe te Vhayuuda na Vhayuuda vhakupwana pooka uvhumwene uvhwa Mulungu. Vhakuvha pooka inza ivipelwa ivwa mu muvhili. Kwe kuuti, kutuushila kwa Chilisiti uYeesu vhakuposheela pooka ulufingwi lwe uMulungu áfinzile kuvhaloota aVhayuuda.

Kolosi 1:24

Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

2 VaTesaloniki 2:14

UMulungu ahavhiita, inga muposheele uvhuposhi uvhwo kwi idala ilya Izwi iLyinza lye twálumbiliiye kuli imwe. Pe muvhanje mu vhushindamu uvhwa Mwene wiitu uYeesu Chilisiti.

2 VaTesaloniki 3:3

Ileelo uMwene uYeesu mutungamu, uweene alivhagomwa imwe nu kuvhaguulila kwa Muvhiivhi ula.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:13

Inga poosye te swe vhatungamu, uweene ali she mutungamu kuli iswe, atangayihaana.”

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

VaHebuli 10:23

Ishi pe tulemeelele nziila ulwitiho ulwo lwe tukulwitiha, mwe pe uweene we áfinzile mutungamu.

VaHebuli 11:11

Mwe pe uSaala umushi wa Aabulahamu ámwitisile uMulungu, uMulungu ámupiiye uSaala amaha aga kuvha nu vhumwamu nu kupaapa umwana, pooka nu kuuti uSaala áamile mugumba havhili áamile mugoosi. USaala ahitihaga kuuti uMulungu mutungamu havhili akuvhomba ziila zye afinzile.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 6:18

Inga uMulungu afinga nu kulapa, atakwandula naalumo, mwe pe uweene atakuluma ilenga. Uweene ávhomvile ivintu ivi vivhili, kufinga nu kulapa, inga aatupe umwoyo iswe twe tushimbiliiye kuzilema nkaani ziila zye tukuzisuuvhila.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

1 Yohani 4:13

Tumanyile kuuti tukulandila ku vhuliilani nu Mulungu, woope uMulungu akulandila ku vhuliilani niiswe. Tumanyile vhwevhulo, mwe pe atupiiye uMupepo waakwe.

Ishitushizya 19:11

Pisinda, nkalola ku mwanya kwigusile, ukwo nkalola imfwalaasi inzelu, na we akuyilimbila vhahatinji, “UMutungamu” nu “Wa Nalyoli.” Uyo akulongaga nu kulwa ku vhugolosu.