1 Timoti 6:9 - ULufingwi uLupwa

⁹ Ileelo avhantu vhe vhakwanza kulonka ivwuma kuvha vhe vhadumbwe, vhakuyinjizya mu ndingo nu kulemwa mwi ilivha na mu mpapilo inyinji izya kuvwalazya. Impapilo izyo zikuvhakwesela mu vhunanjisu, vhakusilila umwo.

Tesitamenti Umupwa 1965

⁹ Avene nyene ve vakwanzʼuvudumbwe vakuyitaga mulutazyo mumahonde namuṿipapilo iṿwinji iṿisitanjele iṿinanzi, ṿwe ṿikudwiṿwʼumuntu mulunanjiho namululiho.

1 Timoti 6:9 ပူးပေါင်းရင်းမြစ်များ

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Matayi 19:22

Lwe umujaaha uyo ayiivwa izyo, aheepa uku aswimiliilwe nkaani, mwe pe áamile ni vwuma ivwinji.

Matayi 26:15

ahavhavhuziilizya ahati, “Kwe mumpe ishooni inga namwaniila uYeesu?” Pe vhahaamupa impiiya insavhaazya 30.

Matayi 6:19

“Mutasengulaje inkoma mu nsi umu, mwe uluswa nu vhusimu vikunanganya, havhili avhiivha vhakupankula nu kwivha.

Maliko 4:19

Ileelo imbombo izya mu nsi, nu luhopenkanyo ulwa vwuma nu lupapilo ulwa vintu ivwinji, vikulibuda izwi, lyope litakupaapa.

uLuuka 12:21

“Isho vwe yiliivha, kwa muntu wonti we akuvhungaaniha ivintu ivwinji, ishisita kuvhomba zye zikumuhondezya uMulungu.”

uLuuka 21:35

Nkuyanga isho, mwe pe isiku ilyo lilivhitushizya avhantu vhonti mu nsi zyonti.

iMbombo izya Vhatumwa 8:20

UPeeteli ahamwamula ahati, “Uteejele ukutali, iwe pooka ni mpiiya zyaho! Ukusiivha kuuti ungaakala ishikunjilwa isha Mulungu!

VaEfeso 4:22

Mwásambiliiye kuleha ulujendo lwinyu uluvhiivhi nu kuzuula amooyo giinyu aga vhutalamalandu vhwe mwáli navhwo. Impapilo zyinyu zye zikuvhahopenkanya zikuvhananganya amooyo giinyu.

1 Timoti 1:9

Havhili tumanyile kuuti indajizyo zitavhisiilwe ku vhantu avhagolosu, nkandi ku vhapuvi vhe vhatakusaajila na ku vhe vhatakumushindiha uMulungu, na vhe vhakuvhomba uvhutalamalandu. Havhili zivhisiilwe ku vhe vhakuviitilwa imbombo iya Mulungu nu kusungwa imbombo izya mu nsi, na ku vhe vhakugoga avhayise na vhanyina, na vhagozi avhanji vhonti.

1 Timoti 3:7

Havhili, yikwanzilwa vhe te vhiitisi vhamuyanjilaje inyinza, inga atahakwinkwinwe nu kugwila mwi ilivha ilya Mukwalanzi.

1 Timoti 6:10

Yeenya, kusungwa impiiya, vhwe vhwandilo uvhwa mbiivhi zyonti. Vhaliipo avhantu vhamo vhe vhazisungwilwe nkaani impiiya, zivhapeleeye kuuti vhaluleshe ulwitiho lwavho, vhavwalaziizye amooyo gaavho ku vhuswimiilizu nkaani.

1 Timoti 6:17

Uvhalajizye avhadumbwe mu nsi umu kuuti vhatayitumvwaje, nu kuuti vhatavhiihaje ulusuuvhilo lwavho mu vintu vwe vhali navwo, mwe pe ivwa mu nsi umu vikuvha vwavho ku havhaliilizyo hansi vhweleele. Uvhasohaje kuuti vhavhiihaje ulusuuvhilo lwavho kwa Mulungu, we akuutupa ivintu vwonti ku vhwinji, inga tuvhanje nu luseshelo.

2 Timoti 2:26

Ipo pe uvhumanyi vhwavho vhukuvhagalushila havhili, vhakupulumuha mwi ilivha ilya Mukwalanzi, we avhalemile, inga vhavhombaje zye akwanza wuuyo.

uTiiti 2:12

Uvhwila uvhwo vhukutusambiilizya kuzihaana zyonti zye te zya Mulungu ni mpapilo izya mu nsi. Pe lwe tukutendama ahavhaliilizyo iha, tukuvha twe vhantu twe tukuyikonzya nu kuvha twe vhagolosu nu kuvhomba inyinza pilongolela ilya Mulungu.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

uYuuda 1:11

Vhasheela! Mwe pe vhakulandata idala ilya Kaayini ilya vhutalamalandu, havhili kuzya vhulonsi vhakutala umulandu uwa Baalamu ishisita kuyidinda. Vhoope vhakusambuha inza uKoola, nu kulovha inza uweene.