1 Timoti 6:4 - ULufingwi uLupwa

⁴ Avhantu ivho vhakuyitumvwa vhweleele, vhatazimanyile naazimo, vhakwanza kudalinkana shaaha ku mazwi aga kuyitumvwa. Uvhwo vhwe vhwandilo uvhwa vhantu kuvha nu mwone ni ivho ni ndigo nu kuvhasivhiilila havhiivhi avhamwavho

Tesitamenti Umupwa 1965

⁴ wʼali nuvwahayivale, atazimanyile nazimo, nkandi avinile lwʼakusungwa ahafwishi, amadali, zye zikupelʼulugulumwo, nukudalinkana, nukuliganʼindigo, nukumusivililʼuwunji izya vuvivi,

1 Timoti 6:4 ပူးပေါင်းရင်းမြစ်များ

iMbombo izya Vhatumwa 15:2

Avha Paavhuli nu Balinaaba lwe vhiivwa izwi ilyo, vhahatumvanya nu kuvhuzilizanya navho nkaani. Pisinda, avhantu avha shivhanza isha ku Antiyookiya vhahalajizya kuuti, avha Paavhuli nu Balinaaba pooka na vhiitisi vhamo vhasogole ku Yelusaleemu, kuvhavhuziilizya avhatumwa na vhasongo avha shivhanza izwi ilyo.

iMbombo izya Vhatumwa 18:15

Ileelo, mwe pe mukudalinkana izya mazwi na mazina ni ndajizyo zyinyu, mwamule mweneemwe. Ine ntakwanza kuvha ne mulonzi uwa izyo.”

iMbombo izya Vhatumwa 8:9

Mu nkaaya iyo iya Samaliya, mwámile umuntu wumo we áali mulozi, izina lyakwe vhahatinji uSiimoni. Ahavhasukumizyaga avhantu vhonti mu nsi iya Samaliya ku mayele aga vhulozi vhwe ahavhombaga, havhili ahayibaadaga kuuti uweene muntu umupiti.

VaLoma 12:16

Mwivwanaje ahinza na vhamwinyu. Mutayitumvwaje, muvhanje nu vhuliilani na vhantu vhe vhatakushindikwa, mutayilolaje kuuti muvhapoosite injeele.

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

VaLoma 14:1

Mumuposheelaje uwamwinyu we muyeyevhazu mu lwitiho, mutadalinkanaje nawo ku nsiivho zyakwe zye zikusugaana ni zyinyu.

VaLoma 2:8

Ileelo vhe vhakupapamila na vhe vhakuhaana uvhwanalyoli, nkandi vhakwitiha kuvhomba imbiivhi, uMulungu alivhaviitilwa nu kuuvhapa isunde.

1 VaKolinti 11:16

Ileelo inga umuntu wonti akwanza kudalisya, amanye kuuti iswe tutali na maata aganji, nkandi ganaago, poosye ivivhanza ivwa Mulungu vili na ganaago.

1 VaKolinti 11:18

Nivuuye kuuti lwe mukuhomaana mu shivhanza mutakwivwana. Muli izyo zye nivuuye, zimo zya nalyoli.

1 VaKolinti 3:18

Umuntu wonti muli imwe atahayihopenkanye kuuti ali nu vhushindamu uvhwa njeele. Umuntu inga akuyilola kuuti ali nu vhushindamu uvhwa njeele mu nsi umu, ayivhiishe mwalangani, inga avhwaje uvhushindamu uvhwa njeele uvhwa nalyoli.

1 VaKolinti 3:3

Nkuyanga vhwevhulo, mwe pe poosye ishi mukulongolwa nu vhuntu uvhwa vhutalamalandu. Pahati yiinyu muli nu mwone ni ivho. Vhuli, izyo zitakulolesya kuuti muli she mukulongolwa nu vhuntu uvhwa vhutalamalandu nu kulandila inza avhantu avha mu nsi umu?

2 VaKolinti 11:20

Yeenya, mukumujimbiilila nu kumwitiha poosye umuntu we akuvhavhiiha mu vhuzya nu kuvhiivhila nu kugoma ivintu vwinyu nu kuyitumvwa nu kuvhaliga nu kuvhahoma ku minso.

VaGalati 5:15

Ileelo inga mukulumana nu kuliizana inza ivihanu, muvhe minso, mutahinze mumalane.

VaGalati 5:26

Tutanzilizanyaaje, poosye kulolelana umwone, mwe pe tukuyitumvwa vhweleele.

VaGalati 6:3

Ishi inga umuntu akuyilola kuuti mumwamu kuluusya avhanji, ileelo atali inza vhwevhulo, uyo akuyihopenkanya wuuyo weeka.

Filipi 1:15

Vhamo vhakukumusya izwi ilya Chilisiti, mwe pe vhakundolela umwone, havhili vhakwanza kutumvanya niine. Ileelo vhamo, vhakukumusya izwi ilya Chilisiti ku mwoyo umugolosu.

Filipi 2:14

Muvhombaje inongwa zyonti ishisita kukwinkwina, ni shisita kudalinkana.

Filipi 2:3

Havhili mutavhombelaje ishintu shonti ku lutumvanyo, poosye kuzya kuyitumvwa, nkandi ku vhwahayiisye. Umuntu amushindihaje uwamwavho kuluusya uweene.

Kolosi 2:18

Mutahiitishe umuntu wonti we akuhomeelezya izya vhwahayiisye uvhwa ilenga nu kuvhapuuta avhahavhizya. Umuntu inza uyo atahavhafwule ishipambwi isha shiima. Akuti ali na maha aga kusambiilizya, mwe pe avhwenyi injozi iya pa minso amazelu. Akuyitumvwa ku njeele izya vhuntu vhwakwe uvhwa vhutalamalandu.

2 VaTesaloniki 2:4

Uweene alidindanjizya vwonti vwe avhantu vhakuvilola kuuti wu Mulungu, poosye vwe vhakuvipuuta nu kuyitumvwa ku vwonti ivwo. Havhili aliyinjila nu kutendama mu Nyumba iMfinjile iya Mulungu nu kuyitumvwa kuuti wu Mulungu.

1 Timoti 1:4

Havhili uvhavhuuzye kuuti vhaleshe ivwili vwe vitahondeeye nu kutaha amazina aga wooka wooka aga vhataata, vhe vhahafwa. Izyo zye zikuleeta amadali, zitakuvhagomwa avhantu mu mbombo iya Mulungu ye yikufumililana nu lwitiho.

1 Timoti 1:7

Vhakwanza kuvha vhasambiilizi avha ndajizyo izya Moose, ileelo inongwa zye vhakuyanga nu kuhomeelezya, vhatazimanyile.

1 Timoti 3:6

Atahaavhe muntu we ayinjiiye shiniishi mu lwitiho, inga atahinze ayitumvwe nu kugwila mu vhutalamalandu. Pe alongwe inza vwe uMukwalanzi woope álonziilwe.

2 Timoti 2:14

Uvhakumbusyaje avhantu izyo nu kuvhasoha pilongolela ilya Mulungu, inga vhaleshe kudalinkana ku mazwi ge gatakwanzilwa. Amadali igo gatali nu vhwinza naavhumo, gakuvhananganya vhweleele vhe vhakutejeelezya.

2 Timoti 2:23

Uyefwaje mu madali ge gatakwanzilwa na ga vhwalangani, mwe pe umanyile kuuti igo ge gakuleeta ivho ku vhantu.

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

uTiiti 3:9

Pooka niizyo, uyidindaje na madali aga vhupukuuku aga kutaha amazina wooka wooka aga vhataata vhe vhahafwa. Utatumvanyaaje ku ziila zye zili mu ndajizyo, havhili utavhanje nu vhulumaluma, mwe pe izyo zyonti zitangavhaavwa naashimo, zya shaaha vhweleele!

Yakobu 1:19

Mwe vhamwitu vhankundwa, mutejelezyaje ahinza! Umuntu wonti atavhanje wa kuyanga naluvhiilo, nkandi avhanje wa kutejeelezya suuti! Havhili atavhanje we akuviitwa naluvhiilo.

2 Peteli 2:12

Avhantu ivho vhali inza ivihanu vwe vitali ni njeele vwe vikupaapwa, inga avhantu vhavilemaje nu kuvivhoola. Vhakuvisaamula ivintu vwe vhatavimanyile. Vhoope uMulungu alivhalovwa inza ivihanu ivwo kuzya vhutalamalandu vhwavho.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

uYuuda 1:10

Ileelo avhantu ivha, vhakusaamula inongwa zye vhatazimanyile. Havhili inongwa zimo vhazimanyile inza ivihanu vwe vitali ni njeele. Inongwa izyo zye zikuvhalovwa.

uYuuda 1:16

Ivha, vhantu vhe vhakuyivhuna nu kukwinkwina shiima. Vhakulandata impapilo zyavho, havhili vhakuyanga amazwi amamwamu nkaani aga kuyitumvwa. Vhakuvhatiima avhantu inga vhalyaje ilonka.

Ishitushizya 3:17

Iwe ukuti, ‘Ne dumbwe, ndonsile nkaani, ntasovheliilwe naashimo.’ Ileelo utamanyile kuuti iwe we mudedevhazu, we wakufwilwa uvhwila, we mupiina, we ntonko havhili uli ishitali.