1 Timoti 6:3 - ULufingwi uLupwa

³ Kuli avhantu vhe vhakusambiilizya amazwi aga ilenga, ge gatakuvhalilana na mazwi aga vhulanzi aga Mwene wiitu uYeesu Chilisiti, ni nsambiilizyo zye zitakuvhaavwa avhantu kuvha nu lujendo ulwinza pilongolela ilya Mulungu.

Tesitamenti Umupwa 1965

³ Ingʼalipo wumo wʼakuyangʼinongwʼizinji, wʼatakulandata amazwi amapelavulanzi ga Mwene witu uYesu Chilisiti, namalango ge gakutulanganizya ukumunyilʼuMulungu,

1 Timoti 6:3 ပူးပေါင်းရင်းမြစ်များ

Matayi 22:21

Vhahamwamula vhahati, “Vwa Kayisaali.” Pe uYeesu ahavhavhuuzya ahati, “Ishi ivwa Kayisaali mumupanje uKayisaali, vwope ivwa Mulungu mumupanje uMulungu.”

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

1 VaTesaloniki 4:8

Pe umuntu wonti we akuhaana insambiilizyo izi, atakumuhaana muntu, akumuhaana wu Mulungu, we akuuvhapa imwe uMupepo waakwe uMufinjile.

1 Timoti 1:10

Indajizyo izyo zya vhalugusu, na vhe vhakuvhomba uvhuvhembu avhanaavuli ku vhanaavuli, vhe vhakuvhakazya avhazya, avha ilenga na vhe vhakulapa izya ilenga. Havhili zya vhanji vhonti vhe vhakuvhomba lyonti lye likusugaana ni nsambiilizyo izya nalyoli.

1 Timoti 1:3

Nkwanza kuuti usyale kunuukwo mu nkaaya iya Hefeeso, inza vwe nákuhomeleziizye ahavhaliilizyo he násogooye ku shigavho isha nsi isha Makedooniya. Nátili uvhalajizye avhantu kuuti vhatasambilizyaje insambiilizyo izya ilenga.

1 Timoti 1:6

Avhantu vhamo vhapuvile kuli izyo, nu kugalandata amazwi ge gatahondeeye.

2 Timoti 1:13

Amazwi gonti ge ugivuuye ku kwane ga nalyoli, ugaleme. Usambiilile genego, havhili shivhe shiholanyo mu lwitiho ni shikunzi she shili mwa Chilisiti uYeesu.

2 Timoti 4:3

Yeenya, ahavhaliilizyo he hakwinza, avhantu te vhahitihaje kutejeelezya insambiilizyo izya nalyoli. Ileelo vhalisungwaga kulandata impapilo zyavho, mwe pe vhalivhavhungaaniha avhasambiilizi avhinji vhweleele, vhe vhalivhavhuzyaga amazwi aga kuvhahondezya lwe vhakutejeelezya.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

uTiiti 1:9

Havhili akwanzilwa kuuti avhanje muntu we akugalema amazwi aga nalyoli, inza vwe asambiliiye, inga avhagomwaje avhanji ku nsambiilizyo izya nalyoli nu kuvhapoota vhe vhakuzidindanjizya.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.