1 Timoti 6:20 - ULufingwi uLupwa

²⁰ Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

Tesitamenti Umupwa 1965

²⁰ We Timoti, uhasunjililʼahinza ahantu hʼupelilwe munyove, ugunjilʼutulumbe utusitanjele twe tuli tweka, namadali ga vumanyinsanyi vwe vute vumanyinsanyi vwa nalyoli,

1 Timoti 6:20 ပူးပေါင်းရင်းမြစ်များ

iMbombo izya Vhatumwa 16:1

Pisinda, uPaavhuli ahafiha ku Deelibe suuti, havhili ahafiha ku Lisitila. Ku Lisitila ukwo ahatendamaga nu mulandati wumo uwa Yeesu, we izina lyakwe vhahatinji uTiimoti. Unyina áamile Muyuuda, we ámwitisile uYeesu, ileelo uyise áamile Muyunaani.

iMbombo izya Vhatumwa 17:18

Mu nsokooni umwo, mwámile avhasambiilile vhamo vhe vhahatinji aVhaepikuleewo na Vhasitoyiiki. Ivho vhahanda kuvhuzilizanya nu Paavhuli. Vhamo vhahati, “Umuntu we akuyangaana uno akwanza kuuti vhuli?” Vhamo vhahati, “Yikuloleha kuuti akulumbiilila izya vhalungu avhajeni.” Vháyanzile isho, mwe pe uPaavhuli ahalumbililaga Izwi iLyinza kuzya Yeesu nu kuzyuha.

iMbombo izya Vhatumwa 17:21

Vhámuvhuziizye vhwevhulo, mwe pe aVhaseene na vhanji vhonti vhe vhahatendamaga umwo vhatahavhombaga ishinji naashimo, nkandi lye lipangwi ilya kuyanga nu kutejeelezya inongwa injeni.

VaLoma 1:22

Avheene vhahayitumvwaga kuuti vhali nu vhushindamu uvhwa njeele, fwandi vhapukupuuku.

VaLoma 3:2

Nalyoli kuvha we Muyuuda kuli ilonka ipiti. Ipiti kuli izyo, uMulungu ávhapiiye aVhayuuda indajizyo, inga vhazisunjiilile nu kuzilandata mu vhulanzi vhwavho.

1 VaKolinti 2:6

Ileelo zye tukuyanga zye zya vhushindamu uvhwa njeele ku vhantu vhe vhagomile mu lwitiho. Uvhushindamu uvhwa njeele uvhwo te vhwa pa nsi ipa, havhili te vhwa vhapiti avha pa nsi ipa, vhe kukonzya kwavho kukusila.

1 VaKolinti 3:19

Yeenya, uvhushindamu uvhwa njeele uvhwa mu nsi umu, vhwalangani pilongolela ilya Mulungu. Izyo zili inza vwe yisimviilwe mu Vhusimbe uVhufinjile kuuti, “UMulungu akuvhalema vhe vhali nu vhushindamu uvhwa njeele mu vhushevu vhwavho.”

Kolosi 2:18

Mutahiitishe umuntu wonti we akuhomeelezya izya vhwahayiisye uvhwa ilenga nu kuvhapuuta avhahavhizya. Umuntu inza uyo atahavhafwule ishipambwi isha shiima. Akuti ali na maha aga kusambiilizya, mwe pe avhwenyi injozi iya pa minso amazelu. Akuyitumvwa ku njeele izya vhuntu vhwakwe uvhwa vhutalamalandu.

Kolosi 2:8

Muvhe minso, umuntu wonti atahavhavhiishe kuvha mwe vhagomwa ku nsambiilizyo izya ilenga zye zitangavhaavwa. Insambiilizyo izyo, maata aga vhantu, havhili nsiivho zyavho izya mu nsi. Zitakufuma kwa Chilisiti.

2 VaTesaloniki 1:4

Pe iswe tukuyitiima mu vivhanza ivwa Mulungu kuzya vhujimbiilizu nu lwitiho lwinyu lwe muli nalwo, mu mayimba gonti na malavha ge gakuvhaaga.

2 VaTesaloniki 2:15

Ishi vhamwitu, musimpe nu kulema insambiilizyo zye mwáposheleeye kutuushila mu mazwi giitu ge twálumbiliiye, poosye ge twávhasimbiiye mwi ikalaata lyitu.

1 Timoti 1:11

Insambiilizyo izyo zikufuma mwi Izwi iLyinza lye likulolesya uvhupiti uvhwa Mulungu uwa Vhushindamu. Uweene we ampiiye Izwi ilyo kuuti ndilumbililaje.

1 Timoti 1:2

Ine nkukusimbila iwe Tiimoti, we mwana waane nalyoli mu lwitiho. UTaata uMulungu nu Mwene wiitu uChilisiti uYeesu, vhakufwilaje uvhwila nu kuukupa ulupepeelezyo nu vhutehamu.

1 Timoti 1:4

Havhili uvhavhuuzye kuuti vhaleshe ivwili vwe vitahondeeye nu kutaha amazina aga wooka wooka aga vhataata, vhe vhahafwa. Izyo zye zikuleeta amadali, zitakuvhagomwa avhantu mu mbombo iya Mulungu ye yikufumililana nu lwitiho.

1 Timoti 1:6

Avhantu vhamo vhapuvile kuli izyo, nu kugalandata amazwi ge gatahondeeye.

1 Timoti 1:9

Havhili tumanyile kuuti indajizyo zitavhisiilwe ku vhantu avhagolosu, nkandi ku vhapuvi vhe vhatakusaajila na ku vhe vhatakumushindiha uMulungu, na vhe vhakuvhomba uvhutalamalandu. Havhili zivhisiilwe ku vhe vhakuviitilwa imbombo iya Mulungu nu kusungwa imbombo izya mu nsi, na ku vhe vhakugoga avhayise na vhanyina, na vhagozi avhanji vhonti.

1 Timoti 4:7

Uvihaanaje ivwili ivwa vhasongo vwe vitali ni ilonka, nkandi uyiluvhizyaje weneewe kuvha nu lujendo ulwinza pilongolela ilya Mulungu.

1 Timoti 6:11

Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

1 Timoti 6:14

uzishindihaje indajizyo izyo ishisita kupuvha, poosye kukwinkwinwa, kufishila pe uMwene wiitu uYeesu Chilisiti aliyinza havhili.

2 Timoti 2:1

Ishi we mwana waane, uvhe na maha kwi idala ilya vhwila vhwe tukuvhwaga mwa Chilisiti uYeesu.

2 Timoti 2:16

Utantamaje ku mazwi aga kuyitumvwa ge gatakufuma kwa Mulungu, mwe pe gakuvhatwala avhantu ukutali nkaani nu Mulungu.

uTiiti 1:14

Havhili vhakwanzilwa kuuti vhatatejelezyaje ivwili ivwa Vhayuuda ni ndajizyo zye zisimviilwe na vhantu vhe vhakuvhuhaana uvhwanalyoli.

uTiiti 1:4

Nkukusimbila izi iwe Tiiti, we mwana waane mu lwitiho lwe tuli nalwo pooka niiwe. UTaata uMulungu nu Muposhi wiitu uChilisiti uYeesu vhakufwilaje uvhwila, nu kuukupa uvhutehamu.

uTiiti 1:9

Havhili akwanzilwa kuuti avhanje muntu we akugalema amazwi aga nalyoli, inza vwe asambiliiye, inga avhagomwaje avhanji ku nsambiilizyo izya nalyoli nu kuvhapoota vhe vhakuzidindanjizya.

uTiiti 3:9

Pooka niizyo, uyidindaje na madali aga vhupukuuku aga kutaha amazina wooka wooka aga vhataata vhe vhahafwa. Utatumvanyaaje ku ziila zye zili mu ndajizyo, havhili utavhanje nu vhulumaluma, mwe pe izyo zyonti zitangavhaavwa naashimo, zya shaaha vhweleele!

Ishitushizya 3:3

Pe ishi, ukumbushe vwe wáposheleeye na vwe wívuuye, uzileme izyo nu kupinduha. Ileelo inga utavhuuha, ndiyinza kwi idala ilya kwitushizya inza umwivha, pe te uhaamanye ahavhaliilizyo he indiyinza kuli iwe.