1 Timoti 6:18 - ULufingwi uLupwa

¹⁸ Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

Tesitamenti Umupwa 1965

¹⁸ vavombaje imbombʼinyinza, vave nuvudumbwe vwa mbombʼinyinza, vavanje vapi, avalilani navamwavo,

1 Timoti 6:18 ပူးပေါင်းရင်းမြစ်များ

Matayi 5:42

Havhili, inga umuntu wonti akulaavha shimo ku kwaho, umupanje. Poosye, inga umuntu akwanza kuuti umupavhile, utahaanaje.”

uLuuka 12:21

“Isho vwe yiliivha, kwa muntu wonti we akuvhungaaniha ivintu ivwinji, ishisita kuvhomba zye zikumuhondezya uMulungu.”

uLuuka 3:11

UYoohani ahavhaamula ahati, “We ali na menda gavhili aamupe umwenda wooka we atali nawo, woope we ali ni shaakulya aamupe we atali nasho.”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 11:29

Kufumiilana niizyo, avhalandati avha Yeesu vhahitinkana kuuti, vhonti vhafumwe ivintu, kufumiilana na viila vwe vhali navwo, inga vhavhaavwe avhamwavho avha ku Yudeeya.

iMbombo izya Vhatumwa 9:36

Mu nkaaya iyamwavho ye vhahatinji iYaafa áliipo umwantanda wumo, umulandati uwa Yeesu, izina lyakwe vhahatinji uTaabita. (Mu njango iya Shiyunaani, wu Dolikaasi.) UDolikaasi ahavhavwaga avhapiina nu kuvhomba imbombo izinji inyinza.

VaLoma 12:13

Muvhavwaje avhafinjile ivintu vwe vhasovheliilwe, havhili muvhaposheelaje ahinza avhajeni mu nyumba zyinyu.

VaLoma 12:8

We ali ni shikunjilwa isha kuvhasuvhaalizya avhanji, avhombaje vhwevhulo, woope umutesi ku vhantu, afumwaje ivintu ku mwoyo wonti. We ali ni shikunjilwa isha kuvhalongozya avhanji, avhombaje ku mute, woope we ali ni shikunjilwa isha kuvhafwila avhanji uvhwila, avhombaje vhwevhulo ku luseshelo.

1 VaKolinti 16:2

Isiku ilya kwanda ilya mulungu, mwenti musavhulaje ivintu nu kuvivhiiha kulandatana na vwe mulonsile, inga lwe nkwinza kuli imwe, muvhanje muvhunganisile.

2 VaKolinti 8:12

Inga umuntu akufumwa ku lusungwo lwakwe, uMulungu akuposheela, mwe pe uMulungu akuposheela kulandatana na vwe umuntu ali navwo, te kuuti vwe atali navwo.

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

VaGalati 6:10

Pe ishi, ahavhaliilizyo honti he tuli naho, tuvhavhombelaje inyinza avhantu vhonti, inkaani avhiitisi avhamwitu.

VaEfeso 4:28

Umwivha aleshe kwivha, avhombaje imbombo ye nyinza, inga avwagaje ivintu ivwa kumwavwa uweene nu kuvhagavhila avhamwavho vhe vhasovheliilwe.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 13:16

Mujendeelele kuvhomba inyinza nu kuvhaavwa avhamwinyu ivintu vwe muli navwo, mwe pe kuvhomba vhwevhulo, ye mpuutile ye yikumuhondezya uMulungu.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 3:11

Yikwanzilwa aleshe kuvhomba imbiivhi, avhombaje inyinza. Havhili alondolaje kuvha nu vhutehamu na vhanji nu kuvhulandata,

1 Yohani 3:17

Umuntu wonti we ali ni vintu, havhili akumulola uwamwavho we asovheliilwe, ileelo atakuvha nu mwoyo uwa vhwila, angayanga vhuli kuuti ali ni shikunzi isha Mulungu?

3 Yohani 1:11

We nkundwa waane, utavhalandataje avhanji kuvhomba uvhutalamalandu, nkandi inyinza. Wonti we akuvhomba inyinza, muntu wa Mulungu. Ileelo wonti we akuvhomba uvhutalamalandu, atamanyile kuuti uMulungu wu naanu.