1 Timoti 6:11 - ULufingwi uLupwa

¹¹ Ileelo iwe we muntu wa Mulungu, uzishimbile izyo zyonti. Ulandate ku mute ingolosu nu lujendo ulwinza pilongolela ilya Mulungu nu lwitiho ni shikunzi nu vhujimbiilizu nu vhutonsu.

Tesitamenti Umupwa 1965

¹¹ Iwe nyene we muntu wa Mulungu uzishimbile zyonti zinizi, nkandʼuyikungule kuvugolosu nakuvunyilaMulungu nakulwitiho namushikunzi nakuvuzyihamulaha nakuvutelefu.

1 Timoti 6:11 ပူးပေါင်းရင်းမြစ်များ

VaLoma 14:19

Pe ishi, ahavhaliilizyo honti tuvhe nu mute uwa kuvhomba zye zikuleeta uvhutehamu, na zye zikwavwa kuzengana mu lwitiho.

1 VaKolinti 10:14

Kuli izyo vhankundwa, mutapuutaje iviholanyo!

1 VaKolinti 14:1

Mulondolaje kuvha ni shikunzi, havhili mulondolaje kuvha ni vikunjilwa ivwa Mupepo uMufinjile, inkaani ishikunjilwa isha kukuvhwa.

1 VaKolinti 6:18

Kuli izyo, mutantamaje ku vhulugusu. Imwe mukuti, “Uvhutalamalandu vhwonti vhwe umuntu akuvhomba, vhuli kunzi mu muvhili waakwe,” ileelo we akuvhomba uvhulugusu, akuvhuvhombela uvhutalamalandu umuvhili waakwe wuuyo.

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

2 Timoti 2:21

Vhwevhulo, inga umuntu akuyizelufwa mu vhutalamalandu uvhwo vhwonti, kwe avhe shiliilo she uwa nyumba kwe ashivhombele mu mbombo izya mushinzi. Kwe avhe asavhuliilwe nu Mwene uYeesu, havhili kwe avhe nu vhwinza ku kwakwe uvhwa kuvhomba imbombo zyonti inyinza zye zikwanzilwa.

2 Timoti 2:22

Uzishimbilaje impapilo imbiivhi izya vhujaaha. Ulandataje uvhugolosu nu lwitiho ni shikunzi nu vhutehamu. Umulaavhaje uMwene uYeesu pooka na vhaala vhe vhakumulaavha ku mwoyo umuzelu.

2 Timoti 3:10

Ileelo iwe, ulandasite insambiilizyo zyane nu lujendo lwane ni nsiivho zyane nu lwitiho lwane nu vhujimbiilizu vhwane.

2 Timoti 3:17

Kuli izyo, umuntu uwa Mulungu akuvha mulunjisu, havhili akuvha ayisengiinye kuvhomba imbombo inyinza zyonti.

VaHebuli 12:14

Mwe vhamwitu, mukanyilaje kulandila ku vhutehamu na vhantu vhonti. Havhili mukanyilaje kuvha mwe vhafinjile mu vhulanzi vhwinyu, mwe pe ataliipo umuntu we angamulola uMWENE uMulungu ishisita kuvha mufinjile.

1 Peteli 3:11

Yikwanzilwa aleshe kuvhomba imbiivhi, avhombaje inyinza. Havhili alondolaje kuvha nu vhutehamu na vhanji nu kuvhulandata,