1 Timoti 5:8 - ULufingwi uLupwa

⁸ Ileelo umuntu we atakuvhaavwa avhajenzi avha mu luho lwakwe, inkaani avha mu nyumba yaakwe, uyo akuvha aluhaanile ulwitiho lwakwe, havhili muvhiivhi kuluusya avhantu vhe vhatitisile.

Tesitamenti Umupwa 1965

⁸ Uwenʼuno wengʼatakuvasivilila avantu vakwe ṿwenga vasovelilwe, inkani ava nyumba yakwe, wʼayihanilʼulwitiho nukulusyʼuvuvivi nawe musitalwitiho.

1 Timoti 5:8 ပူးပေါင်းရင်းမြစ်များ

Matayi 18:17

Inga atavhatejeelezya vhoope ivho, usogole ushivhuuzye ishivhanza. Inga atashitejeelezya ni shivhanza, pe shimuvhiishe inza we atamwitisile uMulungu, poosye inza umusonchezya musonko.”

Matayi 7:11

Pe ishi, inga imwe mwe vhatalamalandu mumanyile kuuvhapa avhaana vhiinyu ivintu ivwinza, pe uTaata wiitu uwa ku mwanya aliivhapa ivintu ivwinza nkaani vhaala vhe vhakumulaavha!

Yohani 15:22

Inga ntínzile nu kuyanga navho, nkandi vhatali nu vhutalamalandu. Ileelo ishi vhatangayiyanjila kuuti vhatali nu vhutalamalandu.

1 VaKolinti 6:6

Ileelo imwe vhamwitu, mukulongana mweneemwe pilongolela pi ilonjelwi ku vhe te vhiitisi!

2 VaKolinti 12:14

Ishi nkuyisengaanya kwinza kuli imwe ulwa vhutatu, ileelo te ninze imbatamwe kuuti munaavwe. Ntakwanza ivintu vwinyu, nkandi nkuvhanza imwe. Nkuyanga vhwevhulo, mwe pe avhaana vhatakwanzilwa kusengula ivintu, inga vivhe vwa vhapaafi, nkandi avhapaafi vhe vhakwanzilwa kusengula ivintu, inga vivhe vwa vhaana.

2 VaKolinti 6:15

Havhili uChilisiti nu Seetano vhangavha nu lwivwano? Poosye umwitisi na we te mwitisi, vhangavha nu vhuliilani?

VaGalati 6:10

Pe ishi, ahavhaliilizyo honti he tuli naho, tuvhavhombelaje inyinza avhantu vhonti, inkaani avhiitisi avhamwitu.

2 Timoti 2:12

Inga tukujimbiilila, tulikonzya pooka nawo. Ileelo inga twamuhaana, pe woope alituhaana.

2 Timoti 3:5

Vhaliloleha ngati vhali nu lujendo ulwinza pilongolela ilya Mulungu, ileelo mu vhulanzi vhwavho vhakuhaana amaha gaakwe. Avhantu ivho uyefwaje navho.

uTiiti 1:16

Vhakupemula kuuti vhamumanyile uMulungu, ileelo vhakumuhaana mu lujendo lwavho. Vhakumuviisya, havhili vhasambusu, vhatahondeeye poosye na ku mbombo inyinza zyonti.

2 Peteli 2:1

Ahavhaliilizyo aha vhakuvhwi, vháfumiiye avhakuvhwi avha ilenga mu Vhaisilayeeli. Vhwevhulo, avhasambiilizi avha ilenga vhalifumila muhati yiinyu. Avhasambiilizi ivho vhalileeta ku vhuzigizigi insambiilizyo izya ilenga nu kumuhaana uYeesu uMulongozi uMupiti we ávhatavhuuye. Kwi idala ilya nsambiilizyo zyavho, vhaliyileteelela naluvhiilo kulovha kwavho.

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.

Ishitushizya 3:8

Ndumanyile ulujendo lwaho. Yeenya, nkuvhishiiye umulyango we wuli ukwazi kwilongolela lyaho, we uwunji nuumo atangawugalila. Imanyile kuuti uli na maha mansi, ileelo ulisunjililiiye izwi lyane, havhili utalihaanile izina lyane.