1 Timoti 5:5 - ULufingwi uLupwa

⁵ Umuziishe wonti we atali na vha kumwavwa, uweene avhiisile ulusuuvhilo lwakwe kwa Mulungu weeka, akulaavha kuuti amwavwaje uvhusiku nu musanya.

Tesitamenti Umupwa 1965

⁵ Uwenʼumwantanda wenga mufwile nalyoli, uno wengʼasyaye weka, wʼakusuvila kwe kwa Mulungu, akulindilila shima ukulambilizya nukuputa shamusanya nashavusiku.

1 Timoti 5:5 ပူးပေါင်းရင်းမြစ်များ

uLuuka 18:1

UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

uLuuka 18:7

Ishi, uMulungu atangavhavhombela zye zikwanzilwa avhasaavhulwa vhaakwe vhe vhakumulaavha uvhusiku nu musanya? Angahaavha kuvhaavwa?

uLuuka 2:37

Kufuma ipo umulume waakwe áfuuye, ahasyala muziishe, ahafisya amaaha 84 kufuma kupaapwa kwakwe. Ahavhaliilizyo honti ahavhanga pa Nyumba iMfinjile, ahamupuutaga uMulungu uvhusiku nu musanya kwi idala ilya kulaavha nu kuyiima kulya.

iMbombo izya Vhatumwa 26:7

Ulufingwi ulwo lwe avhantu vhonti avha nsi yiitu, inkolo 12, vhakusuuvhila kuuti vhalilufishila. Pe vhakumupuuta uMulungu uvhusiku nu musanya. We mwene, ulusuuvhilo ulwo lwe aVhayuuda vhakundonjeelela ileelo ili!

iMbombo izya Vhatumwa 6:1

Insiku izyo, uvhwinji uvhwa vhalandati avha Yeesu vhuhonjelaga nkaani. Muli ivho, vháliipo aVhayuuda vhe vhahayangaga injango iya Shiyunaani, na vhe vhahayangaga injango iya Shiyalaamu. Isiku limo kuhafumila kuyivhuna. AVhayuuda vhe vhahayangaga iShiyunaani vhahayivhunaga kuuti avhaziishe vhaavho vhahavhaluvwaga kuvhagavhila ivwakulya insiku zyonti.

iMbombo izya Vhatumwa 9:39

Pe uPeeteli ahasogola pooka navho. Lwe vhaafiha mu Yaafa, vhahamutwala mu shumba sheshiila she vhámuvhiisile uDolikaasi. Avhaziishe vhonti vhahamuvhungatila uku vhakukuuta amansozi. Vhahamusontela inkanzu, na menda aganji ge uDolikaasi ávhasoneeye lwe mupuuma.

iMbombo izya Vhatumwa 9:41

UPeeteli ahamulema inyoovhe, ahamwimiilisya. Ahavhiita avhaziishe vhaala, na vhafinjile avhanji, ahavhalolesya kuuti uTaabita mupuuma.

VaLoma 1:12

kwe kuuti ulwitiho lwinyu lungomwe ine, lwope ulwane luvhagomwe imwe.

VaLoma 1:5

Kutuushila ku kwakwe, uMulungu ámfwiliiye uvhwila nu kumbiiha kuvha ne mutumwa. Ávhomvile vhwevhulo, inga mbiitaje avhantu vhonti vhe te Vhayuuda, kuuti vhamwitihaje uMwene uYeesu nu kulandata zye uweene akwanza.

1 VaKolinti 7:32

Ishi nkwanza kuuti muleshe kuzisiivha intamwo izya mu nsi. Umuntu we atimaaye, akuyikungula kumuvhombela uMwene uYeesu, mwe pe akusiivha kumuhondezya we Mwene.

1 VaKolinti 7:34

insiivho zyakwe zikuvha imbazu zivhili. Umulindu asugiine nu mwantanda we ayimaliilwe. Umwantanda we atimaliilwe akuyikungula kumuvhombela uMwene, inga avhe mufinjile umuvhili nu mwoyo. Ileelo umwantanda we ayimaliilwe, akuyifumwa kuvhomba izya mu nsi umu nu kusiivha vwe angamuhondezya umulume waakwe.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Filipi 4:6

Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

1 Timoti 2:1

Ululajizyo lwane ulwa kwanda, nkuvhalajizya kuuti mumulaavhaje uMulungu, musalifwaje ku mpuuto na ku ndaavho zyonti ku vhantu vhonti.

1 Timoti 5:16

Inga umwantanda we amwitisile uChilisiti ali na vhaziishe mu nyumba yaakwe, uyo akwanzilwa kuvhaavwa, inga vhatashisuvhalilaje ishivhanza. Pe ishivhanza shivhavwaje avhaziishe vhe vhatali na vha kuvhaavwa.

1 Timoti 5:3

Avhaziishe vhe vhatali na vha kuvhaavwa vhe uvhavwaje.

2 Timoti 1:3

Nkumusalifwa uMulungu we nkumuvhombela ku mwoyo umuzelu, inza vwe avhataata vhaane vhoope vhahavhombaga. Nkumusalifwa ku mbombo yaaho, havhili nkukukumbuha mu mpuuto zyane uvhusiku nu musanya.

1 Peteli 3:5

Nkuyanga vhwevhulo, mwe pe isho vwe avhantanda avhafinjile vhe vhahamusuvhilaga uMulungu vhahayiyemvwaga, kwi idala ilya kuvhashindiha avhalume vhaavho.