1 Timoti 5:22 - ULufingwi uLupwa

²² Utahalambanaje kumuvhiishila umuntu inyoovhe kuvha wu songo. Inga umuntu uyo ali nu lujendo uluvhiivhi, pe niiwe ukuvha pooka nawo mu vhutalamalandu vhwakwe. Utayinjizyaje mu vhutalamalandu, pe kwe uvhe we muzelu.

Tesitamenti Umupwa 1965

²² Numo utahashushutʼukumuvihʼinyove, utahambulʼamalandu ga vanji. Iwe uvanje we muzelu shima izyaho.

1 Timoti 5:22 ပူးပေါင်းရင်းမြစ်များ

iMbombo izya Vhatumwa 13:3

Lwe vhamupuuta uMulungu nu kuyiima kulya havhili, vhahavhavhiishila inyoovhe avha Balinaaba nu Saavhuli kuvhaloota, pe vhahavhaleha kuuti vhasogole.

iMbombo izya Vhatumwa 18:6

Ileelo aVhayuuda lwe vhanda kumudinda nu kusaamula, pe uPaavhuli ahakunyunta amenda gaakwe, ahavhavhuuzya ahati, “Inga uMulungu avhasunda, pa zyinyu mweneemwe! Kwi izwi ilyo, ine ntali nu vhunanzi naavhumo. Kufuma ileelo ili nasogola ku vhantu vhe te Vhayuuda.”

iMbombo izya Vhatumwa 20:26

Isiku ilya ileelo ili nkuvhahomeshezya kuuti, ine ntali nu vhunanzi naavhumo kwa muntu wonti we ateega, mwe pe mbalumbiliiye mwenti.

iMbombo izya Vhatumwa 6:6

Vhahavhavhiiha pilongolela ilya vhatumwa. Pe avhatumwa ivho vhahavhapuutila, nu kuvhavhiishila inyoovhe pamwanya yaavho kuvhaloota.

VaEfeso 5:11

Mutavhanje nu vhuliilani na vhantu vhe vhakuvhomba imbiivhi izya mu shiisi, nkandi muzivumbulaje apazelu zyenezyo.

1 Timoti 3:10

Yikwanzilwa kuvhenyeelezya mu mbombo, inga vhaloleha kuuti vhahondeeye, pe vhitishilwaje mu mbombo iyo iya vhutuuli.

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

1 Timoti 3:6

Atahaavhe muntu we ayinjiiye shiniishi mu lwitiho, inga atahinze ayitumvwe nu kugwila mu vhutalamalandu. Pe alongwe inza vwe uMukwalanzi woope álonziilwe.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

1 Timoti 4:14

Utahaaleshe kushivhombela ishikunjilwa she uMulungu akupiiye, ku mazwi aga vhakuvhwi, ahavhaliilizyo he avhasongo vhákuvhishiiye inyoovhe zyavho.

2 Timoti 1:6

Kwi izwi ilyo nkukukumbusya kuuti usonshelezyaje ishikunjilwa isho she uMulungu ákupiiye, ahavhaliilizyo he nákuvhishiiye inyoovhe.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

VaHebuli 6:2

Havhili tutavhuyiilaje kusambiilizya insambiilizyo izya kwozelwa, ni zya kuvhavhiishila avhantu inyoovhe kuvhatemwa pa mbombo, ni zya kuzyuha, ni zya vhulonzi uvhwa shiima.

2 Yohani 1:11

Nkuvhavhuuzya vhwevhulo, mwe pe wonti we akumulamuha, ali pooka nawo mu vhutalamalandu vhwe akuvhomba.

Ishitushizya 18:4

Nkiivwa izwi ilyamwavho kufuma ku mwanya lihati, “Yeepi ku kwakwe mwe vhantu vhaane, inga mutahinze muvhe pooka nawo mu vhutalamalandu vhwakwe, inga mutahinze musangaane mu mfwa zyakwe.