1 Timoti 5:21 - ULufingwi uLupwa

²¹ Nkukulajizya pilongolela ilya Mulungu na pilongolela ilya Chilisiti uYeesu na vhahavhizya vhaakwe avhasaavhulwa, kuuti uzilandataje izyo ishisita kusavhulanya avhantu.

Tesitamenti Umupwa 1965

²¹ Zye nkuzisimishizya kuminso ga Mulungu naga Chilisiti Yesu naga vahavizya avasavulwa ukuti uzisunjililaje zinizi shisitakuzilonga lwʼushilʼukwiṿwʼahinza, shisitakulonjela muvwankundwa.

1 Timoti 5:21 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

uLuuka 20:21

Pe avhantu ivho vhahamuvhuziilizya uYeesu vhahati, “We Musambiilizi, tumanyile kuuti ukuyanga nu kusambiilizya izya nalyoli. Havhili utakusaajila uvhupiti uvhwa muntu, ukusambiilizya idala ilya Mulungu mu vhwanalyoli.

uLuuka 9:26

Umuntu wonti we akunkaana ine ni nsambiilizyo zyane pa vhantu, niine ne Mwana wa Aadamu lwe nkwinza mu vhushindamu vhwane, nu vhwa Taata nu vhwa vhahavhizya avhafinjile, ndimuhaana umuntu uyo.

2 VaKolinti 5:16

Ishi, kufuma ahavhaliilizyo iha, tutakumumanya umuntu ku njeele izya vhantu. Poosye she ahavhaliilizyo hamo twámumanyile uChilisiti ku njeele izya vhantu, ileelo ishi tutamumanyile inza isho.

1 VaTesaloniki 5:27

Nkuvhalajizya ku maha aga Mwene uYeesu kuuti, ukalaata uno muvhavhaziizye avhamwitu vhonti.

1 Timoti 6:13

Nkukulajizya pilongolela ilya Mulungu we akuuvipa vwonti uvhulanzi, na pilongolela ilya Chilisiti uYeesu, we áfumwizye uvhwahoome uvhwa nalyoli pilongolela ilya Pontiyo uPilaato ishisita ilyoga kuuti,

2 Timoti 2:14

Uvhakumbusyaje avhantu izyo nu kuvhasoha pilongolela ilya Mulungu, inga vhaleshe kudalinkana ku mazwi ge gatakwanzilwa. Amadali igo gatali nu vhwinza naavhumo, gakuvhananganya vhweleele vhe vhakutejeelezya.

2 Timoti 4:1

Nkukulajizya pilongolela ilya Mulungu na pilongolela ilya Chilisiti uYeesu we alivhalonga avhapuuma na vhafwe, lwe agaluha kukonzya uvhumwene vhwakwe.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

2 Peteli 2:4

UMulungu atávhafwiliiye uvhwila, avhahavhizya vhe vhávhomvile uvhutalamalandu, ávhasumvile mu shiisi, mwe vhakunziilwe na manyoloolo. Mu shiisi umwo vhakuguliilila isiku ilya kulongwa.

uYuuda 1:6

Havhili mukumbushe kuuti, vhoope avhahavhizya vhaala vhakunziilwe na manyoloolo aga shiima mu shiisi, ku vhulonzi uvhwa isiku liila ipiti. Vhakunziilwe, mwe pe vháyisufwizye imbombo yaavho, vhahavhuleha uvhutendamo vhwavho.

Ishitushizya 14:10

uweene alimwela idivaayi inkali ye vhuhalazu uvhwa Mulungu. Idivaayi iyo, vhasuusile ishisita kusangaanya na minzi, mu lupindi ulwa mulaha waakwe. Woope uMulungu alimuyimvwa ku mwoto na ku mbaluuti pilongolela ilya vhahavhizya avhafinjile, na pilongolela ilya Hagonzi aha MWENE uMulungu.