1 Timoti 5:19 - ULufingwi uLupwa

¹⁹ Inga usongo uwa shivhanza akuyangwa ku nongwa zimo, utazyitihaje she vhashiili kuhomeshezya avhantu vhavhili, poosye vhatatu.

Tesitamenti Umupwa 1965

¹⁹ Amalandu genga vakumulonjelela wumʼusongo gʼutagaposhelaje, nkandi ingʼavahome vali vavili pamo vatatu.

1 Timoti 5:19 ပူးပေါင်းရင်းမြစ်များ

Matayi 18:16

Ileelo inga atakutejeelezya, usogole umunyatule umuntu uwamwavho wooka poosye vhavhili, inga muvhulandate uVhusimbe uVhufinjile vhwe vhukuti, ‘Uvhunanzi vhwonti vhulongwaje lwe vhaafumwa uvhwahoome avhantu vhavhili, poosye vhatatu.’

Yohani 18:29

Pe umulongozi uwa Vhaluumi uyo uwa shigavho isha nsi isha Yudeeya, we izina lyakwe vhahatinji uPilaato ahafuma panzi, nu kusogola kwe vháali, ahavhavhuziilizya ahati, “Vhuli, umuntu uno ananzile ishooni she mukumulonjeelela?”

Yohani 8:17

Mu ndajizyo zyinyu izya Moose yisimviilwe kuuti, ‘Uvhuhomeshezi uvhwa vhantu vhavhili vhukwitishilwa kuuti vhwa nalyoli.’

iMbombo izya Vhatumwa 11:30

Vhahavivhungaaniha nu kuuvhapa avha Balinaaba nu Saavhuli, vhoope vhahavitwala ku vhasongo avha shivhanza isha ku Yelusaleemu.

iMbombo izya Vhatumwa 25:16

“Ileelo ine naavhamuuye naatili, iswe swe Vhaluumi tutakwitishila kuuti umuntu asundwe, she ashiili kuhomaana na vhe vhakumulonjeelela nu kuyanga izya kuyipoha.

2 VaKolinti 13:1

Ulu kwe luvhe lwa vhutatu kuli ine kwinza kuli imwe. UVhusimbe uVhufinjile vhukuti, “Uvhunanzi vhwonti vhulongwaje lwe vhaafumwa uvhwahoome avhantu vhavhili, poosye vhatatu.”

1 Timoti 4:14

Utahaaleshe kushivhombela ishikunjilwa she uMulungu akupiiye, ku mazwi aga vhakuvhwi, ahavhaliilizyo he avhasongo vhákuvhishiiye inyoovhe zyavho.

1 Timoti 5:17

Avhasongo vhe vhakulongozya ishivhanza ahinza, yikwanzilwa kuuti vhashindikwaje nu kupeelwa amalipilo aminza ku mbombo zyavho. Zivhombehaje vhwevhulo, inkaani ku vhaala vhe vhakuyifumwa kuvhalumbiilila nu kuvhasambiilizya avhantu izwi ilya Mulungu.

uTiiti 1:6

Usongo uwa shivhanza akwanzilwa kuuti avhanje muntu we atakukwinkwinwa naashimo. Havhili akwanzilwa avhe nu mushi wooka vhweleele. Avhaana vhaakwe vhakwanzilwa kuuti vhavhanje nu lwitiho, vhatalongwaje kuuti vhali ni ivho, poosye kuuti vhatali nu mushinzi.

VaHebuli 10:28

Umuntu wonti we ahahaanaga kuzilandata indajizyo izya Moose, vhahamugogaga ishisita uvhwila lwe avhahoome vhavhili, poosye vhatatu vhahomeshezya kuuti nalyoli avhomvile vhwevhulo.